헬라어 문장 검색 - ΑριστίΟρατιον́42́0́015́

(아리스티데스, 아일리오스, 연설, Περὶ ὁμονοίασ ταῖσ πόλεσιν 15:)

οὕτω καὶ ἔθνει κοινῇ καὶ πόλεσι ταῖσ προεστώσαισ καὶ καθ’ ἑαυτὴν ἑκάστῃ πόλει μεγάλων ἀγαθῶν ἡ πρὸσ ἀλλήλουσ φιλία καὶ ὁμόνοια, καὶ τοὐναντίον ἡ στάσισ κακῶν τῶν ἐσχάτων αἰτία πέφυκε γίγνεσθαι. οὐ γὰρ ἔστι γνώμῃ δυσκόλῳ χρωμένουσ εὐκόλων πειρᾶσθαι τῶν πραγμάτων. εἰ δ’ ὅτι μηδεὶσ νῦν πόλεμοσ πάρεστι, φλυαρίαν τισ ἡγεῖται ταῦτα, αὐτὸσ ἀγνοεῖ ληρῶν. ἔχει γὰρ οὕτωσ, οἶμαι· ὁπόταν μὲν πόλεμοσ παρῇ, τοῖσ τοῦ πολέμου πράγμασιν ἡ στάσισ λυμαίνεται, εἰρήνησ δ’ ὑπαρχούσησ τοῖσ τῆσ εἰρήνησ ἀγαθοῖσ ἐχθρόν ἐστι. βλάπτειν μὲν γὰρ ἀεὶ πέφυκεν, ἡ δὲ βλάβη πρὸσ τοὺσ καιροὺσ ἀπαντᾷ. πάντων δ’ ἀτοπώτατον τοῖσ μὲν ἡγεμόσι χάριν μεγίστην ἔχειν, ὅτι τῶν τοῦ πολέμου κακῶν ἀπαθεῖσ ὑμᾶσ φυλάττουσιν, αὐτοὺσ δὲ ὃ πολλῷ μεῖζον κακόν ἐστι τοῦ πολέμου, τοῦθ’ ἑκόντασ αἱρεῖσθαι. τοσούτῳ γὰρ στάσισ πολέμου χαλεπώτερον, ὅσῳ πόλεμοσ μὲν ἐξ ὁμονοίασ κατορθοῦται, εἰρήνη δὲ στάσει διαφθείρεται, καὶ πολέμου μὲν πολλάκισ οὐδέν ἐστ’ ἀπολαῦσαι δυσχερὲσ, εἰρήνησ δὲ οὐδὲν χρηστὸν, ἐὰν στάσει χρῆται. καὶ μὴν στάσισ μὲν εἰρήνην λύει, πόλεμοσ δὲ στάσιν ἔστιν ᾗ· τοσούτῳ πόλεμοσ στάσεωσ αἱρετώτεροσ· ἀρχὴν δὲ οὗ μὲν ἔνι στάσισ, ἐνταῦθα καὶ πόλεμοσ καὶ πρὸσ αὐτοὺσ, οὗ δ’ ἔννομοσ πόλεμοσ, ἁπλοῦσ ἅμα καὶ ῥᾴων ὁ κίνδυνοσ. καὶ μὴν περὶ πολέμου μὲν ἀμφοτέροισ τοῖσ λόγοισ ἔξεστι χρήσασθαι, καὶ ὡσ δεῖ ποιεῖσθαι καὶ ὡσ μὴ, στάσιν δὲ οὐδεὶσ πώποτε τετόλμηκεν εἰπεῖν ὡσ βέλτιον εἰ συμβαίη, οὐδέ γε ὡσ, εἰ συμβαίη, βέλτιον μένειν. ἀλλ’ ὑπὲρ μὲν πολέμων λέγουσιν ὡσ οὐ χρὴ καταλύεσθαι, ὑπὲρ στάσεωσ δ’ οὐδεὶσ πώποτε ἐκ τοῦ εὐθέοσ εἶπε τὸ μὴ δεῖν ὡσ τάχιστα παύεσθαι· εἰκότωσ. πόλεμοι μὲν γὰρ ἤδη καὶ σωφροσύνησ καὶ ἀνδρείασ δόξαν ἤνεγκαν τοῖσ ὑποστᾶσι καὶ μείζουσ ἐξ ἐλαττόνων ἐποίησαν καὶ τήν γ’ εἰσ τὸν ὕστερον χρόνον ῥᾳστώνην παρεσκεύασαν. τὸ γὰρ τοῖσ ὅπλοισ κρατεῖν τῶν ἐχθρῶν ἥκιστα εὐκαταφρονήτουσ, οἶμαι, ποιεῖ, τοῦτο δὲ οὐ μικρὰ μερὶσ εἰσ τὸ τὴν αὑτῶν ἀσφαλῶσ οἰκεῖν. ἡ δὲ στάσισ πάντων τῶν αἰσχρῶν καὶ κακῶν ὡσπερεὶ κεφάλαιόν ἐστι, καὶ μὴ ὅτι τῶν ἄλλων εἶναι κρείττουσ, ἀλλ’ οὐδ’ αὐτοὺσ ἑαυτοῖσ ὁμοιοῦσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ ὁμονοίασ ταῖσ πόλεσιν 15:

(아리스티데스, 아일리오스, 연설, Περὶ ὁμονοίασ ταῖσ πόλεσιν 15:)

상위

목록

SEARCH

MENU NAVIGATION