호흡부호 보기
강세부호 보기
장단부호 보기
작은 Iota 보기
모든 부호 보기
ἕτερον δ’ ἐστὶν εἶδοσ παιδιᾶσ τῆσ ἐν λεκάνῃ, αὕτη δ’ ὕδατοσ πληροῦται, ἐπινεῖ δὲ ἐπ’ αὐτῆσ ὀξύβαφα κενά, ἐφ’ ἃ βάλλοντεσ τὰσ λατάγασ ἐκ καρχησίων ἐπειρῶντο καταδύειν ἀνῃρεῖτο δὲ τὰ κοττάβια ὁ πλείω καταδύσασ. Ἀμειψίασ Ἀποκοτταβίζουσιν· ἡ Μανία, φέρ’ ὀξύβαφα καὶ κανθάρουσ καὶ τὸν ποδανιπτῆρ’, ἐγχέασα θὔδατοσ. Κρατῖνοσ ἐν Νεμέσει· τὸ δὲ κοττάβιον προθέντα συμποτικοῖσι νόμοισ τοῖσ ἐπινέουσιν ὀξυβάφοισιν ἐμβάλλειν ποτόν, τῷ δὲ βαλόντι πλεῖστανέμειν τύχησ τόδ’ ἆθλον. "ἔγνωκ’ · "ἐγὼ δὲ χαλκίον ̔τοῦτ’ ἐστὶν κοττάβειον ἱστάναἰ καὶ μυρρίνασ. Ἕρμιπποσ Μοίραισ·
χλανίδεσ δ’ οὖλαι καταβέβληνται, θώρακα δ’ ἅπασ ἐμπερονᾶται, κνημὶσ δὲ περὶ σφυρὸν ἀρθροῦται,2 βλαύτησ δ’ οὐδεὶσ ἔτ’ ἔρωσ λευκῆσ, ῥάβδον δ’ ὄψει τὴν κοτταβικὴν ἐν τοῖσ ἀχύροισι κυλινδομένην, μάνησ δ’ οὐδὲν λατάγων ἀίει· τὴν δὲ τάλαιναν πλάστιγγ’ ἂν ἴδοισ παρὰ τὸν στροφέα τῆσ κηπαίασ ἐν τοῖσι κορήμασιν οὖσαν. Ἀχαιὸσ δ’ ἐν Λίνῳ περὶ τῶν Σατύρων λέγων φησὶν ῥιπτοῦντεσ, ἐκβάλλοντεσ, ἀγνύντεσ, τί μ’ οὐ λέγοντεσ; ὦ κάλλιστον Ἡρακλεῖ λάταξ.
παρ’ ὅσον τῶν ἐρωμένων ἐμέμνηντο ἀφιέντεσ ἐπ’ αὐτοῖσ τοὺσ λεγομένουσ κοσσάβουσ, διὸ καὶ Σοφοκλῆσ ἐν Ἰνάχῳ Ἀφροδισίαν εἴρηκε τὴν λάταγα· ξανθὴ δ’ Ἀφροδισία λάταξ πᾶσιν ἐπεκτύπει δόμοισ. καὶ Εὐριπίδησ ἐν Πλεισθένει· πολὺσ δὲ κοσσάβων ἀραγμὸσ Κύπριδοσ προσῳδὸν ἀχεῖ μέλοσ ἐν δόμοισιν. καὶ Καλλίμαχοσ δέ φησι· οἰνοπόται Σικελὰσ ἐκ κυλίκων λάταγασ, ἦν δέ τι καὶ ἄλλο κοτταβίων εἶδοσ προτιθέμενον ἐν ταῖσ παννυχίσιν, οὗ μνημονεύει Καλλίμαχοσ ἐν Παννυχίδι διὰ τούτων ὁ δ’ ἀγρυπνήσασ μέχρι τῆσ κορώνησ·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기