Athenaeus, The Deipnosophists, Book 2, book 2, chapter 81

(아테나이오스, The Deipnosophists, Book 2, book 2, chapter 81)

Δίφιλοσ δέ φησιν ὡσ ὁ τῆσ θρίδακοσ καυλὸσ πολύτροφὸσ ἐστι καὶ δυσέκκριτοσ μᾶλλον τῶν φύλλων ταῦτα δὲ πνευματικώτερὰ ἐστι καὶ τροφιμώτερα καὶ εὐεκκριτώτερα. κοινῶσ μέντοι ἡ θρίδαξ εὐστόμαχοσ, ψυκτική, εὐκοίλιοσ, ὑπνωτική, εὔχυλοσ, ἐφεκτικὴ τῆσ πρὸσ τὰ ἀφροδίσια ὁρμῆσ, ἡ δὲ τρυφερωτέρα θρίδαξ εὐστομαχωτέρα καὶ μᾶλλον ὕπνον ποιοῦσα, ἡ δὲ σκληροτέρα καὶ ψαθυρὰ ἧττόν ἐστι καὶ εὐστόμαχοσ καὶ εὐκοίλιοσ, ὕπνον τε ποιεῖ, ἡ δὲ μέλαινα θρίδαξ ψύχει μᾶλλον εὐκοίλιόσ τέ ἐστι, , καὶ αἱ μὲν θερινοὶ εὐχυλότεραι καὶ τροφιμώτεραι, αἱ δὲ φθινοπωρινοὶ ἄτροφοι καὶ ἀχυλότεραι. ὁ δὲ καυλὸσ τῆσ θρίδακοσ ἄδιψοσ εἶναι δοκεῖ. θρίδαξ δ’ ἑψομένη ὁμοίωσ τῷ ἀπὸ κράμβησ ἀσπαράγῳ ἐν λοπάδι, ὡσ Γλαυκίασ ἱστορεῖ, κρείττων τῶν ἄλλων ἑψητῶν λαχάνων. ἐν ἄλλοισ δὲ Θεόφραστοσ ἐπίσπορά φησι καλεῖσθαι τευτλίον, θριδακίνην, εὔζωμον, νᾶπυ, λάπαθον, κορίαννον, ἄνηθον, κάρδαμον.

Δίφιλοσ δὲ κοινῶσ φησιν εἶναι πάντα τὰ λάχανα ἄτροφα καὶ λεπτυντικὰ καὶ κακόχυλα ἔτι τε ἐπιπολαστικὰ καὶ δυσοικονόμητα. θερινῶν δὲ λαχάνων Ἐπίχαρμοσ μέμνηται.

일치하는 문장이 없습니다.

SEARCH

MENU NAVIGATION