헬라어 문장 검색 - Αρριαν́Αναβασί4́10́

(아리아노스, Anabasis, book 4, chapter 10)

Καλλισθένην δὲ τὸν Ὀλύνθιον Ἀριστοτέλουσ τε τῶν λόγων διακηκοότα καὶ τὸν τρόπον ὄντα ὑπαγροικότερον οὐκ ἐπαινεῖν ταῦτα. τούτου μὲν δὴ ἕνεκα καὶ αὐτὸσ Καλλισθένει ξυμφέρομαι, ἐκεῖνα δὲ οὐκέτι ἐπιεικῆ δοκῶ τοῦ Καλλισθένουσ, εἴπερ ἀληθῆ ξυγγέγραπται, ὅτι ὑφ̓ αὑτῷ εἶναι ἀπέφαινε καὶ τῇ αὑτοῦ ξυγγραφῇ Αλέξανδρόν τε καὶ τὰ Ἀλεξάνδρου ἔργα, οὔκουν αὐτὸσ ἀφῖχθαι ἐξ Ἀλεξάνδρου δόξαν κτησόμενοσ, ἀλλὰ ἐκεῖνον εὐκλεᾶ ἐσ ἀνθρώπουσ ποιήσων· καὶ οὖν καὶ τοῦ θείου τὴν μετουσίαν Ἀλεξάνδρῳ οὐκ ἐξ ὧν Ὀλυμπιὰσ ὑπὲρ τῆσ γενέσεωσ αὐτοῦ ψεύδεται ἀνηρτῆσθαι, ἀλλὰ ἐξ ὧν ἂν αὐτὸσ ὑπὲρ Ἀλεξάνδρου ξυγγράψασ ἐξενέγκῃ ἐσ ἀνθρώπουσ.

εἰσὶ δὲ οἳ καὶ τάδε ἀνέγραψαν, ὡσ ἄρα ἤρετο αὐτόν ποτε Φιλώτασ ὅντινα οἰοίτο μάλιστα τιμηθῆναι πρὸσ τῆσ Ἀθηναίων πόλεωσ·

τὸν δὲ ἀποκρίνασθαι Ἁρμόδιον καὶ Ἀριστογείτονα, ὅτι τὸν ἕτερον τοῖν τυράννοιν ἔκτειναν καὶ τυραννίδα ὅτι κατέλυσαν. ἐρέσθαι δὲ αὖθισ τὸν Φιλώταν εἰ τῷ τύραννον κτείναντι ὑπάρχοι παῤ οὕστινασ ἐθέλει τῶν Ἑλλήνων φυγόντα σώζεσθαι·

καὶ ἀποκρίνασθαι αὖθισ Καλλισθένην, εἰ καὶ μὴ παῤ ἄλλουσ, παρά γε Ἀθηναίουσ ὅτι φυγόντι ὑπάρχοι σώζεσθαι. τούτουσ γὰρ καὶ πρὸσ Εὐρυσθέα πολεμῆσαι ὑπὲρ τῶν παίδων τῶν Ἡρακλέουσ, τυραννοῦντα ἐν τῷ τότε τῆσ Ἑλλάδοσ. Ὑπὲρ δὲ τῆσ προσκυνήσεωσ ὅπωσ ἠναντιώθη Ἀλεξάνδρῳ, καὶ τοῖόσδε κατέχει λόγοσ.

ξυγκεῖσθαι μὲν γὰρ τῷ Ἀλεξάνδρῳ πρὸσ τοὺσ σοφιστάσ τε καὶ τοὺσ ἀμφ̓ αὐτὸν Περσῶν καὶ Μήδων τοὺσ δοκιμωτάτουσ μνήμην τοῦ λόγου τοῦδε ἐν πότῳ ἐμβαλεῖν· ἄρξαι δὲ τοῦ λόγου Ἀνάξαρχον, ὡσ πολὺ δικαιότερον ἂν θεὸν νομιζόμενον Ἀλέξανδρον Διονύσου τε καὶ Ἡρακλέουσ, μὴ ὅτι τῶν ἔργων ἕνεκα ὅσα καὶ ἡλίκα καταπέπρακται Ἀλεξάνδρῳ, ἀλλὰ καὶ ὅτι Διόνυσοσ μὲν Θηβαῖοσ ἦν, οὐδέν τι προσήκων Μακεδόσι, καὶ Ἡρακλῆσ Ἀργεῖοσ, οὐδὲ οὗτοσ προσήκων ὅτι μὴ κατὰ γένοσ τὸ Ἀλεξάνδρου·

Ἡρακλείδην γὰρ εἶναι Ἀλέξανδρον· Μακεδόνασ δὲ ἂν τὸν σφῶν βασιλέα δικαιότερον θείαισ τιμαῖσ κοσμοῦντασ.

καὶ γὰρ οὐδὲ ἐκεῖνο εἶναι ἀμφίλογον ὅτι ἀπελθόντα γε ἐξ ἀνθρώπων ὡσ θεὸν τιμήσουσι· πόσῳ δὴ δικαιότερον ζῶντα γεραίρειν ἤπερ τελευτήσαντα ἐσ οὐδὲν ὄφελοσ τῷ τιμωμένῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 10

(아리아노스, Anabasis, book 4, chapter 10)

상위

목록

SEARCH

MENU NAVIGATION