헬라어 텍스트

Athenaeus, The Deipnosophists, Book 2, book 2, chapter 83

(아테나이오스, The Deipnosophists, Book 2, book 2, chapter 83)

"ἡ δὲ κάκτοσ καλουμένη περὶ Σικελίαν μόνον, ἐν τῇ Ἑλλάδι δ’ οὐκ ἔστι. "ἀφίησι δ’ εὐθὺσ ἀπὸ τῆσ ῥίζησ καυλοὺσ ἐπιγείουσ· "τὸ δὲ φύλλον ἔχει πλατὺ καὶ ἀκανθῶδεσ· "καυλοὺσ δὲ τοὺσ καλουμένουσ κάκτουσ, ἐδώδιμοι δ’ εἰσὶ περιλεπόμενοι καὶ μικρὸν ὑπόπικροι, καὶ ἀποθησαυρίζουσιν αὐτοὺσ ἐν ἅλμῃ. ἕτερον δὲ καυλὸν ὀρθὸν ἀφίησιν, ὃν καλοῦσι πτέρνικα, καὶ τοῦτον ἐδώδιμον. "τὸ δὲ περικάρπιον ἀφαιρεθέντων τῶν παππωδῶν ἐμφερὲσ τῷ τοῦ φοίνικοσ ἐγκεφάλῳ, ἐδώδιμον καὶ τοῦτο· "καλοῦσι δ’ αὐτὸ ἀσκάληρον. τίσ δὲ τούτοισ οὐχὶ πειθόμενοσ θαρρῶν ἂν εἴποι τὴν κάκτον εἶναι ταύτην τὴν ὑπὸ Ῥωμαίων μὲν καλουμένην κάρδον, οὐ μακράν, ὄντων τῆσ Σικελίασ, περιφανῶσ δ’ ὑπὸ τῶν Ἑλλήνων κινάραν ὀνομαζομένην; ἀλλαγῇ] γὰρ δύο γραμμάτων κάρδοσ καὶ κάκτοσ ταὐτὸν ἂν εἰή.

σαφῶσ δ’ ἡμᾶσ διδάσκει καὶ Ἐπίχαρμοσ μετὰ τῶν ἐδωδίμων λαχάνων καὶ τὴν κάκτον καταλέγων οὕτωσ μήκων μάραθα τραχέεσ τε κάκτοι τοῖσ ἄλλοισ μὲν φαγεῖν ἐντὶ λαχάνοισ εἶτα προιών αἲ κά τισ ἐκτρίψασ καλῶσ παρατιθῇ νιν, ἁδὺσ ἐστ’ αὐτὸσ δ’ ἐφ’ αὑτοῦ χαιρέτω, καὶ πάλιν θρίδακασ, ἐλάταν, σχῖνον, . . , ῥαφανίδασ, κάκτουσ καὶ πάλιν ὁ δέ τισ ἀγρόθεν ἐοίκε μάραθα καὶ κάκτουσ φέρειν, ἴφυον, λάπαθον, ὀτόστυλλον, σκόλιον, σερίδ’, ἀτράκτυλον, πτέριν, κάκτον, ὀνόπορδον. καὶ Φιλίτασ ὁ Κῷοσ·

γηρύσαιτο δὲ νεβρὸσ ἀπὸ ψυχὴν ὀλέσασα, ὀξείησ κάκτου τύμμα φυλαξαμένη.