헬라어 문장 검색 - Αρριαν́Αναβασί4́12́

(아리아노스, Anabasis, book 4, chapter 12)

Ταῦτα δὴ καὶ τοιαῦτα εἰπόντα Καλλισθένην ἀνιᾶσαι μὲν μεγαλωστὶ Ἀλέξανδρον, Μακεδόσι δὲ πρὸσ θυμοῦ εἰπεῖν. καὶ τοῦτο γνόντα Ἀλέξανδρον πέμψαντα κωλῦσαι [Μακεδόνασ] μεμνῆσθαι ἔτι τῆσ προσκυνήσεωσ. ἀλλὰ σιγῆσ γὰρ γενομένησ ἐπὶ τοῖσ λόγοισ ἀναστάντασ Περσῶν τοὺσ πρεσβυτάτουσ ἐφεξῆσ προσκυνεῖν.

Λεοννάτον δέ, ἕνα τῶν ἑταίρων, ἐπειδή τισ ἐδόκει τῶν Περσῶν αὐτῷ οὐκ ἐν κόσμῳ προσκυνῆσαι, τὸν δὲ ἐπιγελάσαι τῷ σχήματι τοῦ Περσοῦ ὡσ ταπεινῷ· καὶ τούτῳ χαλεπήναντα τότε Ἀλέξανδρον ξυναλλαγῆναι αὖθισ. ἀναγέγραπται δὲ δὴ καὶ τοῖόσδε λόγοσ. προπίνειν φιάλην χρυσῆν ἐν κύκλῳ Ἀλέξανδρον πρώτοισ μὲν τούτοισ πρὸσ οὕστινασ ξυνέκειτο αὐτῷ τὰ τῆσ προσκυνήσεωσ, τὸν δὲ πρῶτον ἐκπιόντα τὴν φιάλην προσκυνῆσαί τε ἀναστάντα καὶ φιληθῆναι πρὸσ αὐτοῦ, καὶ τοῦτο ἐφεξῆσ διὰ πάντων χωρῆσαι.

ὡσ δὲ ἐσ Καλλισθένην ἧκεν ἡ πρόποσισ, ἀναστῆναι μὲν Καλλισθένην καὶ ἐκπιεῖν τὴν φιάλην, καὶ προσελθόντα ἐθέλειν φιλῆσαι οὐ προσκυνήσαντα.

τὸν δὲ τυχεῖν μὲν τότε διαλεγόμενον Ἡφαιστίωνι· οὔκουν προσέχειν τὸν νοῦν, εἰ καὶ τὰ τῆσ προσκυνήσεωσ ἐπιτελῆ τῷ Καλλισθένει ἐγένετο. ἀλλὰ Δημήτριον γὰρ τὸν Πυθώνακτοσ, ἕνα τῶν ἑταίρων, ὡσ προσῄει αὐτῷ ὁ Καλλισθένησ φιλήσων, φάναι ὅτι οὐ προσκυνήσασ πρόσεισιν.

καὶ τὸν Ἀλέξανδρον οὐ παρασχεῖν φιλῆσαι ἑαυτόν· τὸν δὲ Καλλισθένην, φιλήματι, φάναι, ἔλαττον ἔχων ἄπειμι. Καὶ τούτων ἐγὼ, ὅσα ἐσ ὕβριν τε τὴν Ἀλεξάνδρου τὴν ἐν τῷ παραυτίκα καὶ ἐσ σκαιότητα τὴν Καλλισθένουσ φέροντα, οὐδὲν οὐδαμῇ ἐπαινῶ, ἀλλὰ τὸ καθ̓ αὑτὸν γὰρ κοσμίωσ τίθεσθαι ἐξαρκεῖν φημί, αὔξοντα ὡσ ἀνυστὸν τὰ βασιλέωσ πράγματα ὅτῳ τισ ξυνεῖναι οὐκ ἀπηξίωσεν.

οὔκουν ἀπεικότωσ δἰ ἀπεχθείασ γενέσθαι Ἀλεξάνδρῳ Καλλισθένην τίθεμαι ἐπὶ τῇ ἀκαίρῳ τε παρρησίᾳ καὶ ὑπερόγκῳ ἀβελτερίᾳ.

ἐφ̓ ὅτῳ τεκμαίρομαι μὴ χαλεπῶσ πιστευθῆναι τοὺσ κατειπόντασ Καλλισθένουσ, ὅτι μετέσχε τῆσ ἐπιβουλῆσ τῆσ γενομένησ Ἀλεξάνδρῳ ἐκ τῶν παίδων, τοὺσ δέ, ὅτι καὶ ἐπῆρεν αὐτὸσ ἐσ τὸ ἐπιβουλεῦσαι. ξυνέβη δὲ τὰ τῆσ ἐπιβουλῆσ ὧδε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 12

(아리아노스, Anabasis, book 4, chapter 12)

상위

목록

SEARCH

MENU NAVIGATION