호흡부호 보기
강세부호 보기
장단부호 보기
작은 Iota 보기
모든 부호 보기
ἤτοι ἀναβαλλομένων.? ὅτι τὸ ἄνηστις ἡ νῆστις πλεονασμῷ τοῦ ᾱ, ὡς στάχυς ἄσταχυς, παρὰ Κρατίνῳ κεῖται οὐ γάρ τοι σύ γε πρῶτος ἄκλητος φοιτᾷς ἐπὶ δεῖπνον ἄνηστις. τὸ δὲ ὀξύπεινος παρὰ Διφίλῳ: καὶ γὰρ ἀξιωτέρους πωλοῦσιν, ὡς ἐοίκε, τοὺς ἄρτους ἐκεῖ: τέρπομαι γυμνοὺς ὁρῶν τοὺς ὀξυπείνους καὶ πρὸ τῶν καιρῶν ἀεὶ πάντ εἰδέναι σπεύδοντας. καὶ Ἀντιφάνης: ἓν νόσημα τοῦτ ἔχει: ἀεὶ γὰρ ὀξύπεινός ἐστι. β. Θετταλὸν λέγει κομιδῇ τὸν ἄνδρα. καὶ Εὔβουλος: Ζῆθον μὲν ἐλθόνθ ἁγνὸν ἐς Θήβης πέδον οἰκεῖν κελεύει: ὁ δὲ ὀξύπεινος.
τὸν δὲ μουσικώτατον κλεινὰς Ἀθήνας ἐκπερᾶν Ἀμφίονα: οὗ ῥᾷστ ἀεὶ πεινῶσι Κεκροπιδῶν κόροι κάπτοντες αὔρας, ἐλπίδας σιτούμενοι.?
호흡부호 보기
강세부호 보기
장단부호 보기
작은 Iota 보기
모든 부호 보기