호흡부호 보기
강세부호 보기
장단부호 보기
작은 Iota 보기
모든 부호 보기
πρῶτοι δὲ Πέρσαι, ὥσ φησιν Ἡρακλείδησ, καὶ τοὺσ λεγομένουσ στρώτασ ἐφεῦρον, ἵνα κόσμον ἔχῃ ἡ στρῶσισ καὶ εὐάφειαν. τὸν οὖν Τιμαγόραν ἢ τὸν ἐκ Γόρτυνοσ Κρῆτα, ὥσ φησι Φαινίασ ὁ περιπατητικόσ, Ἔντιμον, ὃσ ζήλῳ Θεμιστοκλέουσ ἀνέβη ὡσ βασιλέα, τιμῶν Ἀρταξέρξησ σκηνήν τε ἔδωκεν αὐτῷ διαφέρουσαν τὸ κάλλοσ καὶ τὸ μέγεθοσ καὶ κλίνην ἀργυρόποδα, ἔπεμψε δὲ καὶ στρώματα πολυτελῆ καὶ τὸν ὑποστρώσοντα, φάσκων οὐκ ἐπίστασθαι τοὺσ Ἕλληνασ ὑποστρωννύειν. καὶ ἐπὶ τὸ συγγενικὸν ἄριστον ἐκαλεῖτο ὁ Κρὴσ οὗτοσ, τὸν βασιλέα ψυχαγωγήσασ·
ὅπερ οὐδενὶ πρότερον τῶν Ἑλλήνων ἐγένετο, ἀλλ’ οὐδ’ ὕστερον, αὕτη γὰρ ἡ τιμὴ τοῖσ συγγενέσι διεφυλάττετο. Τιμαγόρᾳ μὲν γὰρ τῷ Ἀθηναίῳ τῷ προσκυνήσαντι βασιλέα καὶ μάλιστα τιμηθέντι τοῦτο οὐχ ὑπῆρξε· τῶν δὲ παρατιθεμένων βασιλεῖ τούτῳ τινὰ ἀπὸ τῆσ τραπέζησ ἀπέστελλε. Ἀνταλκίδᾳ δὲ τῷ Λάκωνι τὸν αὑτοῦ στέφανον εἰσ μύρον βάψασ ἔπεμψε, τῷ δὲ Ἐντίμῳ τοιαῦτα πολλὰ ἐποίει καὶ ἐπὶ τὸ συγγενικὸν ἄριστον ἐκάλει. ἐφ’ ᾧ οἱ Πέρσαι χαλεπῶσ ἔφερον ὡσ τῆσ τε τιμῆσ δημευομένησ καὶ στρατείασ ἐπὶ τὴν Ἑλλάδα πάλιν ἐσομένησ.
ἑκατὸν καὶ παῖδασ ἑκατὸν χρυσοῦσ τε ἑξακισχιλίουσ χωρὶσ τῶν εἰσ τὰ ἐπιτήδεια καθ’ ἡμέραν διδομένων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기