호흡부호 보기
강세부호 보기
장단부호 보기
작은 Iota 보기
모든 부호 보기
σὺ δ’ ἐκπεσεῖν μὲν τῶν ὄντων καὶ ὧν σοι πρόσεστιν ἐστερῆσθαι οὐκ ἂν ἀνάσχοιο, ἀλλά μοι δοκεῖσ κἂν ὄναρ τοῦτ’ ἰδὼν τεταράχθαι· ἧσ δὲ τοὺσ εὐεργέτασ ἡ πόλισ ἠξίωσεν ἀτελείασ, ταύτησ τούτουσ ἀπάγων, φορητόν τι νομίζεισ, δέον ἀπὸ σαυτοῦ καὶ τὰ τούτων εἰκάζειν, καὶ μὴ σφᾶσ ἀξιοῦν ὧν αὐτὸσ γενομένων οὐκ ἂν ἠγαπήκεισ; μᾶλλον δ’ ἀνάγκη δυοῖν θάτερον, ἢ καὶ τὴν πόλιν ἐστερῆσθαι τῆσ παρ’ αὐτῶν ὠφελείασ, ἐπειδὴ τούτουσ τῶν παρ’ αὐτῆσ γερῶν οἰεί δεῖν, ἢ μηδὲ τούτοισ ὁπωστιοῦν ἐνοχλεῖν, ἐπεὶ μηδὲ ταύτῃ. εἰ δὲ ταύτην μὲν ἀξιοῖσ ὧν παρ’ αὐτῶν εἴληφεν ἀπολαύειν εἰσ ἅπαν, τούτουσ δὲ μὴ, ἐοίκασ οὐκ ὀρθῶσ οὐδὲ δικαίωσ τοῖσ πράγμασι διαντᾶν καὶ προσέτι τὴν πόλιν οὐχ ὅπωσ ὧν ἐχρῆν, ἀλλὰ καὶ ὧν ἀπεύξαιτ’ ἄν τισ ἀτεχνῶσ ἀξιοῦν. θαυμάζεσθαι μὲν γὰρ αὐτὴν ὁσημέραι καὶ καλῶσ ἀκούειν καὶ συναγωνιστὰσ πάντασ ἴσχειν τῆσ δόξησ ἐν εὐχαῖσ οἶδ’ ὅτι ποιεῖ, εἴπερ μὴ κοινὸσ εἶ τῆσ πολιτείασ ἐχθρόσ·
호흡부호 보기
강세부호 보기
장단부호 보기
작은 Iota 보기
모든 부호 보기