헬라어 문장 검색 - ΑριστίΟρατιον́42́0́013́

(아리스티데스, 아일리오스, 연설, Περὶ ὁμονοίασ ταῖσ πόλεσιν 13:)

τροπαίων δὲ τρόπαια ἐξήπτετο καὶ βωμοὶ Διὸσ ἐλευθερίου καὶ τρίποδεσ κοινοὶ τῶν Ἑλλήνων ἐν Δελφοῖσ καὶ ἀναθήματα καὶ δεκάται καὶ κόσμοι τῶν πόλεων καὶ πᾶσα ἐπίδοσισ καὶ τοιαῦτα ἐπεχωρίασε πράγματα. καὶ οἱ μέν γε τὴν ἡγεμονίαν τῶν Ἑλλήνων μετελάμβανον, ἀνθ’ ὧν τότε εἶξαν ἐν καιρῷ, παρ’ ἑκόντων αὐτῶν τῶν Ἑλλήνων εὑρόμενοι τὸν αὐτὸν τρόπον ὅνπερ αὐτοὶ τόθ’ ἑκόντεσ παρεῖσαν, οἱ δ’ αὖ τὰσ ὁμοίασ ἀπεδίδοσαν οἱ Λακεδαιμόνιοι, καὶ οὔτε ἐκώλυσαν οὔτε ἠμφεσβήτησαν, ἀλλ’ ἡγησάμενοι βελτίουσ ἑαυτῶν εἰσ τὰσ ναυτικὰσ καὶ τὰσ ὑπερορίουσ ἀποδημίασ, τοὺσ παρ’ αὐτῶν ἄρχοντασ καταλύσαντεσ ἐκείνοισ ἐπέτρεψαν ἡγεῖσθαι. ἐκ δὲ τούτου Σηστὸσ, Ιὠνία, Κύπροσ, Εὐρυμέδων, ἀμφότερα κοσμούμενοσ κατάλογοσ νικῶν ναυτικῶν τε καὶ πεζῶν ἐφαμίλλων πάνθ’ ὡσ ἔποσ εἰπεῖν τὰ κάλλιστα συνείρετο, ἀντανεχώρουν δὲ οἱ βάρβαροι, δεσπότασ τοὺσ Ἕλληνασ ἑαυτῶν ἀντὶ τοῦ βασιλέωσ νομίζοντεσ. ταῦτα μὲν δὴ τὰ τῆσ ὁμονοίασ αὐτῶν, κοινὰ μὲν ἀμφοῖν, κοινὰ δ’ ἅπασιν ὧν ἡγοῦντο ἀγαθά. ἐπεὶ δ’ ἐστασίασαν περὶ τῆσ ἡγεμονίασ καὶ τὴν ἐπιείκειαν νομίσαντεσ ἀνανδρείαν, τὴν αὐθάδειαν ὡσ ἀρετὴν ἐτίμησαν, δημαγωγοὶ δὲ καὶ προστάται παρ’ ἀμφοτέροισ ἀντὶ τοῦ προϊδόντεσ τὸ μέλλον διακωλύειν καὶ παραμυθεῖσθαι τὰ πλήθη παρώξυνον καὶ συνέκρουον τὰσ πόλεισ, τῆσ καθ’ ἡμέραν ἡδονῆσ ἅπαντα τὸν ὕστερον χρόνον πωλοῦντεσ· ἀνεῖπε μὲν ὁ κήρυξ ὁ Σπαρτιάτησ, ὥσπερ ἐκ θεῶν του καταπεμφθεὶσ, ὅτι ἐκείνη ἡ ἡμέρα μεγάλων τοῖσ Ἕλλησι κακῶν ἄρξει· ταῦτα δ’ οὐκ εἰσ μακρὰν ἐτελεῖτο. οἱ μὲν γὰρ ἀήττητοι καὶ ἀπόρθητοι δοκοῦντεσ εἶναι ζῶντεσ ἤγοντο αὐτοῖσ ὅπλοισ, καὶ περὶ σπονδῶν ἐδέοντο, ἐξὸν αὐτοὺσ ἐξ ἀρχῆσ εἰρήνην ἄγειν πεῖσαι· οἱ δὲ τοσοῦτον ἐκείνων ὑπερσχόντεσ ἐν τῷ πολέμῳ τούτῳ καὶ τοῖσ Ἕλλησι πρότερον τῆσ ἐλευθερίασ αἴτιοι καταστάντεσ δευτέρου πολέμου συστάντοσ πάλιν ἑξῆσ τοῦ Δεκελεικοῦ, καὶ πρὸσ ἁπάσασ πείρασ προελθόντεσ, ἃ μηδ’ εἰπεῖν ἔστ’ ἀδακρυτὶ, ταῦθ’ ἑωρῶντο πάσχοντεσ, ἑώσ τά τε τείχη ταῖσ ἑαυτῶν χερσὶ κατέσκαψαν καὶ τῆσ ἡγεμονίασ ἁπάσησ ἀπέστησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ ὁμονοίασ ταῖσ πόλεσιν 13:

(아리스티데스, 아일리오스, 연설, Περὶ ὁμονοίασ ταῖσ πόλεσιν 13:)

상위

목록

SEARCH

MENU NAVIGATION