Arrian, Anabasis, book 4, chapter 13 5:

Ξυμβῆναι δὲ οἱ μὲν αὐτομάτωσ λέγουσιν ἔστε ἐφ̓ ἡμέραν πίνειν Ἀλέξανδρον, Ἀριστόβουλοσ δὲ ὧδε ἀνέγραψε. Σύραν γυναῖκα ἐφομαρτεῖν Ἀλεξάνδρῳ κάτοχον ἐκ τοῦ θείου γιγνομένην· καὶ ταύτην τὸ μὲν πρῶτον γέλωτα εἶναι Ἀλεξάνδρῳ τε καὶ τοῖσ ἀμφ αὐτόν· ὡσ δὲ τὰ πάντα ἐν τῇ κατοχῇ ἀληθεύουσα ἐφαίνετο, οὐκέτι ἀμελεῖσθαι ὑπ̓ Ἀλεξάνδρου, ἀλλ̓ εἶναι γὰρ τῇ Σύρᾳ πρόσοδον πρὸσ τὸν βασιλέα καὶ νύκτωρ καὶ μεθ̓ ἡμέραν, καὶ καθεύδοντι πολλάκισ ἤδη ἐπιστῆναι.