Athenaeus, The Deipnosophists, Book 2, book 2, chapter 32

τράπεζαι ἐλεφαντόποδεσ τῶν ἐπιθημάτων ἐκ τῆσ καλουμένησ σφενδάμνου πεποιημένων. Κρατῖνοσ· γαυριῶσαι δ’ ἀναμένουσιν ὧδ’ ἐπηγλαισμέναι μείρακεσ φαιδραὶ τράπεζαι τρισκελεῖσ σφενδάμνιναι. εἰπόντοσ τινὸσ κυνικοῦ τρίποδα τὴν τράπεζαν δυσχεραίνει ὁ παρὰ τῷ σοφιστῇ Οὐλπιανὸσ καὶ λέγει· "τήμερον ἐγὼ ’ πράγματα ἕξω ἐξ ἀπραξίασ πόθεν γὰρ τούτῳ ὁ τρίπουσ; "εἰ μὴ τὴν Διογένουσ βακτηρίαν σὺν καὶ τὼ πόδε ἀριθμῶν οὗτοσ τρίποδα προσηγόρευσε, πάντων τραπέζασ καλούντων τὰσ παραθέσεισ ταύτασ.