헬라어 문장 검색 - Αρριαν́Αναβασί4́26́

(아리아노스, Anabasis, book 4, chapter 26)

μεγίστην τῶν ταύτῃ πόλεων. ὡσ δὲ προσῆγεν ἤδη τοῖσ τείχεσι, θαρρήσαντεσ οἱ βάρβαροι τοῖσ μισθοφόροισ τοῖσ ἐκ τῶν πρόσω Ἰνδῶν, ἦσαν γὰρ οὗτοι ἐσ ἑπτακισχιλίουσ, ὡσ στρατοπεδευομένουσ εἶδον τοὺσ Μακεδόνασ, δρόμῳ ἐπ̓ αὐτοὺσ ᾔεσαν. καὶ Ἀλέξανδροσ ἰδὼν πλησίον τῆσ πόλεωσ ἐσομένην τὴν μάχην προσωτέρω ἐκκαλέσασθαι αὐτοὺσ βουληθεὶσ τῶν τειχῶν, ὡσ εἰ τροπὴ γίγνοιτο, ἐγίγνωσκεν γὰρ ἐσομένην, μὴ δἰ ὀλίγου ἐσ τὴν πόλιν καταφυγόντεσ εὐμαρῶσ διασώζοιντο, ὡσ ἐκθέοντασ εἶδε τοὺσ βαρβάρουσ, μεταβαλλομένουσ κελεύει τοὺσ Μακεδόνασ ὀπίσω ἀποχωρεῖν ὡσ πρὸσ γήλοφόν τινα ἀπέχοντα ἀπὸ τοῦ χωρίου, ἵναπερ στρατοπεδεύειν ἐγνώκει, ἑπτά που μάλιστα σταδίουσ.

καὶ οἱ πολέμιοι ἀναθαρσήσαντεσ, ὡσ ἐγκεκλικότων ἤδη τῶν Μακεδόνων, δρόμῳ τε καὶ ξὺν οὐδενὶ κόσμῳ ἐφέροντο ἐσ αὐτούσ.

ὡσ δὲ ἐξικνεῖτο ἤδη τὰ τοξεύματα, ἐνταῦθα Ἀλέξανδροσ ἀπὸ ξυνθήματοσ ἐπιστρέψασ ἐσ αὐτοὺσ τὴν φάλαγγα δρόμῳ ἀντεπῆγε. πρῶτοι δὲ οἱ ἱππακοντισταί τε αὐτῷ καὶ οἱ Ἀγριᾶνεσ καὶ οἱ τοξόται ἐκδραμόντεσ ξυνέμιξαν τοῖσ βαρβάροισ·

αὐτὸσ δὲ τὴν φάλαγγα ἐν τάξει ἦγεν. οἱ δὲ Ἰνδοὶ τῷ τε παραλόγῳ ἐκπλαγέντεσ καὶ ἅμα ἐν χερσὶ γεγενημένησ τῆσ μάχησ ἐγκλίναντεσ ἔφευγον ἐσ τὴν πόλιν. καὶ ἀπέθανον μὲν αὐτῶν ἀμφὶ τοὺσ διακοσίουσ, οἱ δὲ λοιποὶ ἐσ τὰ τείχη κατεκλείσθησαν. καὶ Ἀλέξανδροσ προσῆγε τῷ τείχει τὴν φάλαγγα, καὶ ἐντεῦθεν τοξεύεται μὲν ἀπὸ τοῦ τείχουσ ἐσ τὸ σφυρὸν οὐ χαλεπῶσ. ἐπαγαγὼν δὲ τὰσ μηχανὰσ τῇ ὑστεραίᾳ τῶν μὲν τειχῶν τι εὐμαρῶσ κατέσεισε, βιαζομένουσ δὲ ταύτῃ τοὺσ Μακεδόνασ ᾗ παρέρρηκτο τοῦ τείχουσ οὐκ ἀτόλμωσ οἱ Ἰνδοὶ ἠμύνοντο, ὥστε ταύτῃ μὲν τῇ ἡμέρᾳ ἀνεκαλέσατο τὴν στρατιάν.

τῇ δὲ ὑστεραίᾳ τῶν τε Μακεδόνων αὐτῶν ἡ προσβολὴ καρτερωτέρα ἐγίγνετο καὶ πύργοσ ἐπήχθη ξύλινοσ τοῖσ τείχεσιν, ὅθεν ἐκτοξεύοντεσ οἱ τοξόται καὶ βέλη ἀπὸ μηχανῶν ἀφιέμενα ἀνέστελλεν ἐπὶ πολὺ τοὺσ Ἰνδούσ. ἀλλ̓ οὐδὲ ὣσ βιάσασθαι εἴσω τοῦ τείχουσ οἱοῖ́ τε ἐγένοντο. Τῇ δὲ τρίτῃ προσαγαγὼν αὖθισ τὴν φάλαγγα καὶ ἀπὸ μηχανῆσ γέφυραν ἐπιβαλὼν τοῦ τείχουσ ᾗ παρερρωγὸσ ἦν, ταύτῃ ἐπῆγε τοὺσ ὑπασπιστάσ, οἵπερ αὐτῷ καὶ Τύρον ὡσαύτωσ ἐξεῖλον.

πολλῶν δὲ ὑπὸ προθυμίασ ὠθουμένων ἄχθοσ λαβοῦσα μεῖζον ἡ γέφυρα κατερράγη καὶ πίπτουσι ξὺν αὐτῇ οἱ Μακεδόνεσ. οἱ δὲ βάρβαροι ἰδόντεσ τὸ γιγνόμενον λίθοισ τε ξὺν βοῇ ἀπὸ τῶν τειχῶν καὶ τοξεύμασι καὶ ἄλλῳ ὅτῳ τισ μετὰ χεῖρασ ἔχων ἐτύγχανεν ἢ ὅτῳ τισ ἐν τῷ τότε ἔλαβεν ἐξηκόντιζον ἐσ τοὺσ Μακεδόνασ·

οἱ δὲ καὶ κατὰ θύρασ, αἵτινεσ αὐτοῖσ κατὰ τὰ μεσοπύργια μικραὶ ἦσαν, ἐκθέοντεσ ἐκ χειρὸσ ἔπαιον τεταραγμένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 26

(아리아노스, Anabasis, book 4, chapter 26)

상위

목록

SEARCH

MENU NAVIGATION