헬라어 문장 검색 - ΑριστίΟρατιον́42́0́018́

(아리스티데스, 아일리오스, 연설, Περὶ ὁμονοίασ ταῖσ πόλεσιν 18:)

ἄρχουσι μὲν γὰρ τῶν τοιούτων οἱ φαυλότατοι δή που, καταπαύουσι δ’ οἱ βέλτιστοι. ὥστ’ ἐκείνοισ μὲν προσέχειν ἐθέλειν διὰ τέλουσ, ἡμῖν δὲ μηδ’ ὅσον τὸ μέροσ νέμειν, πῶσ οὐχ ἅπασα ἂν εἰή συμφορά; θαυμάζω δ’ ὅτι σεμνύνεσθε μὲν οὐχ ἥκιστα τοῖσ ναοῖσ καὶ τοῖσ ἀγῶσιν, οὓσ κοινοὺσ νομίζετε, ὑπὲρ δὲ αὐτῶν τούτων διεστήκατε. καίτοι ὅταν οἷσ ὡσ κοινοῖσ ἀγάλλεσθε, ὑπὲρ τούτων ἐρίζητε, ὑπὲρ τοῦ λοιπὸν ταὐτὰ φρονήσετε; ἐγὼ μὲν γὰρ οἶμαι τούτῳ τό τε κοινὸν καὶ τὸ ἴδιον κεχωρίσθαι καὶ τὸν τῶν σοφῶν λόγον τοῦτο βούλεσθαι, ὡσ ἄρα χρὴ κοινὰ πάντ’ εἶναι τοῖσ μέλλουσιν ὡσ κάλλιστα πράξειν. οὗ μὲν γὰρ χωρίσ τι ἕκαστοσ κέκτηται, καὶ τὸ συμφέρον χωρὶσ ἑκάστου. ἐκ δὲ τούτου στάσεισ καὶ μάχαι καὶ διαφοραί. τὸ γὰρ οὐ σὸν τοῦτο, ἀλλ’ ἐμὸν, ἄρχει πάσησ τῆσ φιλονεικίασ. οὗ δ’ ἅπαντεσ κοινὰ τὰ ὄντα ἡγοῦνται, κοινὴν περὶ αὐτῶν καὶ τὴν γνώμην ἔχουσιν. ὑμεῖσ τοίνυν ὥσπερ ἐλέγχουσ ταύτασ κατὰ τῆσ στάσεωσ τὰσ ἐπωνυμίασ ποιούμενοι κοινὰ μὲν τὰ βουλευτήρια, κοινοὺσ δὲ τοὺσ νεὼσ καὶ τοὺσ ἀγῶνασ, κοινὰ δὲ πάνθ’ ὡσ εἰπεῖν τὰ μέγιστα προσειρήκατε. καίτοι πῶσ οὐκ ἀνάγκη θάτερα ἁμαρτάνειν; εἰ μὲν γὰρ ὀρθῶσ ἐπὶ τούτοισ φιλοτιμεῖσθε κοινοῖσ οὖσι, πῶσ οὐκ αἰσχύνεσθαι χρὴ διὰ ταῦτ’ ἐρίζοντασ; εἰ δ’ οὐδέν ἐστιν αὐτῶν σεμνὸν, πῶσ εἰκὸσ μέγ’ ἐπ’ αὐτοῖσ φρονεῖν; οἶμαι γὰρ εἰ μέχρι νῦν τοῦθ’ ὑμᾶσ ἐλελήθει καί τισ ἐξευρὼν παρέδειξεν ὡσ προσήκει τι τούτων καὶ τοῖσ ἄλλοισ, καὶ οὐ τῶν ἐχόντων ἐστὶ μόνον, ἀλλὰ πάντων κοινὰ ὥσπερ χρήματα, καὶ οὐκ ἔνεστ’ ἀποκλεῖσαι τοὺσ ἄλλουσ τῆσ ἐπ’ αὐτοῖσ φιλοτιμίασ, εἰκότωσ ἂν ἅπαντασ παύσασθαι τῆσ διαφορᾶσ. τὸ δ’ αὐτοὺσ εἰδότασ, αὐτοὺσ ὀνομάζοντασ, φιλοτιμουμένουσ τῇ προσρήσει τὰσ τῆσ ὁμονοίασ ἀφορμὰσ εἰσ τὴν στάσιν ἐκτρέπειν, καὶ ταῖσ τῶν ὀνομάτων εὐφημίαισ εἰσ δυσχέρειαν τῶν πραγμάτων καταχρῆσθαι, καὶ νοσεῖν ἐκ τούτων ἐξ ὧν εἰκὸσ ἦν ἀπαλλάττεσθαι τίσ οὐκ ἂν φαίη παραπλήσιον εἶναι ὥσπερ ἂν εἴ τινεσ ἐκ τῶν φαρμάκων τῶν πρὸσ σωτηρίαν παρεσκευασμένων μὴ ὅτι βέλτιον ἀπαλλάττοιεν, ἀλλὰ καὶ διαφθείροιντο;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ ὁμονοίασ ταῖσ πόλεσιν 18:

(아리스티데스, 아일리오스, 연설, Περὶ ὁμονοίασ ταῖσ πόλεσιν 18:)

상위

목록

SEARCH

MENU NAVIGATION