헬라어 텍스트

Athenaeus, The Deipnosophists, Book 2, book 2, chapter 74

(아테나이오스, The Deipnosophists, Book 2, book 2, chapter 74)

ἔλαιον. Σαμιακοῦ ἐλαίου μνημονεύει Ἀντιφάνησ ἢ Ἄλεξισ· οὑτοσὶ δέ σοι τοῦ λευκοτάτου πάντων ἐλαίου Σαμιακοῦ ἐστιν μετρητήσ. Καρικοῦ δὲ ’ Ὠφελίων· ἐλαίῳ Καρικῷ ἀλείφεται. Ἀμύντασ ἐν σταθμοῖσ Περσικοῖσ φησι· "φέρει τὰ ὄρη τέρμινθον καὶ σχῖνον καὶ κάρυα τὰ Περσικά, ἀφ’ ὧν ποιοῦσι τῷ βασιλεῖ ἔλαιον πολύ. Κτησίασ δ’ ἐν Καρμανίᾳ φησὶ γίνεσθαι ἔλαιον ἀκάνθινον, ᾧ χρῆσθαι βασιλέα· "ὃ μόνον ἄριστόν ἐστι τῶν ἡδυσμάτων. ἀλλὰ μὴν οὐδὲ Δίνων ἐν τῇ Περσικῇ πραγματείᾳ· ὃσ γέ φησι καὶ ἅλασ Ἀμμωνιακὸν ἀπ’ Αἰγύπτου ἀναπέμπεσθαι βασιλεῖ καὶ ὕδωρ ἐκ τοῦ Νείλου, ἐλαίου δὲ τοῦ ὠμοτριβοῦσ καλουμένου μέμνηται Θεόφραστοσ ἐν τῷ περὶ ὀδμῶν, φάσκων αὐτὸ γίνεσθαι ἐκ τῶν φαυλιῶν ἐλαιῶν καὶ ἐξ ἀμυγδάλων, τοῦ δὲ ἐν Θουρίοισ γινομένου ἐλαίου ὡσ διαφόρου μνημονεύει Ἄμφισ·