헬라어 문장 검색 - Αρριαν́Αναβασί4́01́

(아리아노스, Anabasis, book 4, chapter 1)

οὐ πολλαῖσ δὲ ἡμέραισ ὕστερον ἀφικνοῦνται παῤ Ἀλέξανδρον πρέσβεισ παρά τε Σκυθῶν τῶν Ἀβίων καλουμένων, οὑ̔̀σ καὶ Ὅμηροσ δικαιοτάτουσ ἀνθρώπουσ εἰπὼν ἐν τῇ ποιήσει ἐπῄνεσεν· οἰκοῦσι δὲ ἐν τῇ Ἀσίᾳ οὗτοι αὐτόνομοι, οὐχ ἥκιστα διὰ πενίαν τε καὶ δικαιότητἀ καὶ παρὰ τῶν ἐκ τῆσ Εὐρώπησ Σκυθῶν, οἳ δὴ τὸ μέγιστον ἔθνοσ [Σκυθικὸν]ἐν τῇ Εὐρώπῃ ἐποικοῦσιν. καὶ τούτοισ ξυμπέμπει Ἀλέξανδροσ τῶν ἑταίρων, πρόφασιν μὲν κατὰ πρεσβείαν φιλίαν ξυνθησομένουσ, ὁ δὲ νοῦσ τῆσ πομπῆσ ἐσ κατασκοπήν τι μᾶλλον ἔφερε φύσεώσ τε τῆσ χώρασ τῆσ Σκυθικῆσ καὶ πλήθουσ αὐτῶν καὶ νομαίων καὶ ὁπλίσεωσ, ἥντινα ἔχοντεσ στέλλονται ἐσ τὰσ μάχασ.

Αὐτὸσ δὲ πρὸσ τῷ Τανάϊδι ποταμῷ ἐπενόει πόλιν οἰκίσαι, καὶ ταύτην ἑαυτοῦ ἐπώνυμον.

ὅ τε γὰρ χῶροσ ἐπιτήδειοσ αὐτῷ ἐφαίνετο αὐξῆσαι ἐπὶ μέγα τὴν πόλιν καὶ ἐν καλῷ οἰκισθήσεσθαι τῆσ ἐπὶ Σκύθασ, εἴποτε ξυμβαίνοι, ἐλάσεωσ καὶ τῆσ προφυλακῆσ τῆσ χώρασ πρὸσ τὰσ καταδρομὰσ τῶν πέραν τοῦ ποταμοῦ ἐποικούντων βαρβάρων. ἐδόκει δ̓ ἂν καὶ μεγάλη γενέσθαι ἡ πόλισ πλήθει τε τῶν ἐσ αὐτὴν ξυνοικιζομένων καὶ τοῦ ὀνόματοσ τῇ λαμπρότητι.

καὶ ἐν τούτῳ οἱ πρόσχωροι τῷ ποταμῷ βάρβαροι τούσ τε τὰ φρούρια ἐν ταῖσ πόλεσι σφῶν ἔχοντασ στρατιώτασ τῶν Μακεδόνων ξυλλαβόντεσ ἀπέκτειναν καὶ τᾶσ πόλεισ ἐσ ἀσφάλειάν τινα μᾶλλον ὠχύρουν. ξυνεπελάβοντο δὲ αὐτοῖσ τῆσ ἀποστάσεωσ καὶ τῶν Σογδιανῶν οἱ πολλοί, ἐπαρθέντεσ πρὸσ τῶν ξυλλαβόντων Βῆσσον, ὥστε καὶ τῶν Βακτριανῶν ἔστιν οὕσ σφισιν οὗτοι ξυναπέστησαν, εἴτε δὴ καὶ δείσαντεσ Ἀλέξανδρον, εἴτε καὶ λόγον ἐπὶ τῇ ἀποστάσει διδόντεσ, ὅτι ἐσ ἕνα ξύλλογον ἐπηγγέλκει Ἀλέξανδροσ ξυνελθεῖν τοὺσ ὑπάρχουσ τῆσ χώρασ ἐκείνησ εἰσ Ζαρίασπα, τὴν μεγίστην πόλιν, ὡσ ἐπ̓ ἀγαθῷ οὐδενὶ τοῦ ξυλλόγου γιγνομένου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 1

(아리아노스, Anabasis, book 4, chapter 1)

상위

목록

SEARCH

MENU NAVIGATION