Athenaeus, The Deipnosophists, Book 2, book 2, chapter 14

(아테나이오스, The Deipnosophists, Book 2, book 2, chapter 14)

οἶδε δὲ καὶ τὴν τοῦ χλιαροῦ φύσιν πρὸσ τὰ τραύματα, τὸν γοῦν Εὐρύπυλον τρωθέντα ι ἐκ τούτου καταιονᾷ· καίτοι εἰ ἐπισχεῖν ἔδει τὴν αἱμορραγίαν, τὸ ψυχρὸν ἐπιτήδειον ἦν συστρέφον καὶ συσφίγγον. εἰσ δὲ τὸ παρηγορῆσαι τὰσ ὀδύνασ τῷ θερμῷ ἐπαιονᾷ θέλγειν δυναμένῳ. ἐστὶ δὲ παρ’ αὐτῷ τὸ λιαρὸν θερμόν. ἐναργῶσ δὲ τοῦτο δείκνυσιν ἐν τῷ περὶ τῶν Σκαμάνδρου πηγῶν ἡ μὲν γάρ, φησίν, ὕδατι λιαρῷ ῥέει, ἀμφὶ δὲ καπνὸσ γίνεται ἐξ αὐτῆσ ὡσεὶ πυρὸσ αἰθομένοιο. ἆρά γε τοῦτο λιαρόν ἐστιν ἀφ’ οὗ πυρὸσ ἀτμὶσ καὶ καπνὸσ ἔμπυροσ ἀναφέρεται; περὶ δὲ τῆσ ἑτέρασ πηγῆσ λέγει ὡσ θέρουσ ῥέει εἰκυῖα χαλάζῃ ἢ χιόνι ψυχρῇ ἢ ἐξ ὕδατοσ κρυστάλλῳ. εἰωθὼσ δὲ λέγειν καὶ τοὺσ νεοτρώτουσ θερμῷ περιρρεῖσθαι αἵματι ἐπὶ μὲν ’ Ἀγαμέμνονόσ φησιν ὄφρα οἱ αἷμ’ ἔτι θερμὸν ἀνήνοθεν ἐξ ὠτειλῆσ.

ἐπὶ δὲ τοῦ φεύγοντασ μετὰ τὸ βληθῆναι ἐλάφου μεταφράζων φησὶν ὄφρ’ αἷμα λιαρὸν καὶ γούνατ’ ὀρώρῃ. Ἀθηναῖοι δὲ μετάκερασ καλοῦσι τὸ χλιαρόν, ὡσ Ἐρατοσθένησ φησὶν ὑδαρῆ φησὶ καὶ μετάκερασ.

일치하는 문장이 없습니다.

SEARCH

MENU NAVIGATION