헬라어 문장 검색 - ΑτηενάΤηεΔειπ

(아테나이오스, The Deipnosophists, Book 2, book 2, chapter 41)

ὅτι Ποντικῶν καλουμένων καρύων, ἃ λόπιμά τινεσ ὀνομάζουσι, μνημονεύει Νίκανδροσ. μῶναξ δὲ καὶ Τιμαχίδασ ἐν Γλώσσαισ Διὸσ βάλανόν φησι καλεῖσθαι τὸ Ποντικὸν κάρυον. ̔ Ἡρακλείδησ δὲ ὁ Ταραντῖνοσ ζητεῖ πότερον προπαρατίθεσθαι δεῖ τὰ τραγήματα, καθάπερ ἔν τισι τόποισ τῶν κατὰ τὴν Ἀσίαν καὶ τὴν Ἑλλάδα γίνεται ἢ οὔ, ἀλλὰ μετὰ τὸ δεῖπνον. ἐὰν μὲν οὖν μετὰ τὸ δεῖπνον, συμβαίνει πλείονοσ τροφῆσ κειμένησ ἐν τῇ κοιλίᾳ καὶ τοῖσ ἐντέροισ τὰ ἐπεισφερόμενα κάρυα, χάριν τῆσ πρὸσ τὸ πίνειν ὁρμῆσ ἐμπλεκόμενα τοῖσ σιτίοισ, ἐμπνευματώσεισ καὶ φθορὰσ τῆσ τροφῆσ παρασκευάζειν διὰ τὸ παρακολουθοῦν αὐτοῖσ ἐπιπολαστικὸν φύσει καὶ δυσκατέργαστον· ἐξ ὧν ἀπεψίαι γίνονται καὶ κοιλίασ καταφοραί.

"τρόφιμα μέν ἐστι καὶ εὐκοίλια, θερμαντικὰ δὲ διὰ τὸ ἔχειν κεγχρῶδέσ τι. "λυπεῖ δ’ ἧττον τὰ χλωρὰ τῶν ξηρῶν καὶ τὰ βεβρεγμένα τῶν ἀβρόχων καὶ τὰ πεφρυγμένα τῶν ὠμῶν. τὰ δὲ Ἡρακλεωτικά, καλούμενα δὲ Διὸσ βάλανοι, τρέφει μὲν οὐχ ὁμοίωσ τοῖσ ἀμυγδάλοισ, ἔχει δέ τι κεγχρῶδεσ καὶ ἐπιπολαστικὸν πλείω δὲ βρωθέντα βαρύνει τὴν κεφαλήν, ἧττον δ’ ἐνοχλεῖ καὶ τούτων τὰ χλωρὰ τῶν ξηρῶν, τὰ δὲ Περσικὰ κεφαλαλγικὰ μέν ἐστιν οὐχ ἧττον τῶν Διὸσ βαλάνων, τρέφει δὲ μᾶλλον φάρυγγα τραχύνει καὶ στόμα, ὀπτηθέντα δὲ ἀλυπότερα γίνεται· "διαχωρεῖ δὲ μάλιστα τῶν καρύων ἐσθιόμενα μετὰ μέλιτοσ, τὰ δὲ πλατέα φυσωδέστερά ἐστιν, ἀλυπότερα δὲ τὰ ἑφθὰ τῶν ὠμῶν καὶ πεφρυγμένων, τὰ δὲ πεφρυγμένα τῶν ὠμῶν. Φυλότιμοσ δὲ ἐν τοῖσ περὶ τροφῆσ φησι·

"τὸ πλατὺ καὶ τὸ καλούμενον Σαρδιανὸν δυσκατέργαστά ἐστιν ὠμὰ πάντα καὶ δυσδιάλυτα, κατεχόμενα ὑπὸ τοῦ φλέγματοσ ἐν τῇ κοιλίᾳ, καὶ στρυφνότητα ἔχοντα, τὸ δὲ Ποντικὸν λιπαρὸν καὶ δυσκατέργαστον. "τὸ δὲ ἀμύγδαλον ἧττον δυσκατέργαστον φαγόντεσ οὖν πλείονα οὐκ ἐνοχλούμεθα λιπαρώτερά τε φαίνεται καὶ ἀναδίδωσι χυμὸν γλυκὺν καὶ λιπαρόν. "τὰ βασιλικὰ κεφαλαλγῆ ἐστι καὶ ἐπιπολαστικά.

τούτων δὲ τὰ ἁπαλὰ ἔτι καὶ λελευκασμένα εὐχυλότερα καὶ κρείττονα ὑπάρχει, τὰ δ’ ἐν τοῖσ ἰπνοῖσ φρυγόμενα ὀλιγότροφα. "τὰ δὲ ἀμύγδαλά ἐστιν οὐρητικὰ καὶ λεπτυντικὰ καὶ καθαρτικὰ καὶ ὀλιγότροφα. "τῶν μέντοι χλωρῶν κακοχύλων ὄντων καὶ ἀτροφωτέρων πολὺ μᾶλλον φυσωδέστερα καὶ ἐπιπολαστικώτερά ἐστι τὰ ξηρά. τὰ δὲ ἁπαλὰ καὶ πλήρη καὶ λελευκασμένα γαλακτώδη ὄντα εὐχυλότερά ἐστι. "τῶν δὲ ξηρῶν τὰ Θάσια καὶ Κύπρια ἁπαλὰ ὄντα εὐεκκριτώτερά ἐστι. "τὰ δὲ Ποντικὰ κάρυα κεφαλαλγῆ, ἧττον δὲ ἐπιπολαστικὰ τῶν βασιλικῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 2, book 2, chapter 41

(아테나이오스, The Deipnosophists, Book 2, book 2, chapter 41)

상위

목록

SEARCH

MENU NAVIGATION