헬라어 문장 검색 - Αρριαν́Αναβασί4́27́

(아리아노스, Anabasis, book 4, chapter 27)

Ἀλέξανδροσ δὲ πέμπει Ἀλκέταν ξὺν τῇ αὐτοῦ τάξει τούσ τε κατατετρωμένουσ ἀναλαβεῖν καὶ ὅσοι προσεμάχοντο ἐπανακαλέσασθαι ὡσ ἐπὶ τὸ στρατόπεδον. καὶ τῇ τετάρτῃ ὡσαύτωσ ἀπ̓ ἄλλησ μηχανῆσ ἄλλη ἐπιβάθρα αὐτῷ προσήγετο πρὸσ τὸ τεῖχοσ. Καὶ οἱ Ἰνδοί, ἑώσ μὲν αὐτοῖσ ὁ ἡγεμὼν τοῦ χωρίου περιῆν, ἀπεμάχοντο καρτερῶσ·

ὡσ δὲ βέλει ἀπὸ μηχανῆσ τυπεὶσ ἀποθνήσκει ἐκεῖνοσ, αὐτῶν τε οἱ μέν τινεσ πεπτωκότεσ ἐν τῇ ξυνεχεῖ πολιορκίᾳ, οἱ πολλοὶ δὲ τραυματίαι τε καὶ ἀπόμαχοι ἦσαν, ἐπεκηρυκεύοντο πρὸσ Ἀλέξανδρον. τῷ δὲ ἀσμένῳ γίνεται ἄνδρασ ἀγαθοὺσ διασῶσαι·

καὶ ξυμβαίνει ἐπὶ τῷδε Ἀλέξανδροσ τοῖσ μισθοφόροισ Ἰνδοῖσ ὡσ καταταχθέντασ ἐσ τὴν ἄλλην στρατιὰν ξὺν αὑτῷ στρατεύεσθαι. οἱ μὲν δὴ ἐξῆλθον ξὺν τοῖσ ὅπλοισ, καὶ κατεστρατοπέδευσαν κατὰ σφᾶσ ἐπὶ γηλόφῳ, ὃσ ἦν ἀντίποροσ τοῦ τῶν Μακεδόνων στρατοπέδου. νυκτὸσ δὲ ἐπενόουν δρασμῷ διαχρησάμενοι ἐσ τὰ σφέτερα ἤθη ἀπαναστῆναι οὐκ ἐθέλοντεσ ἐναντία αἴρεσθαι τοῖσ ἄλλοισ Ἰνδοῖσ ὅπλα. καὶ ταῦτα ὡσ ἐξηγγέλθη Ἀλεξάνδρῳ, περιστήσασ τῆσ νυκτὸσ τῷ γηλόφῳ τὴν στρατιὰν πᾶσαν κατακόπτει τοὺσ Ἰνδοὺσ ἐν μέσῳ ἀπολαβών, τήν τε πόλιν αἱρεῖ κατὰ κράτοσ ἐρημωθεῖσαν τῶν προμαχομένων, καὶ τὴν μητέρα τὴν Ἀσσακάνου καὶ τὴν παῖδα ἔλαβεν.

ἀπέθανον δὲ ἐν τῇ πάσῃ πολιορκίᾳ τῶν ξὺν Ἀλεξάνδρῳ ἐσ πέντε καὶ εἴκοσιν. Ἔνθεν δὲ Κοῖνον μὲν ὡσ ἐπὶ Βάζιρα ἐκπέμπει, γνώμην ποιησάμενοσ ὅτι μαθόντεσ τῶν Μασσακανῶν τὴν ἅλωσιν ἐνδώσουσι σφᾶσ αὐτούσ.

Ἄτταλον δὲ καὶ Ἀλκέταν καὶ Δημήτριον τὸν ἱππάρχην ἐπὶ Ὦρα στέλλει, ἄλλην πόλιν, παραγγείλασ περιτειχίζειν τὴν πόλιν ἔστ̓ ἂν ἀφίκηται αὐτόσ. καὶ γίγνεται ἐκδρομὴ τῶν ἐκ τῆσ πόλεωσ ἐπὶ τοὺσ ἀμφὶ Ἀλκέταν.

οὐ χαλεπῶσ δὲ τρεψάμενοι αὐτοὺσ οἱ Μακεδόνεσ εἴσω τοῦ τείχουσ ἐσ τὴν πόλιν ἀποστρέφουσι. καὶ Κοίνῳ οὐ προχωρεῖ τὰ ἐν τοῖσ Βαζίροισ, ἀλλὰ πιστεύοντεσ γὰρ τοῦ χωρίου τῇ ὀχυρότητι, ὅτι ὑπερύψηλόν τε ἦν καὶ πάντῃ ἀκριβῶσ τετειχισμένον, οὐδὲν ξυμβατικὸν ἐνεδίδοσαν. Ταῦτα μαθὼν Ἀλέξανδροσ ὡρ́μητο μὲν ὡσ ἐπὶ Βάζιρα, γνοὺσ δὲ ὅτι τῶν προσοίκων τινὲσ βαρβάρων παριέναι ἐσ τὰ Ὦρα τὴν πόλιν λαθόντεσ μέλλουσι, πρὸσ Ἀβισάρου ἐπὶ τῷδε ἐσταλμένοι, ἐπὶ τὰ Ὦρα πρῶτον ἦγε·

Κοῖνον δὲ ἐπιτειχίσαι τῇ πόλει τῶν Βαζιρέων καρτερόν τι χωρίον προσέταξε, καὶ ἐν τούτῳ φυλακὴν καταλιπόντα ἀποχρῶσαν, ὡσ μὴ ἄδεια εἰή τοῖσ ἐν τῇ πόλει χρῆσθαι τῇ χώρᾳ, αὐτὸν ἄγοντα τῆσ στρατιᾶσ τὴν λοιπὴν παῤ αὑτὸν ἰέναι. οἱ δὲ ἐκ τῶν Βαζίρων ὡσ εἶδον ἀπιόντα ξὺν τῷ πλείστῳ τῆσ στρατιᾶσ τὸν Κοῖνον, καταφρονήσαντεσ τῶν Μακεδόνων, ὡσ οὐ γενομένων ἄν σφισιν ἀξιομάχων, ἐπεκθέουσιν ἐσ τὸ πεδίον·

καὶ γίγνεται αὐτῶν μάχη καρτερά. καὶ ἐν ταύτῃ πίπτουσι μὲν τῶν βαρβάρων ἐσ πεντακοσίουσ, ζῶντεσ δὲ ἐλήφθησαν ὑπὲρ τοὺσ ἑβδομήκοντα· οἱ δὲ λοιποὶ ἐν τῇ πόλει ξυμφυγόντεσ βεβαιότερον ἤδη εἴργοντο τῆσ χώρασ ὑπὸ τῶν ἐκ τοῦ ἐπιτειχίσματοσ. καὶ Ἀλεξάνδρῳ δὲ τῶν Ὤρων ἡ πολιορκία οὐ χαλεπὴ ἐγένετο, ἀλλ̓ εὐθὺσ ἐξ ἐφόδου προσβαλὼν τοῖσ τείχεσι τῆσ πόλεωσ ἐκράτησε, καὶ τοὺσ ἐλέφαντασ τοὺσ ἐγκαταλειφθέντασ ἔλαβε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 27

(아리아노스, Anabasis, book 4, chapter 27)

상위

목록

SEARCH

MENU NAVIGATION