헬라어 문장 검색 - Αρριαν́Αναβασί4́28́

(아리아노스, Anabasis, book 4, chapter 28)

τὰ σφέτερα πράγματα ἀμφὶ μέσασ νύκτασ τὴν πόλιν ἐκλείπουσιν, ἔφυγον δὲ ἐσ τὴν πέτραν. ὣσ δὲ καὶ οἱ ἄλλοι βάρβαροι ἔπραττον· ἀπολιπόντεσ τὰσ πόλεισ ξύμπαντεσ ἔφευγον ἐσ τὴν πέτραν τὴν ἐν τῇ χώρᾳ τὴν Αὄρνον καλουμένην. μέγα γάρ τι τοῦτο χρῆμα πέτρασ ἐν τῇ χώρᾳ ταύτῃ ἐστί, καὶ λόγοσ ὑπὲρ αὐτῆσ κατέχει οὐδὲ Ἡρακλεῖ τῷ Διὸσ ἁλωτὸν γενέσθαι τὴν πέτραν. εἰ μὲν δὴ καὶ ἐσ Ἰνδοὺσ ἀφίκετο ὁ Ἡρακλῆσ ὁ Θηβαῖοσ ἢ ὁ Τύριοσ ἢ ὁ Αἰγύπτιοσ ἐσ οὐδέτερα ἔχω ἰσχυρίσασθαι·

μᾶλλον δὲ δοκῶ ὅτι οὐκ ἀφίκετο, ἀλλὰ πάντα γὰρ ὅσα χαλεπὰ οἱ ἄνθρωποι ἐσ τοσόνδε ἄρα αὔξουσιν αὐτῶν τὴν χαλεπότητα, ὡσ καὶ τῷ Ἡρακλεῖ ἂν ἄπορα γενέσθαι μυθεύειν. κἀγὼ ὑπὲρ τῆσ πέτρασ ταύτησ οὕτω γιγνώσκω, τὸν Ἡρακλέα ἐσ κόμπον τοῦ λόγου ἐπιφημίζεσθαι. τὸν μὲν δὴ κύκλον τῆσ πέτρασ λέγουσιν ἐσ διακοσίουσ σταδίουσ μάλιστα εἶναι, ὕψοσ δὲ αὐτῆσ, ἵναπερ χθαμαλώτατον, σταδίων ἕνδεκα, καὶ ἀνάβασιν χειροποίητον μίαν χαλεπήν·

εἶναι δὲ καὶ ὕδωρ ἐν ἄκρᾳ τῇ πέτρᾳ πολὺ καὶ καθαρόν, πηγὴν ἀνίσχουσαν, ὡσ καὶ ἀπορρεῖν ἀπὸ τῆσ πηγῆσ ὕδωρ, καὶ ὕλην καὶ γῆν ἀγαθὴν ἐργάσιμον ὅσην καὶ χιλίοισ ἀνθρώποισ ἀποχρῶσαν ἂν εἶναι ἐργάζεσθαι. Καὶ ταῦτα ἀκούοντα Ἀλέξανδρον πόθοσ λαμβάνει ἐξελεῖν καὶ τοῦτο τὸ ὄροσ, οὐχ ἥκιστα ἐπὶ τῷ ἀμφὶ τὸν Ἡρακλέα μύθῳ πεφημισμένῳ.

τὰ μὲν δὴ Ὦρα καὶ τὰ Μάσσαγα φρούρια ἐποίησεν ἐπὶ τῇ χώρᾳ, τὰ Βάζιρα δὲ τὴν πόλιν ἐξετείχισε. καὶ οἱ ἀμφὶ Ἡφαιστίωνά τε καὶ Περδίκκαν αὐτῷ ἄλλην πόλιν ἐκτειχίσαντεσ, Ὀροβάτισ ὄνομα τῇ πόλει ἦν, καὶ φρουρὰν καταλιπόντεσ ὡσ ἐπὶ τὸν Ἰνδὸν ποταμὸν ᾔεσαν·

ὡσ δὲ ἀφίκοντο, ἔπρασσον ἤδη ὅσα ἐσ τὸ ζεῦξαι τὸν Ἰνδὸν ὑπὸ Ἀλεξάνδρου ἐτέτακτο. Ἀλέξανδροσ δὲ τῆσ μὲν χώρασ τῆσ ἐπὶ τάδε τοῦ Ἰνδοῦ ποταμοῦ σατράπην κατέστησε Νικάνορα τῶν ἑταίρων.

αὐτὸσ δὲ τὰ μὲν πρῶτα ὡσ ἐπὶ τὸν Ἰνδὸν ποταμὸν ἦγε, καὶ πόλιν τε Πευκελαῶτιν οὐ πόρρω τοῦ Ἰνδοῦ ᾠκισμένην ὁμολογίᾳ παρεστήσατο καὶ ἐν αὐτῇ φρουρὰν καταστήσασ τῶν Μακεδόνων καὶ Φίλιππον ἐπὶ τῇ φρουρᾷ ἡγεμόνα, ὁ δὲ καὶ ἄλλα προσηγάγετο μικρὰ πολίσματα πρὸσ τῷ Ἰνδῷ ποταμῷ ᾠκισμένα. ξυνείποντο δὲ αὐτῷ Κωφαῖόσ τε καὶ Ἀσσαγέτησ οἱ ὕπαρχοι τῆσ χώρασ. ἀφικόμενοσ δὲ ἐσ Ἐμβόλιμα πόλιν, ἣ ξύνεγγυσ τῆσ πέτρασ τῆσ Αὄρνου ᾠκεῖτο, Κρατερὸν μὲν ξὺν μέρει τῆσ στρατιᾶσ καταλείπει αὐτοῦ, σῖτόν τε ἐσ τὴν πόλιν ὡσ πλεῖστον ξυνάγειν καὶ ὅσα ἄλλα ἐσ χρόνιον τριβήν, ὡσ ἐντεῦθεν ὁρμωμένουσ τοὺσ Μακεδόνασ χρονίῳ πολιορκίᾳ ἐκτρυχῶσαι τοὺσ κατέχοντασ τὴν πέτραν, εἰ μὴ ἐξ ἐφόδου ληφθείη.

αὐτὸσ δὲ τοὺσ τοξότασ τε ἀναλαβὼν καὶ τοὺσ Ἀγριᾶνασ καὶ τὴν Κοίνου τάξιν καὶ ἀπὸ τῆσ ἄλλησ φάλαγγοσ ἐπιλέξασ τοὺσ κουφοτάτουσ τε καὶ ἅμα εὐοπλοτάτουσ καὶ τῶν ἑταίρων ἱππέων ἐσ διακοσίουσ καὶ ἱπποτοξότασ ἐσ ἑκατὸν προσῆγε τῇ πέτρᾳ.

καὶ ταύτῃ μὲν τῇ ἡμέρᾳ κατεστρατοπεδεύσατο, ἵνα ἐπιτήδειον αὐτῷ ἐφαίνετο, τῇ δὲ ὑστεραίᾳ ὀλίγον προελθὼν ὡσ πρὸσ τὴν πέτραν αὖθισ ἐστρατοπεδεύσατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 28

(아리아노스, Anabasis, book 4, chapter 28)

상위

목록

SEARCH

MENU NAVIGATION