헬라어 문장 검색 - Αρριαν́Αναβασί4́05́

(아리아노스, Anabasis, book 4, chapter 5)

Ὀλίγον δὲ ὕστερον παρὰ τοῦ Σκυθῶν βασιλέωσ ἀφικνοῦνται παῤ Ἀλέξανδρον πρέσβεισ, ὑπὲρ τῶν πραχθέντων ἐσ ἀπολογίαν ἐκπεμφθέντεσ, ὅτι οὐκ ἀπὸ τοῦ κοινοῦ τῶν Σκυθῶν ἐπράχθη, ἀλλὰ καθ̓ ἁρπαγὴν λῃστρικῷ τρόπῳ σταλέντων, καὶ αὐτὸσ ὅτι ἐθέλοι ποιεῖν τὰ ἐπαγγελλόμενα. καὶ τούτῳ φιλάνθρωπα ἐπιστέλλει Ἀλέξανδροσ, ὅτι οὔτε ἀπιστοῦντα μὴ ἐπεξιέναι καλὸν αὐτῷ ἐφαίνετο, οὔτε κατὰ καιρὸν ἦν ἐν τῷ τότε ἐπεξιέναι. Οἱ δὲ ἐν Μαρακάνδοισ ἐν τῇ ἄκρᾳ φρουρούμενοι Μακεδόνεσ προσβολῆσ γενομένησ τῇ ἄκρᾳ ἐκ Σπιταμένουσ τε καὶ τῶν ἀμφ̓ αὐτὸν ἐπεκδραμόντεσ ἀπέκτεινάν τε τῶν πολεμίων ἔστιν οὓσ καὶ ἀπώσαντο ξύμπαντασ, καὶ αὐτοὶ ἀπαθεῖσ ἀπεχώρησαν ἐσ τὴν ἄκραν.

ὡσ δὲ καὶ οἱ ὑπ̓ Ἀλεξάνδρου ἐσταλμένοι ἐσ Μαράκανδα ἤδη προσάγοντεσ Σπιταμένει ἐξηγγέλλοντο, τὴν μὲν πολιορκίαν ἐκλείπει τῆσ ἄκρασ, αὐτὸσ δὲ ὡσ ἐσ τὰ βόρεια τῆσ Σογδιανῆσ ἀνεχώρει.

Φαρνούχησ δὲ καὶ οἱ ξὺν αὐτῷ στρατηγοὶ σπεύδοντεσ ἐξελάσαι αὐτὸν παντάπασιν ἐπί τε τὰ ὁρ́ια τῆσ Σογδιανῆσ ξυνείποντο ὑποχωροῦντι καὶ εἰσ τοὺσ Νομάδασ τοὺσ Σκύθασ οὐδενὶ λογισμῷ ξυνεσβάλλουσιν. ἔνθα δὴ προσλαβὼν ὁ Σπιταμένησ τῶν Σκυθῶν ἱππέων ἐσ ἑξακοσίουσ προσεπήρθη ὑπὸ τῆσ ξυμμαχίασ τῆσ Σκυθικῆσ δέξασθαι ἐπιόντασ τοὺσ Μακεδόνασ·

παραταξάμενοσ δὲ ἐν χωρίῳ ὁμαλῷ πρὸσ τῇ ἐρήμῳ τῆσ Σκυθικῆσ ὑπομεῖναι μὲν τοὺσ πολεμίουσ ἢ αὐτὸσ ἐσ αὐτοὺσ ἐμβαλεῖν οὐκ ἤθελε, περιϊππεύων δὲ ἐτόξευεν ἐσ τὴν φάλαγγα τῶν πεζῶν. καὶ ἐπελαυνόντων μὲν αὐτοῖσ τῶν ἀμφὶ Φαρνούχην ἔφευγεν εὐπετῶσ, οἱᾶ δὴ ὠκυτέρων τε αὐτοῖσ καὶ ἐν τῷ τότε ἀκμαιοτέρων ὄντων τῶν ἵππων, τοῖσ δὲ ἀμφὶ Ἀνδρόμαχον ὑπό τε τῆσ ξυνεχοῦσ πορείασ καὶ ἅμα χιλοῦ ἀπορίᾳ κεκάκωτο ἡ ἵπποσ·

μένουσι δὲ ἢ ὑποχωροῦσιν ἐπέκειντο εὐρώστωσ οἱ Σκύθαι. ἔνθα δὴ πολλῶν μὲν τιτρωσκομένων ἐκ τῶν τοξευμάτων, ἔστι δὲ ὧν καὶ πιπτόντων, ἐσ πλαίσιον ἰσόπλευρον τάξαντεσ τοὺσ στρατιώτασ ἀνεχώρουν ὡσ ἐπὶ τὸν ποταμὸν τὸν Πολυτίμητον, ὅτι νάποσ ταύτῃ ἦν, ὡσ μήτε τοῖσ βαρβάροισ εὐπετὲσ ἔτι εἶναι ἐκτοξεύειν ἐσ αὐτούσ, σφίσι τε οἱ πεζοὶ ὠφελιμώτεροι ὦσι.

Κάρανοσ δὲ ὁ ἱππάρχησ οὐκ ἀνακοινώσασ Ἀνδρομάχῳ μάχῳ διαβαίνειν ἐπεχείρησε τὸν ποταμὸν ὡσ ἐσ ἀσφαλὲσ ταύτῃ καταστήσων τὴν ἵππον·

καὶ οἱ πεζοὶ αὐτῷ ἐπηκολούθησαν, οὐκ ἐκ παραγγέλματοσ, ἀλλὰ φοβερά τε καὶ οὐδενὶ κόσμῳ ἐγένετο αὐτοῖσ ἡ ἔσβασισ ἡ ἐσ τὸν ποταμὸν κατὰ κρημνώδεισ τὰσ ὄχθασ. καὶ οἱ βάρβαροι αἰσθόμενοι τὴν ἁμαρτίαν τῶν Μακεδόνων αὐτοῖσ ἵπποισ ἔνθεν καὶ ἔνθεν ἐσβάλλουσιν ἐσ τὸν πόρον.

καὶ οἱ μὲν τῶν ἤδη διαβεβηκότων καὶ ἀποχωρούντων εἴχοντο, οἱ δὲ τοὺσ διαβαίνοντασ ἀντιμέτωποι ταχθέντεσ ἀνείλουν ἐσ τὸν ποταμόν, οἱ δὲ ἀπὸ τῶν πλαγίων ἐξετόξευον ἐσ αὐτούσ, οἱ δὲ τοῖσ ἔτι ἐσβαίνουσιν ἐπέκειντο, ὥστε ἀπορίᾳ πάντοθεν ξυνεχόμενοι οἱ Μακεδόνεσ ἐσ νῆσόν τινα τῶν ἐν τῷ ποταμῷ ξυμφεύγουσιν οὐ μεγάλην. καὶ περιστάντεσ αὐτοὺσ οἱ Σκύθαι τε καὶ οἱ ξὺν Σπιταμένει ἱππεῖσ ἐν κύκλῳ πάντασ κατετόξευσαν·

ὀλίγουσ δὲ ἠνδραποδίσαντο αὐτῶν, καὶ τούτουσ πάντασ ἀπέκτειναν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 5

(아리아노스, Anabasis, book 4, chapter 5)

상위

목록

SEARCH

MENU NAVIGATION