헬라어 문장 검색 - ΑριστίΟρατιον́42́0́010́

(아리스티데스, 아일리오스, 연설, Περὶ ὁμονοίασ ταῖσ πόλεσιν 10:)

ἐκεῖνοσ γὰρ τούσ τε ἡρ́ωασ ἅπαντασ ὡσ ἔποσ εἰπεῖν ἐπαινεῖ καὶ τοὺσ ἐναντιωτάτουσ ἀλλήλοισ, ἡγούμενοσ μείζω τοῖσ κρατήσασιν αὐτῶν οὕτωσ ἂν γίγνεσθαι τὴν δόξαν. καὶ τὰσ πόλεισ καταλέγων ἄλλασ ἄλλον κεκόσμηκε τρόπον, πάσασ δ’ εἰσ ὅσον οἱο͂́ν τε ἦν, ὅ τι καὶ μικρὸν ἔχοι τιμῆσαί τινα αὐτῶν οὐδαμῆ προϊέμενοσ. ἐλαφρὰ γὰρ, φασὶ, χάρισ ἡ τῆσ εὐφημίασ. ὥστε μηδὲ τοὺσ ἐχθροὺσ δεῖν ἀποστερεῖν τοῦ τοιούτου χρηστόν γέ τι πράξαντασ θεῶν τινοσ εἶναι παραίνεσιν Ἡρακλεῖ Πίνδαροσ, οἶμαι, λέγει. οὕτω φύσει θεῖόν τι χρῆμα τὸ τῆσ εὐφημίασ, καὶ οὐκ ἐπειδὰν τῶν ἱερῶν μέλλωμεν κατάρχεσθαι, τότ’ ἔχει μόνον καιρὸν, ἀλλὰ κἀν τοῖσ πλείστοισ τῶν ἀνθρωπείων πραγμάτων. τοὺσ δ’ εἰσ ὅσον ἔξεστι χρωμένουσ αὐτῇ κεχαρισμένωσ ἂν τοῖσ θεοῖσ ποιεῖν σύμβολον ἥ τε τοῦ κήρυκοσ αὕτη φωνὴ καὶ ἡ τῶν ἱερέων, ἐπειδὰν τἀγαθὰ τοὺσ θεοὺσ αἰτῶμεν, γιγνομένη. ὥσθ’ ὅτε τῇ τῶν ἀγαθῶν αἰτήσει προσήκει τοῦτο τὸ εἶδοσ τῶν λόγων, εἰκὸσ δή που καὶ καθάπαξ αὐτὸ τιμῶντασ βέλτιον πράττειν ἂν οἰέσθαι καὶ τῆσ βελτίονοσ μοίρασ σώζειν πρᾶγμα. εἰ δ’ αὖ τοῦθ’ οὕτωσ ἔχει, πῶσ οὐ φευκτὸν καὶ κατὰ τοῦτο ἡ στάσισ; ὡσ οὐκ ἔσθ’ ὅ τι μᾶλλον ἐναντίον εὐφημίᾳ τούτου τοῦ κακοῦ· δυοῖν γὰρ ἓν ἀντίκειται τοῖν καλλίστοιν. οὔτε γὰρ λέγειν τὰ βέλτιστα οὔτε πράττειν ἐᾷ, ἀλλὰ βλασφημίασ μὲν ἀντ’ εὐφημίασ, δυσπραξίασ δὲ ἀντ’ εὐτυχίασ φέρει. οὕτωσ οὗ μὲν εὐφημία, καὶ εὐπραξία, οὗ δὲ στάσισ, οὐδέτερον σώζεται. καὶ μὴν ὁ μὲν οὐδαμῶσ ἀξιῶν καθαιρεῖν τοὺσ πλησίον θαρρῶν ἑαυτῷ δοκεῖ ποιεῖν τοῦτο, ὡσ οὐδὲν ἂν αὐτόσ γε ἐλάττων ταύτῃ νομισθεὶσ, ὁ δὲ τὴν εἰσ ἑτέρουσ ἐπήρειαν κέρδοσ ἑαυτοῦ ποιούμενοσ χωρὶσ τῆσ ἄλλησ κακίασ ὕποπτον ἑαυτὸν καὶ περὶ ὧν ἐρίζει καθίστησιν, ὡσ οὐδὲν ἔχων εἰπεῖν τοσοῦτον ὅσον βούλεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ ὁμονοίασ ταῖσ πόλεσιν 10:

(아리스티데스, 아일리오스, 연설, Περὶ ὁμονοίασ ταῖσ πόλεσιν 10:)

상위

목록

SEARCH

MENU NAVIGATION