헬라어 문장 검색 - Αρριαν́Αναβασί4́30́

(아리아노스, Anabasis, book 4, chapter 30)

Τῇ μὲν δὴ πρώτῃ ἡμέρᾳ ὡσ ἐπὶ στάδιον ἔχωσεν αὐτῷ ὁ στρατόσ. ἐσ δὲ τὴν ὑστεραίαν οἵ τε σφενδονῆται σφενδονῶντεσ ἐσ τοὺσ Ἰνδοὺσ ἐκ τοῦ ἤδη κεχωσμένου καὶ ἀπὸ τῶν μηχανῶν βέλη ἀφιέμενα ἀνέστελλε τῶν Ἰνδῶν τὰσ ἐκδρομὰσ τὰσ ἐπὶ τοὺσ χωννύοντασ. καὶ ἐχώννυτο αὐτῷ ἐσ τρεῖσ ἡμέρασ ξυνεχῶσ τὸ χωρίον. τῇ τετάρτῃ δὲ βιασάμενοι τῶν Μακεδόνων οὐ πολλοὶ κατέσχον ὀλίγον γήλοφον ἰσόπεδον τῇ πέτρᾳ. καὶ Ἀλέξανδροσ οὐδέν τι ἐλινύων ἐπῆγε τὸ χῶμα ξυνάψαι ἐθέλων τὸ χωννύμενον τῷ γηλόφῳ, ὅντινα οἱ ὀλίγοι αὐτῷ ἤδη κατεῖχον. Οἱ δὲ Ἰνδοὶ πρόσ τε τὴν ἀδιήγητον τόλμαν τῶν ἐσ τὸν γήλοφον βιασαμένων Μακεδόνων ἐκπλαγέντεσ καὶ τὸ χῶμα ξυνάπτον ἤδη ὁρῶντεσ, τοῦ μὲν ἀπομάχεσθαι ἔτι ἀπείχοντο, πέμψαντεσ δὲ κήρυκασ σφῶν παρὰ Ἀλέξανδρον ἐθέλειν ἔφασκον ἐνδοῦναι τὴν πέτραν, εἴ σφισι σπένδοιτο.

γνώμην δὲ ἐπεποίηντο ἐν τῷ ἔτι διαμέλλοντι τῶν σπονδῶν διαγαγόντεσ τὴν ἡμέραν νυκτὸσ ὡσ ἕκαστοι διασκεδάννυσθαι ἐπὶ τὰ σφέτερα ἤθη. καὶ τοῦτο ὡσ ἐπύθετο Ἀλέξανδροσ, ἐνδίδωσιν αὐτοῖσ χρόνον τε ἐσ τὴν ἀποχώρησιν καὶ τῆσ φυλακῆσ τὴν κύκλωσιν τὴν πάντῃ ἀφελεῖν.

καὶ αὐτὸσ ἔμενεν ἔστε ἤρξαντο τῆσ ἀποχωρήσεωσ· καὶ ἐν τούτῳ ἀναλαβὼν τῶν σωματοφυλάκων καὶ τῶν ὑπασπιστῶν ἐσ ἑπτακοσίουσ κατὰ τὸ ἐκλελειμμένον τῆσ πέτρασ ἀνέρχεται ἐσ αὐτὴν πρῶτοσ, καὶ οἱ Μακεδόνεσ ἄλλοσ ἄλλῃ ἀνιμῶντεσ ἀλλήλουσ ἀνῄεσαν. καὶ οὗτοι ἐπὶ τοὺσ ἀποχωροῦντασ τῶν βαρβάρων τραπόμενοι ἀπὸ ξυνθήματοσ, πολλοὺσ μὲν αὐτῶν ἐν τῇ φυγῇ ἀπέκτειναν, οἱ δὲ καὶ πεφοβημένωσ ἀποχωροῦντεσ κατὰ τῶν κρημνῶν ῥίψαντεσ σφᾶσ ἀπέθανον.

εἴχετό τε Ἀλεξάνδρῳ ἡ πέτρα ἡ τῷ Ἡρακλεῖ ἄποροσ γενομένη καὶ ἔθυεν ἐπ̓ αὐτῇ Ἀλέξανδροσ καὶ κατεσκεύασε φρούριον, παραδοὺσ Σισικόττῳ ἐπιμελεῖσθαι τῆσ φρουρᾶσ, ὃσ ἐξ Ἰνδῶν μὲν πάλαι ηὐτομολήκει ἐσ Βάκτρα παρὰ Βῆσσον, Ἀλεξάνδρου δὲ κατασχόντοσ τὴν χώραν τὴν Βακτρίαν ξυνεστράτευέ τε αὐτῷ καὶ πιστὸσ ἐσ τὰ μάλιστα ἐφαίνετο. Ἄρασ δ̓ ἐκ τῆσ πέτρασ ἐσ τὴν Ἀσσακηνῶν χώραν ἐμβάλλει.

Τὸν γὰρ ἀδελφὸν τὸν Ἀσσακάνου ἐξηγγέλλετο τούσ τε ἐλέφαντασ ἔχοντα καὶ τῶν προσχώρων βαρβάρων πολλοὺσ ξυμπεφευγέναι ἐσ τὰ ταύτῃ ὄρη. καὶ ἀφικόμενοσ ἐσ Δύρτα πόλιν τῶν μὲν ἐνοικούντων οὐδένα καταλαμβάνει οὐδὲ ἐν τῇ χώρᾳ τῇ πρὸσ τῇ πόλει· ἐσ δὲ τὴν ὑστεραίαν Νέαρχόν τε καὶ Ἀντίοχον τοὺσ χιλιάρχουσ τῶν ὑπασπιστῶν ἐκπέμπει· καὶ Νεάρχῳ μὲν τοὺσ Ἀγριᾶνασ τοὺσ ψιλοὺσ ἄγειν ἔδωκεν, Ἀντιόχῳ δὲ τήν τε αὑτοῦ χιλιαρχίαν καὶ δύο ἐπὶ ταύτῃ ἄλλασ.

ἐστέλλοντο δὲ τά τε χωρία κατοψόμενοι καὶ εἴ πού τινασ τῶν βαρβάρων ξυλλαβεῖν ἐσ ἔλεγχον τῶν κατὰ τὴν χώραν, τῶν τε ἄλλων καὶ μάλιστα δὴ τὰ ἀμφὶ τοὺσ ἐλέφαντασ ἔμελεν αὐτῷ μαθεῖν. Αὐτὸσ δὲ ὡσ ἐπὶ τὸν Ἰνδὸν ποταμὸν ἤδη ἦγε, καὶ ἡ στρατιὰ αὐτῷ ὡδοποίει τὸ πρόσω ἰοῦσα ἄπορα ἄλλωσ ὄντα τὰ ταύτῃ χωρία.

ἐνταῦθα ξυλλαμβάνει ὀλίγουσ τῶν βαρβάρων, καὶ παρὰ τούτων ἔμαθεν, ὅτι οἱ μὲν ἐν τῇ χώρᾳ Ἰνδοὶ παρὰ Ἀβισάρῃ ἀποπεφευγότεσ εἰε͂ν, τοὺσ δὲ ἐλέφαντασ ὅτι αὐτοῦ κατέλιπον νέμεσθαι πρὸσ τῷ ποταμῷ τῷ Ἰνδῷ· καὶ τούτουσ ἡγήσασθαί οἱ τὴν ὁδὸν ἐκέλευσεν ὡσ ἐπὶ τοὺσ ἐλέφαντασ. εἰσὶ δὲ Ἰνδῶν πολλοὶ κυνηγέται τῶν ἐλεφάντων, καὶ τούτουσ σπουδῇ ἀμφ̓ αὑτὸν εἶχεν Ἀλέξανδροσ, καὶ τότε ἐθήρα ξὺν τούτοισ τοὺσ ἐλέφαντασ·

καὶ δύο μὲν αὐτῶν ἀπόλλυνται κατὰ κρημνοῦ σφᾶσ ῥίψαντεσ ἐν τῇ διώξει, οἱ δὲ ἄλλοι ξυλληφθέντεσ ἔφερόν τε τοὺσ ἀμβάτασ καὶ τῇ στρατιᾷ ξυνετάσσοντο. ἐπεὶ δὲ καὶ ὕλῃ ἐργασίμῳ ἐνέτυχε παρὰ τὸν ποταμὸν, καὶ αὕτη ἐκόπη αὐτῷ ὑπὸ τῆσ στρατιᾶσ καὶ ναῦσ ἐποιήθησαν.

καὶ αὗται κατὰ τὸν Ἰνδὸν ποταμὸν ἤγοντο ὡσ ἐπὶ τὴν γέφυραν, ἥντινα Ἡφαιστίων καὶ Περδίκκασ αὐτῷ ἐξῳκοδομηκότεσ πάλαι ἦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 30

(아리아노스, Anabasis, book 4, chapter 30)

상위

목록

SEARCH

MENU NAVIGATION