헬라어 문장 검색 - ΑριστίΟρατιον́47́0́002́

(아리스티데스, 아일리오스, 연설, Πρὸσ Καπίτωνα 2:)

ὥστε τι καὶ περιειργασάμην πρὸσ αὐτὸν ὑπὸ τοῦ τοιούτου. ἔτυχε γάρ μοι λόγοσ τισ πεποιημένοσ ἐκ τρίτων πρὸσ Λεπτίνην ἐξ ἀρχῆσ τοιᾶσδε· εἶχον ἐν χερσὶ τὸν λόγον τὸν τοῦ Δημοσθένουσ, καὶ ὡσ ἐγενόμην ἐπὶ τῶν κεφαλαίων ἃ τοῦ Λεπτίνου μέλλοντοσ ἐρεῖν ὑπετέμνετο, ἀποστήσασ ἐμαυτὸν τοῦ Δημοσθένουσ ὑπ’ ἐμαυτοῦ τι συνεώρων. ὡσ δὲ εὑρ͂ον καὶ δύο καὶ τρία τῶν χρησίμων, ἐνταῦθα πάλιν αὖ ἐπ’ ἄλλο τι ἐχώρουν. καί μοι πειρωμένῳ τὸ αὐτὸ ἀεὶ συνέβαινε. καὶ οὕτω δὴ ἀπὸ τοῦ κρασπέδου θοἰμάτιον, εἰ δὲ βούλει, τὸν λέοντα ἀπὸ τοῦ ὄνυχοσ ἀπειργασάμην. τοῦτον οὖν αὐτῷ τὸν λόγον δεῖξαι ἐπεχείρησα καὶ μέλλων δείξειν προεῖπον ὅτι πρὸσ Λεπτίνην ἐφευρημένα σὺν τῷ πρὸσ Λεπτίνην ἐφευρήσει. μὴ ἀδικῶ γε, ἔφην ἐγώ. καὶ ὃσ μὰ Δία εὐγενῶσ τε καὶ ὡσ ἂν πᾶσ ἠράσθη τε καὶ ἠγάσθη ὅστισ φιλόλογοσ, Οἶσθα, ἔφη, ὅτι κάθημαι πρὸσ τοῦ Δημοσθένουσ; κἀγὼ, τὸν αὐτὸν ἄρ’, ἔφην, ἐμοὶ βουκολεῖσ, ὥστ’ εἰ νικῴη μ’, οὐκ ἐχθρὸσ ὁ στεφανούμενοσ, ἀλλ’ ᾧ σύ τε κἀγὼ συσπεύδομεν. ὡσ δὲ ἐκέλευε τὰ βιβλία ἐν μέρει δεικνύναι καὶ τὸ πρᾶγμα πανταχῆ σπουδὴ ἦν, οὑτωσί τοι, ἔφην ἐγὼ, σοὶ ταὐτὰ γιγνώσκω περὶ Δημοσθένουσ, καὶ ἡγοῦμαι ταυτὸν ὅπερ σὺ, μὴ ῥᾴδιον εἶναι τὸν ἄνδρα ἐκεῖνον παρελθεῖν. εἰ δ’ οὖν τισ κἀμοὶ θεῶν ἐπιβοηθήσειε, πολλὰ δ’ ἐν Ἀσκληπιοῦ τὰ παράδοξα, ὅτι οὐκ ἔδειξασ, ἔφην, τὰ ἆθλα, ἵνα προθυμότερον ἀγωνιζοίμην. ἀποτυγχάνοντι μὲν γὰρ μανία καὶ μηδὲν ἐπαί̈ειν περὶ λόγων· ἐὰν δ’ ἄρα, ἔφην, κρατῶ, τί μοι περιέσται; καὶ ὃσ ἥσθη τε ἀκούσασ, ὥσπερ ἐγὼ ἐκείνου ἀκούσασ ἥσθην ὅτι τῷ Δημοσθένει συνεστήκοι, καὶ ἔδωκεν ἄδειαν δεῖξαι τὸν λόγον. καὶ ὅπωσ ἤδη διετέθη τὰ ἐπὶ τούτοισ αὐτὸσ ἂν εἰδείη, καὶ σὺ δὲ εἴ που συγγένοιο τῷ ἀνδρὶ καὶ μνησθείησ. οὕτωσ ἐμοὶ κοινῶσ μὲν εἰπεῖν τῶν παλαιῶν ἀνδρῶν, δι’ ἀκριβείασ δὲ τούτων ὑπὲρ πάντασ ἔρωσ δεινὸσ καὶ φιλία θαυμαστή τισ ἐντέτηκεν ἐκ παιδόσ. ὥστε καὶ σοὶ νῦν οὐ μόνον οὐ νεμεσῶ τῆσ γνώμησ ἣν ἔχεισ, ἀλλὰ καὶ συγχαίρω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Πρὸσ Καπίτωνα 2:

(아리스티데스, 아일리오스, 연설, Πρὸσ Καπίτωνα 2:)

상위

목록

SEARCH

MENU NAVIGATION