헬라어 문장 검색 - ΑτηενάΤηεΔειπ

(아테나이오스, The Deipnosophists, Book 2, book 2, chapter 48)

ῥαφανίδεσ. αὗται κέκληνται διὰ τὸ ῥᾳδίωσ φαίνεσθαι. καὶ ἐκτεταμένωσ δὲ καὶ κατὰ συστολὴν λέγεται παρὰ Ἀττικοῖσ. Κρατῖνοσ· ταῖσ ῥαφανῖσι δοκεῖ, τοῖσ δ’ ἄλλοισ οὐ λαχάνοισιν. Εὔπολισ· ῥαφανίδεσ ἄπλυτοι, σηπίαι. ὅτι δὲ τὸ ἄπλυτοι ἐπὶ τῶν ῥαφανίδων ἀκούειν δεῖ, οὐκ ἐπὶ τῶν σηπιῶν, δηλοῖ Ἀντιφάνησ γράφων νήττασ, σχαδόνασ, κάρυ’ ἐντραγεῖν, ᾤ’, ἐγκρίδασ, ῥαφανῖδασ ἀπλύτουσ, γογγυλίδασ, χόνδρον, μέλι. ἰδίωσ δ’ οὕτωσ ἐκαλοῦντο ἄπλυτοι ῥαφανίδεσ ἃσ καὶ Θασίασ ὠνόμαζον. Φερεκράτησ·

ῥαφανὶσ τ’ ἄπλυτοσ ὑπάρχει καὶ θερμὰ λουτρὰ καὶ ταρίχη πνικτὰ καὶ κάρυα. ὑποκοριστικῶσ δ’ εἴρηκε Πλάτων ἐν Ὑπερβόλῳ· · "φύλλιον ἢ ῥαφανίδιον. Θεόφραστοσ δ’ ἐν τοῖσ περὶ φυτῶν γένη ῥαφανίδων φησὶν εἶναι πέντε, Κορινθίαν, Λειοθασίαν, Κλεωναίαν, Ἀμωρέαν, Βοιωτίαν. καλεῖσθαι δὲ ὑπό τινων τὴν Λειοθασίαν Θρᾳκίαν γλυκυτάτην δὲ εἶναι τὴν Βοιωτίαν καὶ τῷ σχήματι στρογγύλην. ἁπλῶσ δέ, φησίν, ὧν ἐστι λεῖα τὰ φύλλα, γλυκύτεραί εἰσι. Καλλίασ δ’ ἐπὶ τῆσ ῥαφανίδοσ εἴρηκε τὴν ῥάφανον.

περὶ γοῦν τῆσ ἀρχαιότητοσ τῆσ κωμῳδίασ διεξιών φησιν ἔτνοσ, πῦρ, γογγυλίδεσ, ῥάφανοι, δρυπεπεῖσ, ἐλατῆρεσ· ὅτι δ’ οὕτω τὰσ ῥαφανῖδασ εἴρηκε δῆλον Ἀριστοφάνησ ποιεῖ περὶ τῆσ τοιαύτησ ἀρχαιότητοσ ἐν Δαναίσι γράφων καὶ αὐτὸσ καὶ λέγων ὁ χορὸσ δ’ ὠρχεῖτ’ ἂν ἐναψάμενοσ δάπιδασ καὶ στρωματόδεσμα, διαμασχαλίσασ αὑτὸν σχελίσιν καὶ φύσκαισ καὶ ῥαφανῖσιν. εὐτελὲσ δὲ σφόδρα ἔδεσμα ἡ ῥαφανίσ.

Ἄμφισ· ὅστισ ἀγοράζων ὄψον ἐξὸν ἀπολαύειν ἰχθύων ἀληθινῶν ῥαφανῖδασ ἐπιθυμεῖ πρίασθαι, μαίνεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 2, book 2, chapter 48

(아테나이오스, The Deipnosophists, Book 2, book 2, chapter 48)

상위

목록

SEARCH

MENU NAVIGATION