헬라어 문장 검색 - ΑτηενάΤηεΔειπ

(아테나이오스, The Deipnosophists, Book 2, book 2, chapter 72)

ἐγκέφαλοι χοίρειοι. μόνον, ἀλλὰ καὶ τῶν ἄλλων βεβήλων, οὐδένα γοῦν τῶν ἀρχαίων βεβρωκέναι διὰ τὸ τὰσ αἰσθήσεισ ἁπάσασ σχεδὸν ἐν αὐτῷ εἶναι. Ἀπολλόδωροσ δ’ ὁ Ἀθηναῖοσ οὐδ’ ὀνομάζειν τινὰ τῶν παλαιῶν φησιν ἐγκέφαλον καὶ Σοφοκλέα γοῦν ἐν Τραχινίαισ ποιήσαντα τὸν Ἡρακλέα ῥιπτοῦντα τὸν Λίχαν ἐσ θάλασσαν οὐκ ὀνομάσαι ἐγκέφαλον, ἀλλὰ λευκὸν μυελόν, ἐκκλίνοντα τὸ μὴ ὀνομαζόμενον· κόμησ δὲ λευκὸν μυελὸν ἐκραίνει, μέσου κρατὸσ διασπαρέντοσ αἵματόσ θ’ ὁμοῦ, καίτοι τἄλλα διαρρήδην ὀνομάσαντα. καὶ Εὐριπίδησ δὲ τὴν Ἑκάβην θρηνοῦσαν εἰσαγαγὼν τὸν Ἀστυάνακτα ὑπὸ τῶν Ἑλλήνων ῥιφέντα φησί· δύστηνε, κρατὸσ ὥσ σ1’ ἔκειρεν ἀθλίωσ τείχη πατρῷα, Λοξίου πυργώματα, ὃν πόλλ’ ἐκήπευσ1̓ ἡ τεκοῦσα βόστρυχον φιλήμασὶν τ’ ἔδωκεν · ἔνθεν ἐκγελᾷ ὀστέων ῥαγέντων φόνοσ, ἵν’·

αἰσχρὰ μὴ λέγω. ἔχει δὲ ἐπίστασιν ἡ τῶν ποιημάτων τούτων ἐκδοχή. καὶ γὰρ Φιλοκλῆσ τε ἐγκέφαλόν φησιν οὐδ’ ἂν ἐγκέφαλον ἔσθων λίποι, καὶ Ἀριστοφάνησ· ἀπολέσαιμ’ ἂν ἐγκεφάλου θρίω δύο, καὶ ἄλλοι. λευκὸν οὖν ἂν εἰή μυελὸν εἰρηκὼσ Σοφοκλῆσ ποιητικῶσ, Εὐριπίδησ δὲ τὸ τῆσ προσόψεωσ εἰδεχθὲσ καὶ αἰσχρὸν οὐχ αἱρούμενοσ ἐναργῶσ ἐμφανίσαι ἐδήλωσεν ὡσ ἐβούλετο. ὅτι δ’ ἱερὸν ἐνόμιζον τὴν κεφαλὴν δῆλον ἐκ τοῦ καὶ κατ’ αὐτῆσ ὀμνύειν καὶ τοὺσ γινομένουσ ἀπ’ αὐτῆσ πταρμοὺσ προσκυνεῖν ὡσ ἱερούσ.

ἀλλὰ μὴν καὶ τὰσ συγκαταθέσεισ βεβαιοῦμεν τῇ ταύτησ ἐπινεύσει, ὡσ καὶ ὁ Ὁμηρικὸσ Ζεύσ φησιν εἰ δ’ ἄγε τοι κεφαλῇ ἐπινεύσομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 2, book 2, chapter 72

(아테나이오스, The Deipnosophists, Book 2, book 2, chapter 72)

상위

목록

SEARCH

MENU NAVIGATION