헬라어 문장 검색 - Αρριαν́Αναβασί4́22́

(아리아노스, Anabasis, book 4, chapter 22)

Ταῦτα δὲ καταπραξάμενοσ Ἀλέξανδροσ αὐτὸσ μὲν ἐσ βάκτρα ᾔει, Κρατερὸν δὲ τῶν ἑταίρων ἱππέασ ἔχοντα ἑξακοσίουσ καὶ τῶν πεζῶν τήν τε αὑτοῦ τάξιν καὶ τὴν Πολυπέρχοντοσ καὶ Ἀττάλου καὶ τὴν Ἀλκέτα ἐπὶ Κατάνην τε καὶ Αὐστάνην ἐκπέμπει, οἳ δὴ μόνοι ἔτι ὑπελείποντο ἐν τῇ Παρειτακηνῶν χώρᾳ ἀφεστηκότεσ. καὶ μάχησ γενομένησ πρὸσ αὐτοὺσ καρτερᾶσ νικῶσιν οἱ ἀμφὶ Κρατερὸν τῇ μάχῃ·

καὶ Κατάνησ μὲν ἀποθνήσκει αὐτοῦ μαχόμενοσ, Αὐστάνησ δὲ ξυλληφθεὶσ ἀνήχθη παῤ Ἀλέξανδρον· τῶν δὲ ξὺν αὐτοῖσ βαρβάρων ἱππεῖσ μὲν ἀπέθανον ἑκατὸν καὶ εἴκοσι, πεζοὶ δὲ ἀμφὶ τοὺσ χιλίουσ πεντακοσίουσ. ταῦτα δὲ ὡσ ἐπράχθη τοῖσ ἀμφὶ Κρατερόν, καὶ οὗτοι ἐσ Βάκτρα ἦσαν. καὶ ἐν Βάκτροισ τὸ ἀμφὶ Καλλισθένην τε καὶ τοὺσ παῖδασ πάθημα Ἀλεξάνδρῳ ξυνηνέχθη. Ἐκ Βάκτρων δὲ ἐξήκοντοσ ἤδη τοῦ ἦροσ ἀναλαβὼν τὴν στρατιὰν προὐχώρει ὡσ ἐπ̓ Ἰνδούσ, Ἀμύνταν ἀπολιπὼν ἐν τῇ χώρᾳ τῶν Βακτρίων καὶ ξὺν αὐτῷ ἱππέασ μὲν τρισχιλίουσ καὶ πεντακοσίουσ, πεζοὺσ δὲ μυρίουσ.

ὑπερβαλὼν δὲ τὸν Καύκασον ἐν δέκα ἡμέραισ ἀφίκετο εἰσ Ἀλεξάνδρειαν πόλιν τὴν κτισθεῖσαν ἐν Παραπαμισάδαισ, ὅτε τὸ πρῶτον ἐπὶ Βάκτρων ἐστέλλετο.

καὶ τὸν μὲν ὕπαρχον, ὅστισ αὐτῷ ἐπὶ τῆσ πόλεωσ τότε ἐτάχθη, παραλύει τῆσ ἀρχῆσ, ὅτι οὐ καλῶσ ἐξηγεῖσθαι ἔδοξε· προσκατοικίσασ δὲ καὶ ἄλλουσ τῶν περιοίκων τε καὶ ὅσοι τῶν στρατιωτῶν ἀπόμαχοι ἦσαν ἐσ τὴν Ἀλεξάνδρειαν Νικάνορα μέν, ἕνα τῶν ἑταίρων, τὴν πόλιν αὐτὴν κοσμεῖν ἐκέλευσε, σατράπην δὲ Τυρίεσπιν κατέστησε τῆσ τε χώρασ τῆσ Παραπαμισαδῶν καὶ τῆσ ἄλλησ ἔστε ἐπὶ τὸν Κωφῆνα ποταμόν.

ἀφικόμενοσ δὲ ἐσ Νίκαιαν πόλιν καὶ τῇ Ἀθηνᾷ θύσασ προὐχώρει ὡσ ἐπὶ τὸν Κωφῆνα, προπέμψασ κήρυκα ὡσ Ταξίλην τε καὶ τοὺσ ἐπὶ τάδε τοῦ Ἰνδοῦ ποταμοῦ, κελεύσασ ἀπαντᾶν ὅπωσ ἂν ἑκάστοισ προχωρῇ.

καὶ Ταξίλησ τε καὶ οἱ ἄλλοι ὕπαρχοι ἀπήντων, δῶρα τὰ μέγιστα παῤ Ἰνδοῖσ νομιζόμενα κομίζοντεσ, καὶ τοὺσ ἐλέφαντασ δώσειν ἔφασκον τοὺσ παρὰ σφίσιν ὄντασ, ἀριθμὸν ἐσ πέντε καὶ εἴκοσιν. Ἔνθα δὴ διελὼν τὴν στρατιὰν Ἡφαιστίωνα μὲν καὶ Περδίκκαν ἐκπέμπει ἐσ τὴν Πευκελαῶτιν χώραν ὡσ ἐπὶ τὸν Ἰνδὸν ποταμόν, ἔχοντασ τήν τε Γοργίου τάξιν καὶ Κλείτου καὶ Μελεάγρου καὶ τῶν ἑταίρων ἱππέων τοὺσ ἡμίσεασ καὶ τοὺσ μισθοφόρουσ ἱππέασ ξύμπαντασ, προστάξασ τά τε κατὰ τὴν ὁδὸν χωρία ἢ βίᾳ ἐξαιρεῖν ἢ ὁμολογίᾳ παρίστασθαι καὶ ἐπὶ τὸν Ἰνδὸν ποταμὸν ἀφικομένουσ παρασκευάζειν ὅσα ἐσ τὴν διάβασιν τοῦ ποταμοῦ ξύμφορα.

ξὺν τούτοισ δὲ καὶ Ταξίλησ καὶ οἱ ἄλλοι ὕπαρχοι στέλλονται. καὶ οὗτοι ὡσ ἀφίκοντο πρὸσ τὸν Ἰνδὸν ποταμόν, ἔπρασσον ὅσα ἐξ Ἀλεξάνδρου ἦν τεταγμένα.

Ἄστισ δὲ ὁ τῆσ Πευκελαώτιδοσ ὕπαρχοσ νεωτερίσασ αὐτόσ τε ἀπόλλυται καὶ τὴν πόλιν προσαπώλεσεν, ἐσ ἥντινα ξυμπεφεύγει. ἐξεῖλον γὰρ αὐτὴν ἐν τριάκοντα ἡμέραισ προσκαθήμενοι οἱ ξὺν Ἡφαιστίωνι. καὶ αὐτὸσ μὲν Ἄστισ ἀποθνήσκει, τῆσ πόλεωσ δὲ ἐπιμελεῖσθαι ἐτάχθη Σαγγαῖοσ, ὃσ ἔτι πρόσθεν πεφευγὼσ Ἄστιν παρὰ Ταξίλην ηὐτομολήκει· καὶ τοῦτο ἦν αὐτῷ τὸ πιστὸν πρὸσ Ἀλέξανδρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 22

(아리아노스, Anabasis, book 4, chapter 22)

상위

목록

SEARCH

MENU NAVIGATION