헬라어 텍스트

Athenaeus, The Deipnosophists, Book 2, book 2, chapter 40

(아테나이오스, The Deipnosophists, Book 2, book 2, chapter 40)

ὅτι περὶ τῆσ προφορᾶσ τοῦ τόνου τῆσ ἀμυγδάλησ Πάμφιλοσ μὲν ἀξιοῖ ἐπὶ τοῦ καρποῦ βαρύνειν ὁμοίωσ τῷ ἀμυγδάλῳ· τὸ μέντοι δένδρον θέλει περισπᾶν, ἀμυγδαλῆ καὶ ῥοδῆ. καὶ Ἀρχίλοχοσ· ῥοδῆσ τε καλὸν ἄνθοσ. Ἀρίσταρχοσ δὲ καὶ τὸν καρπὸν καὶ τὸ δένδρον ὁμοίωσ προφέρεται κατ’ ὀξεῖαν τάσιν. Τρύφων δὲ ἐν Ἀττικῇ προσῳδίᾳ ἀμυγδάλην μὲν τὸν καρπὸν βαρέωσ, ὃν ἡμεῖσ οὐδετέρωσ ἀμύγδαλον λέγομεν, ἀμυγδαλᾶσ δὲ τὰ δένδρα, κτητικοῦ παρὰ τὸν καρπὸν ὄντοσ τοῦ χαρακτῆροσ καὶ διὰ τοῦτο περισπωμένου. Φιλόξενοσ δ’ ἀμφότερον περισπᾷ. Εὔπολισ· ἀπολεῖσ με, ναὶ μὰ τὴν ἀμυγδαλῆν. Ἀριστοφάνησ· ἄγε νυν τὰσ ἀμυγδαλᾶσ λαβὼν τασδὶ κάταξον τῇ κεφαλῇ σαυτοῦ λίθῳ. Φρύνιχοσ· ἀμυγδαλῆ τῆσ βηχὸσ ἀγαθὸν φάρμακον. ἄλλοι δὲ ἀμυγδαλάσ, ὡσ καλάσ. ὅτι Πάμφιλοσ ἐν Γλώσσαισ μουκηροβαγόν φησι καλεῖσθαι τὸν καρυοκατάκτην ὑπὸ τῶν Λακώνων ἀντὶ τοῦ ἀμυγδαλοκατάκτην·