헬라어 문장 검색 - Αρριαν́Αναβασί4́23́

(아리아노스, Anabasis, book 4, chapter 23)

Ἀλέξανδροσ δέ, ἄγων τοὺσ ὑπασπιστὰσ καὶ τῶν ἑταίρων ἱππέων ὅσοι μὴ σὺν Ἡφαιστίωνι ἐτετάχατο καὶ τῶν πεζεταίρων καλουμένων τὰσ τάξεισ καὶ τοὺσ τοξότασ καὶ τοὺσ Ἀγριᾶνασ καὶ τοὺσ ἱππακοντιστάσ, προὐχώρει ἐσ τὴν Ἀσπασίων τε καὶ Γουραίων χώραν καὶ Ἀσσακηνῶν. πορευθεὶσ δὲ παρὰ τὸν Χόην καλούμενον ποταμὸν ὀρεινήν τε ὁδὸν καὶ τραχεῖαν καὶ τοῦτον διαβὰσ χαλεπῶσ τῶν μὲν πεζῶν τὸ πλῆθοσ βάδην ἕπεσθαί οἱ ἐκέλευσεν, αὐτὸσ δὲ ἀναλαβὼν τοὺσ ἱππέασ ξύμπαντασ καὶ τῶν πεζῶν τῶν Μακεδόνων ἐσ ὀκτακοσίουσ ἐπιβιβάσασ τῶν ἵππων ξὺν ταῖσ ἀσπίσι ταῖσ πεζικαῖσ σπουδῇ ἦγεν, ὅτι τοὺσ ταύτῃ οἰκοῦντασ βαρβάρουσ ξυμπεφευγέναι ἔσ τε τὰ ὄρη τὰ κατὰ τὴν χώραν ἐξηγγέλλετο αὐτῷ καὶ ἐσ τὰσ πόλεισ ὅσαι ὀχυραὶ αὐτῶν ἐσ τὸ ἀπομάχεσθαι.

καὶ τούτων τῇ πρώτῃ καθ̓ ὁδὸν πόλει ᾠκισμένῃ προσβαλὼν τοὺσ μὲν πρὸ τῆσ πόλεωσ τεταγμένουσ ὡσ εἶχεν ἐξ ἐφόδου ἐτρέψατο καὶ κατέκλεισεν ἐσ τὴν πόλιν, αὐτὸσ δὲ τιτρώσκεται βέλει διὰ τοῦ θώρακοσ ἐσ τὸν ὦμον·

τὸ δὲ τραῦμα οὐ χαλεπὸν αὐτῷ ἐγένετο· ὁ γὰρ θώραξ ἔσχε τὸ μὴ οὐ διαμπὰξ διὰ τοῦ ὤμου ἐλθεῖν τὸ βέλοσ· καὶ Πτολεμαῖοσ ὁ Λάγου ἐτρώθη καὶ Λεοννάτοσ. Τότε μὲν δὴ ἵνα ἐπιμαχώτατον τοῦ τείχουσ ἐφαίνετο ἐστρατοπεδεύσατο πρὸσ τῇ πόλει·

τῇ δὲ ὑστεραίᾳ ὑπὸ τὴν ἑώ, διπλοῦν γὰρ τεῖχοσ περιεβέβλητο τῇ πόλει, ἐσ μὲν τὸ πρῶτον ἅτε οὐκ ἀκριβῶσ τετειχισμένον οὐ χαλεπῶσ ἐβιάσαντο οἱ Μακεδόνεσ, πρὸσ δὲ τῷ δευτέρῳ ὀλίγον ἀντισχόντεσ οἱ βάρβαροι, ὡσ αἵ τε κλίμακεσ προσέκειντο ἤδη καὶ ὑπὸ τῶν βελῶν πάντοθεν ἐτιτρώσκοντο οἱ προμαχόμενοι, οὐκ ἔμειναν, ἀλλὰ κατὰ τὰσ πύλασ ὡσ ἐπὶ τὰ ὄρη ἐκπίπτουσιν ἐκ τῆσ πόλεωσ. καὶ τούτων οἱ μὲν ἐν τῇ φυγῇ ἀποθνήσκουσιν, ὅσουσ δὲ ζῶντασ ἔλαβον αὐτῶν, ξύμπαντασ ἀποκτείνουσιν οἱ Μακεδόνεσ, ὅτι ἐτρώθη ὑπ̓ αὐτῶν Ἀλέξανδροσ ὀργιζόμενοι·

οἱ πολλοὶ δὲ ἐσ τὰ ὄρη, ὅτι οὐ μακρὰν τῆσ πόλεωσ τὰ ὄρη ἦν, ἀπέφυγον. τὴν πόλιν δὲ κατασκάψασ ἐσ Ἄνδακα ἄλλην πόλιν ἦγε. ταύτην δὲ ὁμολογίᾳ ἐνδοθεῖσαν κατασχὼν Κρατερὸν μὲν ξὺν τοῖσ ἄλλοισ ἡγεμόσι τῶν πεζῶν καταλείπει αὐτοῦ ἐξαιρεῖν ὅσαι ἄν ἄλλαι πόλεισ μὴ ἑκοῦσαι προσχωρῶσι καὶ τὰ κατὰ τὴν χώραν ὅπωσ ξυμφορώτατον ἐσ τὰ παρόντα κοσμεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 23

(아리아노스, Anabasis, book 4, chapter 23)

상위

목록

SEARCH

MENU NAVIGATION