헬라어 문장 검색 - ΑτηενάΤηεΔειπ

(아테나이오스, The Deipnosophists, Book 15, book 15, chapter 22)

πυλέων%10. οὕτωσ καλεῖται ὁ στέφανοσ ὃν τῇ Ἥρᾳ περιτιθέασιν Λάκωνεσ, ὥσ φησιν Πάμφιλοσ. ἀλλὰ μὴν καὶ ἰάκχαν τινὰ καλούμενον οἶδα στέφανον ὑπὸ Σικυωνίων, ὥσ φησι Τιμαχίδασ ἐν ταῖσ Γλώσσαισ. Φιλίτασ δ’ οὕτωσ γράφει· Ιἄκχα, ἐν τῇ Σικυωνίᾳ, στεφάνωμα εὐῶδεσ· ἕστηκ’ ἀμφὶ κόμασ εὐώδεασ ἀγχόθι πατρὸσ καλὸν Ιἀκχαῖον θηκαμένη στέφανον. Σέλευκοσ δ’ ἐν ταῖσ Γλώσσαισ Ἑλλωτίδα καλεῖσθαί φησι τὸν ἐκ μυρρίνησ πλεκόμενον στέφανον, ὄντα τὴν περίμετρον πηχῶν κ’ , πομπεύειν τε ἐν τῇ τῶν Ἑλλωτίων ἑορτῇ, φασὶ δ’ ἐν αὐτῷ τὰ τῆσ Εὐρώπησ ὀστᾶ κομίζεσθαι, ἣν ἐκάλουν Ἑλλωτίδα. ἄγεσθαι δὲ καὶ ἐν Κορίνθῳ τὰ Ἑλλώτια. Θυρεατικοί. οὕτω καλοῦνταί τινεσ στέφανοι παρὰ Λακεδαιμονίοισ, ὥσ φησι Σωσίβιοσ ἐν τοῖσ περὶ Θυσιῶν, ψιλίνουσ αὐτοὺσ φάσκων νῦν ὀνομάζεσθαι, ὄντασ ἐκ φοινίκων. φέρειν δ’ αὐτοὺσ ὑπόμνημα τῆσ ἐν Θυρέᾳ γενομένησ νίκησ τοὺσ προστάτασ τῶν ἀγομένων χορῶν ἐν τῇ ἑορτῇ ταύτῃ, ὅτε καὶ τὰσ Γυμνοπαιδιὰσ ἐπιτελοῦσιν. χοροὶ δ’ εἰσὶν γ’, ὁ μὲν πρόσω παίδων, ὁ δ’ ἐκ δεξιοῦ γερόντων, ὁ δ’ ἐξ ἀριστεροῦ ἀνδρῶν,2 γυμνῶν ὀρχουμένων καὶ ᾀδόντων Θαλητᾶ καὶ Ἀλκμᾶνοσ ᾄσματα καὶ τοὺσ Διονυσοδότου τοῦ Λάκωνοσ παιᾶνασ.

μελιλωτίνων δὲ στεφάνων μνημονεύει Ἄλεξισ ἐν Κρατείᾳ ἢ Φαρμακοπώλῃ οὕτωσ· στεφάνουσ τε πολλοὺσ κρεμαμένουσ μελιλωτίνουσ. ἐπιθυμίσ. Σέλευκόσ φησι τὰ πάντα, στεφανώματα. Τιμαχίδασ δέ φησιν τὰ παντοδαπὰ στεφανώματα ἃ τὰσ γυναῖκασ φορεῖν οὕτωσ καλεῖσθαι ὑποθυμὶσ δὲ καὶ ὑποθυμίδεσ στέφανοι παρ’ Αἰολεῦσιν καὶ Ιὤσιν, οὓσ περὶ τοὺσ τραχήλουσ περιετίθεντο, ὡσ σαφῶσ ἔστιν μαθεῖν ἐκ τῆσ Ἀλκαίου καὶ Ἀνακρέοντοσ ποιήσεωσ. Φιλίτασ δ’ ἐν τοῖσ Ἀτάκτοισ ὑποθυμίδα Λεσβίουσ φησὶν καλεῖν μυρσίνησ κλῶνα, περὶ ὃν πλέκειν ἰά καὶ ἄλλα ἄνθη.

καὶ ὑπογλωττὶσ δὲ στεφάνου ἐστὶν εἶδοσ. Θεόδωροσ δ’ ἐν Ἀττικαῖσ Γλώσσαισ στεφάνων πλοκῆσ γένοσ παρὰ Πλάτωνι ἐν Διὶ Κακουμένῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 15, book 15, chapter 22

(아테나이오스, The Deipnosophists, Book 15, book 15, chapter 22)

상위

목록

SEARCH

MENU NAVIGATION