헬라어 문장 검색 - Αρριαν́Αναβασί4́24́

(아리아노스, Anabasis, book 4, chapter 24)

Αὐτὸσ δὲ ἄγων τοὺσ ὑπασπιστάσ τε καὶ τοὺσ τοξότασ καὶ τοὺσ Ἀγριᾶνασ καὶ τὴν Κοίνου τε καὶ Ἀττάλου τάξιν καὶ τῶν ἱππέων τὸ ἄγημα καὶ τῶν ἄλλων ἑταίρων ἐσ τέσσαρασ μάλιστα ἱππαρχίασ καὶ τῶν ἱπποτοξοτῶν τοὺσ ἡμίσεασ ὡσ ἐπὶ τὸν ποταμὸν τὸν % Εὐασ . . . πόλεωσ προὐχώρει, ἵνα ὁ τῶν Ἀσπασίων ὕπαρχοσ ἦν· καὶ διελθὼν πολλὴν ὁδὸν δευτεραῖοσ ἀφίκετο πρὸσ τὴν πόλιν. οἱ δὲ βάρβαροι προσάγοντα αἰσθόμενοι Ἀλέξανδρον ἐμπρήσαντεσ τὴν πόλιν ἔφευγον πρὸσ τὰ ὄρη.

οἱ δ̓ ἀμφ̓ Ἀλέξανδρον εἴχοντο τῶν φευγόντων ἔστε ἐπὶ τὰ ὄρη, καὶ φόνοσ πολὺσ γίγνεται τῶν βαρβάρων, πρὶν ἐσ τὰσ δυσχωρίασ φθάσαι ἀπελθόντασ. Τὸν δὲ ἡγεμόνα αὐτὸν τῶν ταύτῃ Ἰνδῶν Πτολεμαῖοσ ὁ Λάγου πρόσ τινι ἤδη γηλόφῳ ὄντα κατιδὼν καὶ τῶν ὑπασπιστῶν ἔστιν οὕσ ἀμφ̓ αὐτὸν ξὺν πολὺ ἐλάττοσιν αὐτὸσ ὤν ὅμωσ ἐδίωκεν ἔτι ἐκ τοῦ ἵππου·

ὡσ δὲ χαλεπὸσ ὁ γήλοφοσ τῷ ἵππῳ ἀναδραμεῖν ἦν, τοῦτον μὲν αὐτοῦ καταλείπει παραδούσ τινι τῶν ὑπασπιστῶν ἄγειν, αὐτὸσ δὲ ὡσ εἶχε πεζὸσ τῷ Ἰνδῷ εἵπετο. ὁ δὲ ὡσ πελάζοντα ἤδη κατεῖδε τὸν Πτολεμαῖον, αὐτόσ τε μεταβάλλει ἐσ τὸ ἔμπαλιν καὶ οἱ ὑπασπισταὶ ξὺν αὐτῷ.

καὶ ὁ μὲν Ἰνδὸσ τοῦ Πτολεμαίου διὰ τοῦ θώρακοσ παίει ἐκ χειρὸσ ἐσ τὸ στῆθοσ ξυστῷ μακρῷ, καὶ ὁ θώραξ ἔσχε τὴν πληγήν· Πτολεμαῖοσ δὲ τὸν μηρὸν διαμπὰξ βαλὼν τοῦ Ἰνδοῦ καταβάλλει τε καὶ σκυλεύει αὐτόν. ὡσ δὲ τὸν ἡγεμόνα σφῶν κείμενον οἱ ἀμφ̓ αὐτὸν εἶδον, οὗτοι μὲν οὐκέτι ἔμενον, οἱ δὲ ἐκ τῶν ὀρῶν αἰρόμενον τὸν νεκρὸν τοῦ ὑπάρχου ἰδόντεσ πρὸσ τῶν πολεμίων ἤλγησάν τε καὶ καταδραμόντεσ ξυνάπτουσιν ἐπ̓ αὐτῷ μάχην καρτερὰν πρὸσ τῷ γηλόφῳ.

ἤδη γὰρ καὶ Ἀλέξανδροσ ἔχων τοὺσ ἀπὸ τῶν ἵππων καταβεβηκότασ πεζοὺσ πρὸσ τῷ γηλόφῳ ἦν. καὶ οὗτοι ἐπιγενόμενοι μόγισ ἐξέωσαν τοὺσ Ἰνδοὺσ ἐσ τὰ ὄρη καὶ τοῦ νεκροῦ ἐκράτησαν. Ὑπερβαλὼν δὲ τὰ ὄρη Ἀλέξανδροσ ἐσ πόλιν κατῆλθεν, ᾗ ὄνομα ἦν Ἀριγαῖον·

καὶ ταύτην καταλαμβάνει ἐμπεπρησμένην ὑπὸ τῶν ἐνοικούντων καὶ τοὺσ ἀνθρώπουσ πεφευγότασ. ἐνταῦθα δὲ ἀφίκοντο αὐτῷ καὶ οἱ ἀμφὶ Κρατερὸν ξὺν τῇ στρατιᾷ πεπραγμένων σφίσι ξυμπάντων ὅσα ὑπὸ τοῦ βασιλέωσ ἐτέτακτο. ταύτην μὲν δὴ τὴν πόλιν, ὅτι ἐν ἐπικαίρῳ χωρίῳ ἐδόκει ᾠκίσθαι, ἐκτειχίσαι τε προστάσσει Κρατερῷ καὶ ξυνοικίσαι ἐσ αὐτὴν τούσ τε προσχώρουσ ὅσοι ἐθελονταί καὶ εἰ δή τινεσ ἀπόμαχοι τῆσ στρατιᾶσ.

αὐτὸσ δὲ προὐχώρει ἵνα ξυμπεφευγέναι ἐπυνθάνετο τοὺσ πολλοὺσ τῶν ταύτῃ βαρβάρων. ἐλθὼν δὲ πρόσ τι ὄροσ κατεστρατοπέδευσεν ὑπὸ ταῖσ ὑπωρείαισ τοῦ ὄρουσ. Καὶ ἐν τούτῳ Πτολεμαῖοσ ὁ Λάγου ἐκπεμφθεὶσ μὲν ὑπὸ Ἀλεξάνδρου ἐσ προνομήν, προελθὼν δὲ προσωτέρω αὐτὸσ ξὺν ὀλίγοισ ὡσ ἐσ κατασκοπήν, ἀπαγγέλλει Ἀλεξάνδρῳ πυρὰ κατιδεῖν τῶν βαρβάρων πλείονα ἤ ἐν τῷ Ἀλεξάνδρου στρατοπέδῳ.

καὶ Ἀλέξανδροσ τῷ μὲν πλήθει τῶν πυρῶν ἠπίστησεν, εἶναι δέ τι ξυνεστηκὸσ τῶν ταύτῃ βαρβάρων αἰσθόμενοσ μέροσ μὲν τῆσ στρατιᾶσ αὐτοῦ καταλείπει πρὸσ τῷ ὄρει ὡσ εἶχον ἐστρατοπεδευμένουσ·

αὐτὸσ δὲ ἀναλαβὼν ὅσοι ἀποχρῶντεσ ἐσ τὰ ἀπηγγελμένα ἐφαίνοντο, ὡσ πλησίον ἤδη ἀφεώρων τὰ πυρά, τρίχα διανέμει τὴν στρατιάν. καὶ τῷ μὲν ἑνὶ ἐπέταξε Λεοννάτον τὸν σωματοφύλακα, ξυντάξασ αὐτῷ τήν τε Ἀττάλου καὶ τὴν Βαλάκρου τάξιν·

τὴν δευτέραν δὲ μοῖραν Πτολεμαίῳ τῷ Λάγου ἄγειν ἔδωκε, τῶν τε ὑπασπιστῶν τῶν βασιλικῶν τὸ τρίτον μέροσ καὶ τὴν Φιλίππου καὶ Φιλώτα τάξιν καὶ δύο χιλιαρχίασ τῶν τοξοτῶν καὶ τοὺσ Ἀγριᾶνασ καὶ τῶν ἱππέων τοὺσ ἡμίσεασ· τὴν δὲ τρίτην μοῖραν αὐτὸσ ἦγεν ἵνα οἱ πλεῖστοι τῶν βαρβάρων ἐφαίνοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 24

(아리아노스, Anabasis, book 4, chapter 24)

상위

목록

SEARCH

MENU NAVIGATION