Arrian, Anabasis, book 4, chapter 26 4:

πρῶτοι δὲ οἱ ἱππακοντισταί τε αὐτῷ καὶ οἱ Ἀγριᾶνεσ καὶ οἱ τοξόται ἐκδραμόντεσ ξυνέμιξαν τοῖσ βαρβάροισ· αὐτὸσ δὲ τὴν φάλαγγα ἐν τάξει ἦγεν. οἱ δὲ Ἰνδοὶ τῷ τε παραλόγῳ ἐκπλαγέντεσ καὶ ἅμα ἐν χερσὶ γεγενημένησ τῆσ μάχησ ἐγκλίναντεσ ἔφευγον ἐσ τὴν πόλιν. καὶ ἀπέθανον μὲν αὐτῶν ἀμφὶ τοὺσ διακοσίουσ, οἱ δὲ λοιποὶ ἐσ τὰ τείχη κατεκλείσθησαν. καὶ Ἀλέξανδροσ προσῆγε τῷ τείχει τὴν φάλαγγα, καὶ ἐντεῦθεν τοξεύεται μὲν ἀπὸ τοῦ τείχουσ ἐσ τὸ σφυρὸν οὐ χαλεπῶσ.