Aristides, Aelius, Orationes, Περὶ τοῦ παραφθέγματος 8:

(아리스티데스, 아일리오스, 연설, Περὶ τοῦ παραφθέγματος 8:)

αὐτὰ γὰρ ταῦτα ὧν ἀρτίωσ ἐμνήσθην, ἐν οἷσ ὁ Ἀχιλλεὺσ ἐπαρρησιάζετο, ὁμολογίαν τινὰ εἶχεν ἀδελφὴν τοῖσ λόγοισ τοῦ Ὀδυσσέωσ, ἐπεὶ κἀκεῖνοσ οὕτωσ διορίζεται λέγων ὅτι ἐν πολέμῳ, ἀγορῇ δέ τ’ ἀμείνονέσ εἰσι καὶ ἄλλοι. ἔχων οὖν ἐνέχυρον ὁ Ὀδυσσεὺσ τὴν ἐκείνου ψῆφον καὶ εὖ εἰδὼσ ὅτι οὐκ ἀηδῶσ τἀληθὲσ ἀκούσεται, ἀλλὰ τοῦ αὐτοῦ καὶ λέγειν καὶ ἀκούειν ἐθέλειν ἐστὶ τἀληθῆ· ἐκεῖνά τε σὺ, ἔφη, πολὺ κρείττων ἐμοῦ καὶ ταῦτα ἐγὼ σοῦ τοσοῦτον ἕτερον. τὸ δὲ ἔτι κάλλιον, ὁ γὰρ Νέστωρ οὐδ’ ὠμογέρων τισ ἔτι ὢν, ἀλλ’ οὕτω σφόδρα πρεσβύτησ καὶ πέπων ὥστ’ αὐτῷ δύο μὲν γενεαὶ μερόπων ἀνθρώπων ἐφθίαθ’, οἵ οἱ πρόσθεν ἅμα τράφεν ἠδ’ ἐγένοντο, μετὰ δὲ τριτάτοισιν ἄνασσεν· οὕτω σφόδρα δόξει σοὶ κριτῇ μειρακιεύεσθαι ὥστε μηδὲν εἶναι χρῆμα λαλίστερον αὐτοῦ μηδ’ αὐθαδέστερον. οὐδὲ γὰρ εἰσάπαξ ποτὲ ἐπαινέσασ αὑτὸν ἀπηλλάγη, ἀλλ’ ἐστὶν ὅμοιοσ ἁπανταχοῦ· ὃσ πρῶτον μὲν τοὺσ βασιλέασ διαλλάττων φησὶ συγγενέσθαι ἀνδράσιν οὐ κατὰ τοὺσ νῦν, ἀλλὰ μακρῷ πάντων κρατίστοισ, ἑαυτὸν δι’ ἐκείνων σεμνύνων· ὥστ’ οὐδ’ ἀπεκρύψατο αὐτὸ, ἀλλ’ εἶπεν ἄντικρυσ καὶ μέν μευ βουλέων ξύνιον, πείθοντό τε μύθῳ, ὄντεσ, φησὶ, τοιοῦτοι. τὸ δ’ ἔτι μεῖζον καὶ μὲν τοῖσιν ἐγὼ μεθομίλεον ἐκ Πύλου ἐλθὼν τηλόθεν ἐξ Ἀπίησ γαίησ· καλέσαντο γὰρ αὐτοί. ὡσ δὴ οὕτω σφόδρα ἔνδοξοσ καὶ θαυμαστὸσ ὤν. φημὶ κἀγὼ, καὶ οὐδαμοῦ τοὺσ μαινομένουσ ἐπῄνεσα, ἀλλά τοι τῆσ αὐτῆσ ἐστι δεξιότητοσ καὶ τὰ προκείμενα, καί πωσ ἀμφότερά ἐστιν ἀληθῆ καὶ τοῦ ἐμοῦ λόγου. οὗ δὲ κἀκείνων κρείττων καὶ τούτων πρὸσ οὓσ διελέγετο, ὑπό τ’ ἐκείνων προκριθῆναί φησι καὶ τούτουσ ἀξιοῖ συγχωρεῖν, ἄντικρυσ εἰσ ταυτὸν ἰὼν τῷ Ὀδυσσεῖ τῷ λέγοντι πρὸσ τὸν Ἀχιλλέα ὅτι χείρων μὲν εἰή αἰχμὴν ἐκείνου, γνῶναι δ’ ἃ χρὴ βελτίων, ὥσπερ πρότερον καὶ αὐτῷ τῷ Ἀχιλλεῖ περὶ αὑτοῦ συνεδόκει.

상위

Aristides, Aelius (아리스티데스, 아일리오스)

목록

일치하는 문장이 없습니다.

SEARCH

MENU NAVIGATION