헬라어 문장 검색 - ΑριστίΟρατιον́38́0́013́

(아리스티데스, 아일리오스, 연설, Συμμαχικὸσ α# 13:)

τί δ’ ἂν διαστήσασ τὰσ πόλεισ καὶ φανεροὺσ ἐπιδείξασ ὑμᾶσ ἐκ τοῦ φανεροῦ διιέντασ, ἐπ’ αὐτοὺσ ὑμᾶσ τρέπηται προτέρουσ, ποῦ τὸ καθ’ ὑμᾶσ θήσετε; εἰ μὲν τοίνυν τοῖσ ἴσοισ ὑμᾶσ ἀμυνούμεθα, οὐ βοηθήσομεν, εἰ δ’ οὐδὲν μᾶλλον μνησικακήσομεν, πῶσ οὐκ εἰσ ἔσχατον αἰσχύνησ ἀφίξεσθε; εἰε͂ν. διεῖναι μὲν δὴ διὰ ταῦτα οὐκ ἔστιν ἁπλῶσ, λοιπὸν δ’ ἐστὶ συνεισβαλεῖν καὶ κινδυνεύειν, εἴπερ ἐκεῖνοσ ὑμῖν ἢ ὑμεῖσ ἐκείνῳ πιστεύειν μέλλετε. σκοπεῖτε δὴ πότερον βελτίουσ ἂν εἰήτε ὑπὲρ τῆσ δουλείασ τῆσ ὑμετέρασ αὐτῶν καὶ τῶν ἄλλων Ἑλλήνων κινδυνεύοντεσ, ἢ παρόντοσ τοῦ κινδυνεύειν ὑπὲρ τῆσ ἐλευθερίασ τῆσ θ’ ὑμετέρασ αὐτῶν καὶ τῶν ἄλλων τούτῳ χρώμενοι. ἡγοῦμαι δ’ εἰ μὲν συνεισβάλοιτε, πλείουσ ἐλπίδασ ὑμῖν εἶναι κρατηθεῖσιν ἐλευθέροισ γενέσθαι ἢ νικῶσιν. ἡμεῖσ μὲν γὰρ ἐγκλήματα πολλοῖσ ἤδη παρήκαμεν, Φίλιπποσ δ’ ὧνπερ φίλοσ, τῶν αὐτῶν καὶ δεσπότησ ἐστί. καὶ μὴν καὶ τὴν συμμαχίαν πρὸσ μὲν ἡμᾶσ ἐν τῇ ἴσῃ δή που καὶ ὁμοίᾳ ποιήσεσθε ὥσπερ ἀεί· Φιλίππῳ δ’ ἀκολουθεῖν ἀνάγκη. τοῦτο δὲ ὅσον διαφέρει γνῶτε. εἰ μὲν γὰρ ἡμεῖσ πέμψαντεσ, μὴ γένοιτο δὲ οὐδ’ ἔσται, τοσοῦτον εἴποιμεν πρὸσ Φίλιππον, ὅτι ἀκολουθεῖν ἐγνώκαμεν αὐτῷ καὶ ὑπηρετεῖν ὅ τι ἂν παραγγέλλῃ, ἔσθ’ ὑπὲρ οὗ λοιπὸν ἡμῖν ἀξιώσει πολεμεῖν; οὐδ’ ἂν εἷσ εἴποι. οὐκοῦν οὐ μικρόν τι μέροσ προί̈εσθε, ἀλλὰ τοσούτῳ χεῖρον περὶ ὑμῶν αὐτῶν ἢ περὶ ἡμῶν βουλεύσεσθε, ὥσθ’ ἡμῖν μὲν, εἰ μηδὲν ἄλλο, τὸ γοῦν ἀγωνίσασθαι περὶ τῆσ ἐλευθερίασ λείπεται, ὑμᾶσ δὲ δεῖ πρότερον δουλεύειν συγκεχωρηκέναι, πρὶν παρατάξασθαι πρὸσ ἡμᾶσ. εἶθ’ ὃ τοῦ πολεμοῦντασ ἁμαρτεῖν ἐστι πέρασ, τοῦτ’ ἐξ ἀρχῆσ ὑμῖν αὐτοῖσ ἀναθήσετε, καὶ τοῖσ τοῦ πολέμου κινδύνοισ τὰσ τῆσ προδοσίασ ἀδοξίασ ἀναμίξετε; μηδαμῶσ· ἀλλ’ ἐνθυμηθέντεσ παρ’ ὑμῖν αὐτοῖσ ὅτι Φίλιππον μὲν αἱρούμενοι, βάρβαρον ἄνθρωπον καὶ φύσει κεχωρισμένον αἱρεῖσθε, κἂν διαρραγῇ τὰ Πύθια ἐξορχούμενοσ, καὶ πρὸσ τούτοισ τύραννον καὶ ἀλάστορα τῆσ Ἑλλάδοσ καὶ νῦν ἐφ’ ὑμᾶσ ἥκοντα, ἡμᾶσ δ’ οἰκειούμενοι πρῶτον μὲν Ἕλληνασ καὶ ὁμοφύλουσ, ἔπειτ’ ἀστυγείτονασ καὶ συνήθεισ ἐκ παλαιοῦ καὶ νῦν ὑπὲρ ὑμῶν πεφοβημένουσ οἰκειοῦσθε, χρήσασθε τῷ καιρῷ, σκεψάμενοι πρὸσ ἅπασι τοῖσ ἄλλοισ καὶ τὸ τῆσ πρεσβείασ ἑκατέρασ σχῆμα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Συμμαχικὸσ α# 13:

(아리스티데스, 아일리오스, 연설, Συμμαχικὸσ α# 13:)

상위

목록

SEARCH

MENU NAVIGATION