헬라어 문장 검색 - ΑριστίΟρατιον́38́0́011́

(아리스티데스, 아일리오스, 연설, Συμμαχικὸσ α# 11:)

καὶ γέγονε πάνθ’ ὥσπερ ἐν Εὐρίπῳ τὰ τῶν Ἑλλήνων πράγματα, νύκια καὶ ἡμέραν ἄνω καὶ κάτω στρεφόμενα, καὶ κατέχει συνήθησ ἀκοὴ τῶν κακῶν, ἐν πορθμῷ Φίλιπποσ, ἐν Μεγάροισ Φίλιπποσ, Ἀρκαδία νοσεῖ, Χαλκιδεῖσ ἀπολώλασι, Θετταλία δεδούλωται, πολιορκεῖ Βυζάντιον, Ἦλιν εἴληφεν, Ὁμήρου κατάλογοσ ἁρπαζομένων γέγονε τῶν Ἑλλήνων. καὶ τοσούτων χρημάτων καὶ σωμάτων καὶ τόπων ἀπολωλότων καὶ πάντων πάντα σεσυλημένων οὐδέν ἐστι τῶν πάντων φοβερώτερον οὐδ’ ἐφ’ ᾧ μεῖζον ἄν τισ στενάξειεν ἢ ὅτι τὰσ γνώμασ ἡμῶν καὶ τὸ λογίζεσθαι σεσύληκε, καὶ τοσαύτῃ φαρμάκων περιουσίᾳ καὶ γοητείᾳ κέχρηται ὥστε πάντασ ἅπαντ’ αὐτῷ καθ’ αὑτῶν συμπράττειν ἀναπέπεικεν, ὥσπερ ἐὰν ἀπόλωνται κερδανοῦντασ, καὶ γέγονε τῶν Ἑλλήνων ἔρισ ὅστισ πρότεροσ ἐκείνου γένηται, καὶ περίεστι τοσοῦτον ἡμῖν, ὅσον τοῖσ ἐκ πληγῆσ ἤ τινοσ ἄλλου κακοῦ σφαλλομένοισ βαδίζουσιν οἷσ τὸ μὲν κατενεχθήσεσθαι πρόδηλον, τὸ δὲ μέλλειν ἔτι, τοῦτ’ ἐστὶν ἡ δύναμισ. ὁ δ’ ὥσπερ τυφὼσ ἢ πρηστὴρ ἐμπεσὼν ἐλαύνει κατάκρασ αἰγίδι λαμπρᾷ πάντα τὰ πράγματα, οὐδὲν παριεὶσ, τοῖσ μὲν ὅπλα, τοῖσ δὲ λόγουσ προσφέρων, μόνον οὐκ ἐπαναγκάζων ἅπαντασ ἀναστῆναι. ἀλλ’ ὅμωσ οὐδείσ πω τοῦθ’ ὑπήκουσεν αὐτῷ, ἀλλ’ ὥσπερ ὁμίχλησ ἢ ζόφου πάντα κατειληφότοσ οὔθ’ ἡμᾶσ αὐτοὺσ οὔτ’ ἐκεῖνον γνῶναι δυνάμεθα, ἀλλ’ εἰδότεσ μὲν τὸ μέλλον, οὐ βουλόμενοι δὲ εἰδέναι δοκεῖν, ἑκούσιοι τὰσ ἀνάγκασ ἀναμένομεν. καὶ φάσματοσ μὲν ἄλλου του συμβάντοσ οἱᾶ κατ’ οὐρανὸν, ἢ σεισμῶν ἢ πνευμάτων ἔξω τοῦ μετρίου κατασχόντων, ἔδει μὲν δεδιέναι πάντασ, ἔδει δ’ ἀλλήλουσ συγκαλεῖν, ἰέναι δὲ θεωροὺσ εἰσ Δελφοὺσ καὶ Δωδώνην καὶ παρ’ Ἀμφιάρεων περὶ σωτηρίασ, Φιλίππου δ’ ἐπιπολάζοντοσ τοσοῦτον ἤδη χρόνον καὶ τὴν Ἑλλάδα ἐκ βάθρων κινοῦντοσ καὶ τοσαύτην γῆν ἐπερχομένου, ὅσην οὐδέπω κῦμα ἐπέκλυσεν, οὐδεὶσ οὐ λόγοσ, οὐ σύλλογοσ, οὐκ εὐχὴ πρέπουσα, οὐκ ἐρώτημα Ἑλληνικὸν, ἀλλ’ ὥσπερ νεφέλῃ κεκαλυμμένοσ, ἢ τὴν τῶν ποιητῶν ἄτοπον κυνῆν περικείμενοσ, δρᾶσαι φανερὸσ, παθεῖν δ’ ἀφανὴσ, περιέρχεται δημαγωγῶν τοὺσ Ἕλληνασ, πάντα ἐκζητῶν, πάντα εὑρίσκων εἴ τί τῳ πέπρακται δυσχερὲσ εἰσ τὸ πλησίον, εἰ ῥῆμά τισ ἔφθεγκται μόνον, διαβάλλων ἐν μέρει πάντασ, ὥσπερ παισὶ τοῖσ Ἕλλησι διαλεγόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Συμμαχικὸσ α# 11:

(아리스티데스, 아일리오스, 연설, Συμμαχικὸσ α# 11:)

상위

목록

SEARCH

MENU NAVIGATION