헬라어 텍스트

Athenaeus, The Deipnosophists, Book 2, book 2, chapter 23

(아테나이오스, The Deipnosophists, Book 2, book 2, chapter 23)

ὁ Περσῶν βασιλεύσ, ὥσ φησιν ἐν τῇ α’ Ἡρόδοτοσ, ὕδωρ ἀπὸ τοῦ Χοάσπεω πιεῖν ἄγεται τοῦ παρὰ Σοῦσα ῥέοντοσ· τοῦ μόνου πίνει ὁ βασιλεύσ, τοῦ δὲ τοιούτου ὕδατοσ ἀπεψημένου πολλαὶ κάρτα ἅμαξαι τετράκυκλοι ἡμιόνειαι κομίζουσαι ἐν ἀγγείοισ ἀργυρέοισιν ἕπονταί οἱ. Κτησίασ δὲ ὁ Κνίδιοσ καὶ ἱστορεῖ ὅπωσ ἕψεται τὸ βασιλικὸν τοῦτο ὕδωρ καὶ ὅπωσ ἐναποτιθέμενον τοῖσ ἀγγείοισ φέρεται τῷ βασιλεῖ, λέγων αὐτὸ καὶ ἐλαφρότατον καὶ ἥδιστον εἶναι. καὶ ὁ τῆσ Αἰγύπτου δὲ βασιλεὺσ δεύτεροσ, ὁ Φιλάδελφοσ ἐπίκλην, ἐκδοὺσ τὴν αὑτοῦ θυγατέρα Βερενίκην Ἀντιόχῳ τῷ Συρίασ βασιλεῖ, ἐν ἐπιμελείᾳ εἶχε πέμπειν αὐτῇ τὸ ἀπὸ τοῦ Νείλου ὕδωρ, ἵνα μόνου τούτου τοῦ ποταμοῦ ἡ παῖσ πίνῃ, ἱστορεῖ Πολύβιοσ. Ἡλιόδωροσ δέ φησι τὸν Ἐπιφανῆ Ἀντίοχον, ὃν διὰ τὰσ πράξεισ Πολύβιοσ Ἐπιμανῆ καλεῖ, τὴν κρήνην τὴν ἐν Ἀντιοχείᾳ κεράσαι οἴνῳ·

καθάπερ καὶ τὸν Φρύγα Μίδαν φησὶ Θεόπομποσ, ὅτε ἑλεῖν τὸν Σιληνὸν ὑπὸ μέθησ ἠθέλησεν. ἐστὶ δὲ ἡ κρήνη, ὥσ φησι Βίων, μέση Μαιδῶν καὶ Παιόνων Ἴννα καλουμένη. πρὸσ τὸ ὕδωρ κρᾶσιν Μελάμποδα πρῶτον εὑρεῖν.

φησὶ δὲ καὶ πεπτικώτερον τοῦ οἴνου τὸ ὕδωρ Πλειστόνικοσ.