헬라어 문장 검색 - ΑτηενάΤηεΔειπ

(아테나이오스, The Deipnosophists, Book 15, book 15, chapter 32)

ἐκ τούτων τῶν ἐπῶν δῆλον γίνεται ὅτι ἕτερόν ἐστιν τὸ χελιδόνιον τῆσ ἀνεμώνησ· τινὲσ γὰρ ταὐτὸ εἶναί φασι. Θεόφραστοσ δέ φησι· "τὰσ δ’ ἀνθήσεισ λαμβάνειν δεῖ συνακολουθοῦντα τοῖσ ἄστροισ τὸ ἡλιοτρόπιον καλούμενον καὶ τὸ χελιδόνιον καὶ γὰρ τοῦτο ἅμα τῇ χελιδόνι ἀνθεῖ. καὶ ἀμβροσίαν δὲ ἄνθοσ τι ἀναγράφει ὁ Καρύστιοσ ἐν Ἱστορικοῖσ Ὑπομνήμασι λέγων οὕτωσ· · "Νίκανδρόσ φησιν ἐξ ἀνδριάντοσ τῆσ κεφαλῆσ Ἀλεξάνδρου τὴν καλουμένην ἀμβροσίαν φύεσθαι ἐν Κῷ. προείρηται δ’ ἄνω περὶ αὐτῆσ ὅτι τὸ κρίνον οὕτω λέγουσι. Τιμαχίδασ δ’ ἐν τετάρτῳ Δείπνου καὶ θήσειόν τι ἀναγράφει καλούμενον ἄνθοσ ·

θήσειὸν θ’ ἁπαλὸν μήλῳ ἐναλίγκιον ἄνθοσ, Λευκερέησ ἱερὸν περικαλλέοσ, ὃ ῥα μάλιστα φίλατο. ἀπὸ τούτου δέ φησι τοῦ ἄνθουσ καὶ τὸν τῆσ Ἀριάδνησ καλούμενον στέφανον πεπλέχθαι. καὶ ὁ Φερεκράτησ δὲ ἢ ὁ πεποιηκὼσ τὸ δρᾶμα τοὺσ Πέρσασ μνημονεύων καὶ αὐτὸσ ἀνθῶν τινων στεφανωτικῶν φησιν ὦ μαλάχασ μὲν ἐξερῶν, ἀναπνέων δ’ ὑάκινθον, καὶ μελιλώτινον λαλῶν καὶ ῥόδα προσσεσηρώσ· ὦ φιλῶν μὲν ἀμάρακον, προσκινῶν δὲ σέλινα, γελῶν δ’ ἱπποσέλινα καὶ κοσμοσάνδαλα βαίνων, ἔγχει κἀπιβόα τρίτον παιῶν’,3 ὡσ νόμοσ ἐστίν.

ὁ δὲ πεποιηκὼσ τοὺσ εἰσ αὐτὸν ἀναφερομένουσ Μεταλλεῖσ φησιν ὑπ’ ἀναδενδράδων ἁπαλὰσ ἀσπαλάθουσ πατοῦντεσ ἐν λειμῶνι λωτοφόρῳ κύπειρόν τε δροσώδη κἀνθρύσκου μαλακῶν τ’ ἰών λείμακα καὶ τριφύλλου. ἐν τούτοισ ζητῶ τί τὸ τρίφυλλον.

καὶ γὰρ εἰσ Δημαρέτην ἀναφέρεταί τι ποιημάτιον ὃ ἐπιγράφεται Τρίφυλλον κἀν τοῖσ ἐπιγραφομένοισ δὲ Ἀγαθοῖσ ὁ Φερεκράτησ ἢ Στράττισ φησίν λουσάμενοι δὲ πρὸ λαμπρᾶσ ἡμέρασ ἐν τοῖσ στεφανώμασιν, οἱ δ’ ἐν τῷ μύρῳ λαλεῖτε περὶ σισυμβρίων κοσμοσανδάλων τε. καὶ Κρατῖνοσ ἐν Μαλθακοῖσ· παντοίοισ γε μὴν κεφαλὴν ἀνθέμοισ ἐρέπτομαι, λειρίοισ ῥόδοισ κρίνεσιν κοσμοσανδάλοισ ἰοίσ καὶ σισυμβρίοισ ἀνεμωνῶν κάλυξὶ τ’ ἠριναῖσ ἑρπύλλῳ κρόκοισ ὑακίνθοισ ἑλειχρύσου κλάδοισ οἰνάνθῃσιν ἡμεροκαλλεῖ τε τῷ φιλουμένῳ, ἀνθρύσκου ναρκίσσου φόβῃ τῷ τ’ ἀειφρούρῳ μελιλώτῳ κάρα πυκάζομαι· καὶ κύτισοσ αὐτόματοσ παρὰ Μέδοντοσ ἔρχεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 15, book 15, chapter 32

(아테나이오스, The Deipnosophists, Book 15, book 15, chapter 32)

상위

목록

SEARCH

MENU NAVIGATION