헬라어 문장 검색 - ΑριστίΟρατιον́42́0́001́

(아리스티데스, 아일리오스, 연설, Περὶ ὁμονοίασ ταῖσ πόλεσιν 1:)

οἱ μὲν πολλοὶ τῶν περὶ τοὺσ λόγουσ, ὦ ἄνδρεσ Ἕλληνεσ, εἰώθασιν ἢ τὰσ ἐπὶ τῶν πλασμάτων διατριβὰσ προελόμενοι τὸν ἅπαντα χρόνον μελετᾶν λέγειν, τοῦ λέγειν δ’ ἀπολείπεσθαι τοσοῦτον ὅσονπερ ἂν εἰ μηδὲν τῶν εἰσ τοῦτο φερόντων ἔπραττον, ἢ τούτων ὑπερφρονήσαντεσ αὐτοὶ μηδὲν σπουδαιοτέρῳ τούτων σχολάζειν πράγματι, τῷ περὶ τὴν ἔριν καὶ τῷ ταράττειν τοὺσ εἰσ λόγον αὐτοῖσ ἀφικνουμένουσ, ἐξ ὧν λυποῦσι μὲν τοὺσ ἐντυγχάνοντασ, βελτίουσ δὲ οὔτ’ αὐτοὶ φαίνονται δήπουθεν οὔτ’ ἐκείνουσ ποιεῖν ἔχουσιν. ἤδη δέ τισ τῶν ἐλλογίμων καὶ τῶν παλαιῶν σοφιστῶν ἐσεμνύνατο ἐπ’ ἀρχῇ τοῦ συγγράμματοσ ὡσ αὐτόσ γε τοιοῦτον οὐδὲν ποιήσων οὐδὲ κομψευσόμενοσ, ἀλλ’ ὑπὲρ δυοῖν τούτοιν διαλεξόμενοσ, τῆσ τε πρὸσ ἀλλήλουσ ὁμονοίασ καὶ τοῦ πολέμου τοῦ πρὸσ τοὺσ βαρβάρουσ, καὶ μάλα γενναίαν, ὥσ γ’ ἐμοὶ κριτῇ, καὶ προσήκουσαν τῶν λόγων ἐνστησάμενοσ τὴν ὑπόθεσιν. ἐγὼ δ’ ὑπὲρ μὲν τοῦ πολέμου τοῦ πρὸσ τοὺσ βαρβάρουσ οὐκέθ’ ὁρῶ καιρὸν λέγειν. ἀθρόαν γὰρ ἁπάντων δεδωκότων δίκην τοῖσ τε θεοῖσ καὶ τοῖσ ἡγεμόσι μελήσειν οἶμαι, καὶ σὺν αὐτοῖσ γε εἰπεῖν τοῖσ θεοῖσ οὐ πολὺν τὸν ἀγῶνα νομίζω γενήσεσθαι, ὁρῶν τῆσ ἁπάσησ οἰκουμένησ καὶ τῆσ ἤδη βεβαίωσ ἐχομένησ μικρὸν μέροσ τὸ νῦν ὑπ’ ἀνοίασ ἀνθεστηκὸσ, ὃ δὲ λοιπόν ἐστι, περὶ τῆσ πρὸσ ἀλλήλουσ ὁμονοίασ οὕτωσ ὅπωσ ἂν οἱο͂́σ τε ὦ διαλέξομαι. νομίζω γὰρ καὶ τῆσ συνεχοῦσ ταύτησ ἀσχολίασ καὶ μελέτησ τῆσ περὶ τοὺσ λόγουσ εἰσ τὰ τοιαῦτα μάλιστα τῶν ἀγωνισμάτων ἀνήκειν τὴν χρείαν. οὐ γὰρ ὅπωσ μηδέποτ’ εἴποιμεν τῶν χρησίμων μηδὲν, διὰ τοῦτ’ ἀεὶ μελετῶμεν, ἀλλ’ ὅστισ τὰ δέοντα λέγειν ἔχει τε καὶ θαρρεῖ, οὗτόσ ἐστιν ὁ καὶ τὴν μελέτην δεικνὺσ ὡσ οὐχὶ μάτην οὐδ’ εἰκῆ πεποίηται. ἠπιστάμην μὲν οὖν καὶ τοῦτο ὥσπερ ἔρεισμα πολλοῖσ ὂν καὶ καταφυγὴν τὸ τοὺσ παρόντασ ἐπαινεῖν ἀεὶ καὶ ἐν οἷσ ἂν λέγωσι, πολλοὺσ δὲ καὶ τῶν ἀποδιδρασκόντων ἐξ ἑτέρων πόλεων κακῶσ ἐκείνασ λέγοντασ πρὸσ ταύτασ ἐν αἷσ ἂν γένωνται, ἄλλωσ τε κἄν τισ αὐταῖσ προϋπάρχῃ πρὸσ ἀλλήλασ διαφορά. ἐγὼ δ’ οὔτ’ ἐπαίνουσ ἀνέδην γιγνομένουσ ἔχοιμ’ ἂν ἐπαινεῖν, εἰ μή τι καὶ χρείασ προσείη καὶ τοῦ τοὺσ ἀκούσαντασ βελτίουσ ἐκ τῶν δυνατῶν ἀπελθεῖν, οὔθ’ ὅσα καὶ χαρίσασθαι δεῖ τῷ λόγῳ μετὰ τοῦ δικαίου τὴν μὲν ἐν ὀφθαλμοῖσ θεραπεύσω πόλιν, τὰσ δ’ ἑτέρασ φύγοιμ’ ἂν τῶν εἰκότων ἀξιῶσαι, οὐδ’ ἐν αὐτῷ τούτῳ πρώτῳ διαστήσω τὰσ πόλεισ, ὥσπερ οἱ πολλοί τε καὶ φαῦλοι, ἀλλ’ ἐπαινέσομαι πάσασ εἰσ ὅσον εἰκόσ ἐστιν ἑκάστην, καὶ ἄρξομαί γε τῶνδε τῶν λόγων ἀπὸ τούτου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ ὁμονοίασ ταῖσ πόλεσιν 1:

(아리스티데스, 아일리오스, 연설, Περὶ ὁμονοίασ ταῖσ πόλεσιν 1:)

상위

목록

SEARCH

MENU NAVIGATION