헬라어 문장 검색 - Αρριαν́Αναβασί4́06́

(아리아노스, Anabasis, book 4, chapter 6)

Αριστόβουλοσ δὲ ἐνέδρᾳ τὸ πολὺ τῆσ στρατιᾶσ διαφθαρῆναι λέγει, τῶν Σκυθῶν ἐν παραδείσῳ κρυφθέντων, οἳ ἐκ τοῦ ἀφανοῦσ ἐπεγένοντο τοῖσ Μακεδόσιν ἐν αὐτῷ τῷ ἔργῳ· ἵνα τὸν μὲν Φαρνούχην παραχωρεῖν τῆσ ἡγεμονίασ τοῖσ ξυμπεμφθεῖσι Μακεδόσιν, ὡσ οὐκ ἐμπείρωσ ἔχοντα ἔργων πολεμικῶν, ἀλλ̓ ἐπὶ τῷ καθομιλῆσαι τοὺσ βαρβάρουσ μᾶλλόν τι πρὸσ Ἀλεξάνδρου ἢ ἐπὶ τῷ ἐν ταῖσ μάχαισ ἐξηγεῖσθαι ἐσταλμένον, τοὺσ δὲ Μακεδόνασ τε εἶναι καὶ ἑταίρουσ βασιλέωσ. Ἀνδρόμαχον δὲ καὶ Κάρανον καὶ Μενέδημον οὐ δέξασθαι τὴν ἡγεμονίαν, τὸ μέν τι ὡσ μὴ δοκεῖν παρὰ τὰ ἐπηγγελμένα ὑπὸ Ἀλεξάνδρου αὐτούσ τι κατὰ σφᾶσ νεωτερίζειν, τὸ δὲ καὶ ἐν αὐτῷ τῷ δεινῷ οὐκ ἐθελήσαντασ, εἰ δή τι πταίσειαν, μὴ ὅσον κατ̓ ἄνδρα μόνον μετέχειν αὐτοῦ, ἀλλὰ καὶ ὡσ τὸ πᾶν αὐτοὺσ κακῶσ ἐξηγησαμένουσ.

ἐν τούτῳ δὴ τῷ θορύβῳ τε καὶ τῇ ἀταξίᾳ ἐπιθεμένουσ αὐτοῖσ τοὺσ βαρβάρουσ κατακόψαι πάντασ, ὥστε ἱππέασ μὲν μὴ πλείονασ τῶν τεσσαράκοντα ἀποσωθῆναι, πεζοὺσ δὲ ἐσ τριακοσίουσ. Ταῦτα δὲ ὡσ ἠγγέλθη Ἀλεξάνδρῳ, ἤλγησέ τε τῷ πάθει τῶν στρατιωτῶν καὶ ἔγνω σπουδῇ ἐλαύνειν ὡσ ἐπὶ Σπιταμένην τε καὶ τοὺσ ἀμφ̓ αὐτὸν βαρβάρουσ.

ἀναλαβὼν οὖν τῶν τε ἑταίρων ἱππέων τοὺσ ἡμισέασ καὶ τοὺσ ὑπασπιστὰσ ξύμπαντασ καὶ τοὺσ τοξότασ καὶ τοὺσ Ἀγριᾶνασ καὶ τῆσ φάλαγγοσ τοὺσ κουφοτάτουσ ᾔει ὡσ ἐπὶ Μαράκανδα, ἵνα ἐπανήκειν Σπιταμένην ἐπυνθάνετο καὶ αὖθισ πολιορκεῖν τοὺσ ἐν τῇ ἄκρᾳ. καὶ αὐτὸσ μὲν ἐν τρισὶν ἡμέραισ διελθὼν χιλίουσ καὶ πεντακοσίουσ σταδίουσ τῇ τετάρτῃ ὑπὸ τὴν ἑώ προσῆγε τῇ πόλει.

Σπιταμένησ δὲ καὶ οἱ ἀμφ̓ αὐτόν, ὡσ ἐξηγγέλθη προσάγων Ἀλέξανδροσ, οὐκ ἔμειναν, ἀλλ̓ ἐκλιπόντεσ τὴν πόλιν φεύγουσιν. ὁ δὲ ἐχόμενοσ αὐτῶν ἐδίωκεν·

ὡσ δὲ ἐπὶ τὸν χῶρον ἧκεν, οὗ ἡ μάχη ἐγένετο, θάψασ τοὺσ στρατιώτασ ὡσ ἐκ τῶν παρόντων εἵπετο ἔστε ἐπὶ τὴν ἔρημον τοῖσ φεύγουσιν. ἐκεῖθεν δὲ ἀναστρέφων ἐπόρθει τὴν χώραν καὶ τοὺσ ἐσ τὰ ἐρύματα καταπεφευγότασ τῶν βαρβάρων ἔκτεινεν, ὅτι ξυνεπιθέσθαι ἐξηγγέλλοντο καὶ αὐτοὶ τοῖσ Μακεδόσι· καὶ ἐπῆλθε πᾶσαν τὴν χώραν ὅσην ὁ ποταμὸσ ὁ Πολυτίμητοσ ἐπάρδων ἐπέρχεται. ἵνα δὲ ἀφανίζεται τῷ ποταμῷ τὸ ὕδωρ, ἐντεῦθεν ἤδη τὸ ἐπέκεινα ἔρημοσ ἡ χώρα ἐστίν·

ἀφανίζεται δὲ καίπερ πολλοῦ ὢν ὕδατοσ ἐσ τὴν ψάμμον. καὶ ἄλλοι ποταμοὶ ὡσαύτωσ ἐκεῖ ἀφανίζονται μεγάλοι καὶ ἀέ[ν]ναοι, ὅ τε Ἔπαρδοσ, ὃσ ῥέει διὰ Μάρδων τῆσ χώρασ, καὶ Ἄρειοσ, ὅτου ἐπώνυμοσ ἡ τῶν Ἀρείων γῆ ἐστιν, καὶ Ἑτύμανδροσ, ὃσ δἰ Εὐεργετῶν ῥέει. καὶ εἰσὶ ξύμπαντεσ οὗτοι τηλικοῦτοι ποταμοὶ ὥστε οὐδεὶσ αὐτῶν μείων ἐστὶ τοῦ Πηνειοῦ τοῦ Θεσσαλικοῦ ποταμοῦ, ὃσ διὰ τῶν Τεμπῶν ῥέων ἐκδιδοῖ ἐσ θάλασσαν·

ὁ δὲ Πολυτίμητοσ πολὺ ἔτι μείζων ἢ κατὰ τὸν Πηνειὸν ποταμόν ἐστι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 6

(아리아노스, Anabasis, book 4, chapter 6)

상위

목록

SEARCH

MENU NAVIGATION