헬라어 문장 검색 - ΑριστίΟρατιον́42́0́014́

(아리스티데스, 아일리오스, 연설, Περὶ ὁμονοίασ ταῖσ πόλεσιν 14:)

φυγὰσ δὲ καὶ σφαγὰσ κοινὰσ τῶν Ἑλλήνων καὶ πανωλεθρίᾳ πράγματα ἀπολλύμενα οὐδ’ ἂν εἷσ λέγων ἐφίκοιτο. ἐλθόντεσ δ’ εἰσ τοῦτο τύχησ ὥστε ὅ γε δῆμοσ φεύγων ᾤχετο, ἐπειδὴ κατελθόντεσ ἐψηφίσαντο μὴ μνησικακεῖν, ἄριστά τε ἤκουσαν καὶ πάλιν ἦσαν μικροῦ δεῖν ὥσπερ ἐξ ἀρχῆσ. εἶχον δὲ τὴν ἀρχὴν ἑκατέραν ἤδη Λακεδαιμόνιοι, καὶ χρόνου βραχέοσ διελθόντοσ ἐξέπιπτον μὲν ἐκ τῆσ θαλάττησ, κατεπατοῦντο δὲ ἐν τῇ γῇ, καὶ παρέρχεται τρίτη πόλισ ἀμφοτέρουσ, ἡ Θηβαίων. καί τινα ἤνθησε χρόνον ἐν τοῖσ Ἕλλησιν ὑπερφυῶσ· ἀλλὰ γὰρ οὐδ’ αὐτὴ ἄρα ἐν καλῷ τῆσ ὁμονοίασ καὶ τοῦ σωφρονεῖν ᾠκεῖτο, ἀλλ’ ἅμα τε ἀνῄει καὶ ἀνταφῄρει πάλιν. ὡσ δ’ ἐγένοντο τρεῖσ αἱ πόλεισ καὶ τῶν Ἑλλήνων οἱ μὲν ἠττίκιζον, οἱ δ’ ἐλακώνιζον, οἱ δὲ Θηβαίουσ ἐθαύμαζον, κοινὸν δὲ οὐδὲν ἦν οὐδὲ γνώμῃ καὶ λογισμοῖσ διοικούμενον, εὐθὺσ μὲν πόλεμοι Φωκικοὶ καὶ περὶ τὴν Πυλαίαν ταραχαὶ καὶ πράγματα αἰσχύνην ἔχοντα ἀλλήλοισ ἐπέβαλλεν, ἡ δὲ τελευταία μοῖρα τῶν Ἑλλήνων ἤδη Φίλιπποσ ἡγεμὼν καὶ Ἀντίπατροσ κύριοσ. τὸν γὰρ Ἀλέξανδρον ὑπερβήσομαι. πάντα δὲ ἐκεῖνα ὥσπερ ὕδωρ κατὰ γῆσ ἔδυ, μικρὸν δὲ λείψανον τῆσ Ἑλλάδοσ εἰσ ὑμᾶσ ἀγαπητῶσ ἀφίκετο ἀρετῇ τῶν νῦν ἀρχόντων ἀναληφθέν. ἆρα μικρόν τι καὶ λῆρον τὸ διάφορον τῆσ στάσεωσ ὑμῖν παρὰ τὴν ὁμόνοιαν φαίνεται; εἰ δ’ αὖ βούλεσθε τοὺσ Ἀθηναίουσ ἐφ’ αὑτῶν θεωρῆσαι, οἳ τῶν μὲν βαρβάρων ἐπιόντων ἐξ ἴσου πολιτευθέντεσ τοσοῦτον ἁπάντων διήνεγκαν, ἐν δὲ τῷ πρὸσ Πελοποννησίουσ πολέμῳ πάντα τἄλλα ἐνεγκόντεσ, συμφορὰσ ἐν Σικελίᾳ, συμμάχων ἀποστάσεισ, Κῦρον, βασιλέα, πάντασ ἀνθρώπουσ ἀνταγωνιστὰσ, ὑφ’ ἑνὸσ τούτου μόνον ἐξηλέγχθησαν τοῦ διαστῆναι καὶ οὐ πρότερον τῶν πολεμίων ἡττήθησαν πρὶν ἑαυτῶν οὐκ ἐβουλήθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ ὁμονοίασ ταῖσ πόλεσιν 14:

(아리스티데스, 아일리오스, 연설, Περὶ ὁμονοίασ ταῖσ πόλεσιν 14:)

상위

목록

SEARCH

MENU NAVIGATION