헬라어 문장 검색 - ΑτηενάΤηεΔειπ

(아테나이오스, The Deipnosophists, Book 15, book 15, chapter 12)

σιωπῶντοσ δ’ αὐτοῦ καὶ ἀναζητεῖν προσποιουμένου ὁ Δημόκριτοσ ἔφη· Ἀρίσταρχοσ ὁ γραμματικώτατοσ , ἑταῖρε, ἐξηγούμενοσ τὸ χωρίον ἔφη ὅτι καὶ λύγοισ ἐστεφανοῦντο οἱ ἀρχαῖοι. Ταίναροσ δὲ ἀγροίκων εἶναι λέγει στεφάνωμα τὴν λύγον.

καὶ οἱ ἄλλοι δὲ ἐξηγηταὶ ἀπροσδιόνυσά τινα εἰρήκασιν περὶ τοῦ προκειμένου, ἐγὼ δ’ ἐντυχὼν τῷ Μηνοδότου τοῦ Σαμίου συγγράμματι, ὅπερ ἐπιγράφεται Τῶν κατὰ τὴν Σάμον ἐνδόξων ἀναγραφή, εὑρ͂ον τὸ ζητούμενον. ἀδμήτην γάρ φησιν τὴν Εὐρυσθέωσ ἐξ Ἄργουσ φυγοῦσαν ἐλθεῖν εἰσ Σάμον, θεασαμένην δὲ τὴν τῆσ Ἥρασ ἐπιφάνειαν καὶ τῆσ οἴκοθεν σωτηρίασ χαριστήριον βουλομένην ἀποδοῦναι ἐπιμεληθῆναι τοῦ ἱεροῦ τοῦ καὶ νῦν ὑπάρχοντοσ, πρότερον δὲ ὑπὸ Λελέγων καὶ Νυμφῶν καθιδρυμένου· τοὺσ δ’ Ἀργείουσ πυθομένουσ καὶ χαλεπαίνοντασ πεῖσαι χρημάτων ὑποσχέσει Τυρρηνοὺσ λῃστρικῷ τῷ βίῳ χρωμένουσ ἁρπάσαι τὸ βρέτασ, πεπεισμένουσ αὐτοὺσ ὡσ, εἰ τοῦτο γένοιτο, πάντωσ τι κακὸν πρὸσ τῶν τὴν Σάμον κατοικούντων ἡ Ἀδμήτη πείσεται.

τοὺσ δὲ Τυρρηνοὺσ ἐλθόντασ εἰσ τὸν Ἡραίτην ὁρ́μον καὶ ἀποβάντασ εὐθέωσ ἔχεσθαι τῆσ πράξεωσ, ἀθύρου δὲ ὄντοσ τότε τοῦ νεὼ ταχέωσ ἀνελέσθαι τὸ βρέτασ καὶ διακομίσαντασ ἐπὶ θάλασσαν εἰσ τὸ σκάφοσ ἐμβαλέσθαι· λυσαμένουσ δ’ αὐτοὺσ τὰ πρυμνήσια καὶ τὰσ ἀγκύρασ ἀνελομένουσ εἰρεσίᾳ τε πάσῃ χρωμένουσ ἀπαίρειν οὐ δύνασθαι.

ἡγησαμένουσ οὖν θεῖόν τι τοῦτ’ εἶναι πάλιν ἐξενεγκαμένουσ τῆσ νεὼσ τὸ βρέτασ ἀποθέσθαι παρὰ τὸν αἰγιαλόν· καὶ ψαιστὰ αὐτῷ παραθέντασ περιδεεῖσ ἀπαλλάττεσθαι. τῆσ δὲ Ἀδμήτησ ἑώθεν δηλωσάσησ ὅτι τὸ βρέτασ ἠφανίσθη καὶ ζητήσεωσ γενομένησ εὑρεῖν μὲν αὐτὸ τοὺσ ζητοῦντασ ἐπὶ τῆσ ᾐόνοσ, ὡσ δὲ δὴ βαρβάρουσ Κᾶρασ ὑπονοήσαντασ αὐτόματον ἀποδεδρακέναι, πρόσ τι λύγου θωράκιον ἀπερείσασθαι, καὶ τοὺσ εὐμηκεστάτουσ τῶν κλάδων ἑκατέρωθεν ἐπισπασαμένουσ περιειλῆσαι πάντοθεν. τὴν δὲ Ἀδμήτην λύσασαν αὐτὸ ἁγνίσαι καὶ στῆσαι πάλιν ἐπὶ τοῦ βάθρου, καθάπερ πρότερον ἵδρυτο.

διόπερ ἐξ ἐκείνου καθ’ ἕκαστον ἔτοσ ἀποκομίζεσθαι τὸ βρέτασ εἰσ τὴν ᾐόνα καὶ ἀφαγνίζεσθαι ψαιστά τε αὐτῷ παρατίθεσθαι· ἑορτήν, ὅτι συντόνωσ συνέβη περιειληθῆναι τὸ βρέτασ ὑπὸ τῶν τὴν πρώτην αὐτοῦ ζήτησιν ποιησαμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 15, book 15, chapter 12

(아테나이오스, The Deipnosophists, Book 15, book 15, chapter 12)

상위

목록

SEARCH

MENU NAVIGATION