헬라어 문장 검색 - ΑριστίΟρατιον́47́0́008́

(아리스티데스, 아일리오스, 연설, Πρὸσ Καπίτωνα 8:)

οἶμαι δὲ εἰ καὶ υἱὸσ ἐκείνου ἔμελλεν ἀντερεῖν αὐτῷ, οὐκ ἂν πλείω τὴν παραίτησιν ἐποιήσατο, οὐδ’ ἂν περιφανέστερον ἐκόσμησεν εἰσ τοὺσ Ἕλληνασ. σὺ δὲ τούτων ἀπολειφθεὶσ ὅμοιοσ εἶ τῷ πρὶν ἀμφοῖν ἀκοῦσαι τὸν μῦθον δικάζοντι. καίτοι ἕτερόσ γ’ ἂν ἔχων συνέχειαν ἐπελάθετο καὶ αὐτὸσ ἑαυτοῦ, μὴ ὅτι τοῦ ἀντιπάλου, καὶ τὸ προκείμενον δεικνὺσ οὐδὲν ἂν πλέον ἐζήτει. ἐγὼ δὲ ὥσπερ δεδοικὼσ μὴ φαυλότεροσ περὶ ταῦτα ἐκεῖνοσ νομισθῇ, τὸ ἐκείνου σπεύδων παρὰ πάντα τὸν λόγον διαγίγνομαι· καὶ τῆσ ἀποδείξεωσ οὕτω συνεχοῦσ καὶ πυκνῆσ οὔσησ, ἐξέστω γὰρ εἰπεῖν, τὸ σχῆμα τῶν λόγων τῶν πρὸσ τὸν ἄνδρα οὐχ ἧττον ἀγαστόν ἐστιν, ὅτι οὐχ ἑτέρωσ μὲν τὴν κρηπῖδα ὑπέθηκα, ἑτέρωσ δὲ τὸ λοιπὸν ἐπήγαγον, ἀλλ’ ἀκολουθεῖ πανταχοῦ τῷ λόγῳ τὸ τοῦ ἀνδρὸσ προορώμενον, καὶ δείκνυμεν ὅτι ἀντιλέγοντεσ τὰ ἀναγκαῖα κοσμοῦμεν ἐκ περιουσίασ. καίτοι ἐβουλόμην ἂν ἐκεῖνον οὕτωσ ἀντειπεῖν μοι δεῦρο γενόμενον, ἀλλ’ ἴσωσ ἧττον ἂν τοῦ τοιούτου ἐμέλησεν αὐτῷ. σκόπει τοίνυν καὶ τὰ ἐπὶ τῆσ τελευτῆσ τῶν λόγων ὡσ ἀκόλουθα τῷ προοιμίῳ· τοῦτο μὲν περὶ τῶν τῷ ὄντι ῥητόρων διαλεγόμενοι, Πλάτων δ’ ἡμῖν ποῦ χοροῦ, φαμὲν, στήσεται; ἡμεῖσ μὲν αὐτὸν ἐν τῷ καλλίστῳ τάττειν ἕτοιμοι τοιουτοισί τισι τοῖσ ῥήμασιν, οὐ γὰρ τό γ’ ἀκριβέστερον μέμνημαι· τοῦτο δὲ ἑτέρων τινῶν ἀνθρωπίσκων μνησθέντεσ, πρὸσ δὲ δὴ Πλάτωνα, τὸν τῶν ῥητόρων πατέρα τε καὶ διδάσκαλον, οὕτωσ οἶμαι τὸ ἐφεξῆσ εἰρήκαμεν, καὶ τοσαῦτά γ’ ἐστὶν οὐ τὸν βίον τὸν ἐκείνου καὶ τοὺσ λόγουσ εἰσ ὅσον οἱο͂́ν τε σεμνύνοντοσ, καὶ ταυτὶ πάντα ὑπὲρ τῆσ ἀληθείασ ἀκριβολογοῦμαι καὶ διεξέρχομαι, φησὶ Δημοσθένησ, ἐπεὶ τό γε τοῦ Πινδάρου πολλοὶ ὑμνοῦσι χρὴ δὲ πᾶν ἔρδοντ’ ἀμαυρῶσαι τὸν ἐχθρόν. ἐχθρὸν δέ που λέγει τὸν ἀντίπαλον. καὶ σχεδὸν ἔν τε ταῖσ σφαιρομαχίαισ καὶ τοῖσ γυμνικοῖσ αὐτοῖσ ἀγῶσι, προσθήσω δὲ καὶ ἱππικοῖσ, οὕτωσ ὁρῶμεν οὐ τοῖσ τῶν ἀντιπάλων βουλήμασιν ἀκολουθοῦντασ τοὺσ περὶ τῆσ νίκησ ἐρίζοντασ, ἀλλὰ τὰ αὑτοῖσ συμφέροντα καὶ ποιοῦντασ καὶ λέγοντασ, ἑώσ ἂν μή τισ περιφανῶσ κωλύῃ νόμοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristides, Aelius, Orationes, Πρὸσ Καπίτωνα 8:

(아리스티데스, 아일리오스, 연설, Πρὸσ Καπίτωνα 8:)

상위

목록

SEARCH

MENU NAVIGATION