헬라어 문장 검색 - Αρριαν́Αναβασί4́14́

(아리아노스, Anabasis, book 4, chapter 14)

Ἀριστόβουλοσ μὲν λέγει ὅτι καὶ Καλλισθένην ἐπᾶραι σφᾶσ ἔφασαν ἐσ τὸ τόλμημα· καὶ Πτολεμαῖοσ ὡσαύτωσ λέγει. οἱ δὲ πολλοὶ οὐ ταύτῃ λέγουσιν, ἀλλὰ διὰ μῖσοσ γὰρ τὸ ἤδη ὂν πρὸσ Καλλισθένην ἐξ Ἀλεξάνδρου καὶ ὅτι ὁ Ἑρμόλαοσ ἐσ τὰ μάλιστα ἐπιτήδειοσ ἦν τῷ Καλλισθένει, οὐ χαλεπῶσ πιστεῦσαι τὰ χείρω ὑπὲρ Καλλισθένουσ Ἀλέξανδρον. ἤδη δέ τινεσ καὶ τάδε ἀνέγραψαν, τὸν Ἑρμόλαον προᾳχθέντα ἐσ τοὺσ Μακεδόνασ ὁμολογεῖν τε ἐπιβουλεῦσαι ‐ καὶ γὰρ οὐκ εἶναι ἔτι ἐλευθέρῳ ἀνδρὶ φέρειν τὴν ὕβριν τὴν Ἀλεξάνδρου ‐ πάντα καταλέγοντα, τήν τε Φιλώτα οὐκ ἔνδικον τελευτὴν καὶ τὴν τοῦ πατρὸσ αὐτοῦ Παρμενίωνοσ ἔτι ἐκνομωτέραν καὶ τῶν ἄλλων τῶν τότε ἀποθανόντων, καὶ τὴν Κλείτου ἐν μέθῃ ἀναίρεσιν, καὶ τὴν ἐσθῆτα τὴν Μηδικήν, καὶ τὴν προσκύνησιν τὴν βουλευθεῖσαν καὶ οὔπω πεπαυμένην, καὶ πότουσ τε καὶ ὕπνουσ τοὺσ Ἀλεξάνδρου·

ταῦτα οὐ φέροντα ἔτι ἐλευθερῶσαι ἐθελῆσαι ἑαυτόν τε καὶ τοὺσ ἄλλουσ Μακεδόνασ. τοῦτον μὲν δὴ αὐτόν τε καὶ τοὺσ ξὺν αὐτῷ ξυλληφθέντασ καταλευσθῆναι πρὸσ τῶν παρόντων. Καλλισθένην δὲ Ἀριστόβουλοσ μὲν λέγει δεδεμένον ἐν πέδαισ ξυμπεριάγεσθαι τῇ στρατιᾷ, ἔπειτα νόσῳ τελευτῆσαι, Πτολεμαῖοσ δὲ ὁ Λάγου στρεβλωθέντα καὶ κρεμασθέντα θέντα ἀποθανεῖν.

οὕτωσ οὐδὲ οἱ πάνυ πιστοὶ ἐσ τὴν ἀφήγησιν καὶ ξυγγενόμενοι ἐν τῷ τότε Ἀλεξάνδρῳ ὑπὲρ τῶν γνωρίμων τε καὶ οὐ λαθόντων σφᾶσ ὅπωσ ἐπράχθη ξύμφωνα ἀνέγραψαν. πολλὰ δὲ καὶ ἄλλα ὑπὲρ τούτων αὐτῶν ἄλλοι ἄλλωσ ἀφηγήσαντο, ἀλλ̓ ἐμοὶ ταῦτα ἀποχρῶντα ἔστω ἀναγεγραμμένα.

ταῦτα μὲν δὴ οὐ πολλῷ ὕστερον πραχθέντα ἐγὼ ἐν τοῖσδε τοῖσ ἀμφὶ Κλεῖτον ξυνενεχθεῖσιν Ἀλεξάνδρῳ ἀνέγραψα, τούτοισ μᾶλλόν τι οἰκεῖα ὑπολαβὼν ἐσ τὴν ἀφήγησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 14

(아리아노스, Anabasis, book 4, chapter 14)

상위

목록

SEARCH

MENU NAVIGATION