호흡부호 보기
강세부호 보기
장단부호 보기
작은 Iota 보기
모든 부호 보기
ὅτι πάντων ἁπλῶσ οὕτω καλούντων αὐτὰ Ἀλεξανδρεῖσ μόνοι μόρα ὀνομάζουσι. συκάμινα δὲ οὐ τὰ ἀπὸ τῆσ Αἰγυπτίασ συκῆσ, ἅ τινεσ συκόμορα λέγουσιν. ἅπερ οἱ ἐπιχώριοι ἐπὶ βραχὺ κνίσαντεσ σιδηρίῳ ἐῶσιν ἐπὶ τοῦ φυτοῦ ι καὶ ὑπὸ τοῦ ἀνέμου κινούμενα ἐντὸσ ἡμερῶν τριῶν οὕτω πέπονα καὶ εὐώδη γίνονται, μάλιστα δὲ ζεφύρων, πνευσάντων, καὶ ἐδώδιμα ὡσ διὰ τὸ ἐν αὐτοῖσ ἠρέμα ψυχρὸν καὶ τοῖσ πυρεταίνουσι μετὰ ῥοδίνου ἐλαίου καταπλαττόμενα ἐπὶ τοῦ στομάχου ἐπιτίθεσθαι καὶ οὐκ ὀλίγα παρηγορεῖσθαι τοὺσ νοσοῦντασ. φέρει δὲ τὸν καρπὸν τοῦτον ἡ Αἰγυπτία συκάμινοσ ἀπὸ τοῦ ξύλου καὶ οὐκ ἀπὸ τῶν ἐπικαρπίων. μόρα δὲ τὰ συκάμινα καὶ παρ’ Αἰσχύλῳ ἐν Φρυξὶν ἐπὶ τοῦ Ἕκτοροσ· ἀνὴρ δ’ ἐκεῖνοσ ἦν πεπαίτεροσ μόρων. ἐν δὲ Κρήσσαισ καὶ κατὰ τῆσ βάτου · λευκοῖσ τε γὰρ μόροισι καὶ μελαγχίμοισ καὶ μιλτοπρέπτοισ βρίθεται ταὐτοῦ χρόνου.
Σοφοκλῆσ· πρῶτον μὲν ὄψει λευκὸν ἀνθοῦντα στάχυν, ἔπειτα φοινίξαντα γογγύλον μόρον. καὶ Νίκανδροσ δὲ ἐν Γεωργικοῖσ ἐμφανίζει καὶ ὅτι πρότερον τῶν ἄλλων ἀκροδρύων φαίνεται μορέην τε καλεῖ τὸ δένδρον ἀεί, ὡσ καὶ οἱ Ἀλεξανδρεῖσ· καὶ μορέησ, ἣ παισὶ πέλει μείλιγμα νέοισι, πρῶτον ἀπαγγέλλουσα βροτοῖσ ἡδεῖαν ὀπώρην.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기