헬라어 문장 검색 - ΑριστίΟρατιον́38́0́008́

(아리스티데스, 아일리오스, 연설, Συμμαχικὸσ α# 8:)

ὅλωσ δ’ εἰ μὲν ἔξεστι μνησικακεῖν, δίκαιον μὲν οὒ, χρῆσθε δ’, εἰ βούλεσθε, τούτῳ· εἰ δὲ κρείττων ὁ καιρὸσ τῆσ τοιαύτησ μικροψυχίασ, ἐπὶ θάτερα συμβούλῳ τῷ Φιλίππῳ χρησώμεθα καὶ νομίσωμεν ἥκειν αὐτὸν οἱο͂ν ἀκούσιον διαλλακτήν. ἡμῖν μέν γε εἰ μηδὲν ἄλλο, μέμψασθαί γε τὸ κοινὸν τοῦτο ἔχοι τισ ἄν. Φίλιπποσ δὲ οὐδαμοῦ καταλείπει τὸν οἱᾶ πέπονθεν ἐροῦνθ’ ὑφ’ αὑτοῦ οὕτω κακῶσ ἀπολογεῖσθαι περὶ τούτων μελετᾷ. καὶ μὴν εἰ μὲν ἐν αὐτοῖσ τοῖσ καιροῖσ τῶν ἐγκλημάτων ἐμέλλετε ἀγνωμονήσειν τι πρὸσ ἡμᾶσ, τάχ’ ἄν τισ ἦν συγγνώμη· νῦν δὲ σκέψασθε οἱᾶ παιδεύουσιν ὑμᾶσ, ὡσ οὔτε δίκαια οὔθ’ ὑμῖν συμφέροντα. εἰ γὰρ ἡνίκα μὲν δι’ ἀπεχθείασ ἀλλήλοισ ἦμεν, κατείχετε ὑμᾶσ αὐτοὺσ, ὅτε δ’ ἔργῳ πάντα ὑφ’ ἡμῶν λέλυται καὶ συστρατεύεσθαι βουλόμενοι πάρεσμεν, τηνικαῦτα ὀργιεῖσθε, σκοπεῖσθε μὴ θάτερον οὗ βούλεσθε ποιήσητε. οὐ γὰρ τοῖσ ἀδικοῦσι δόξετε μνησικακεῖν, ἀλλὰ τοῖσ εὖ ποιεῖν προῃρημένοισ ὀργίζεσθαι. καὶ μὴν ἀμφοτέροισ οὕτω γ’ ἂν ἐναντίωσ τοῦ δέοντοσ χρήσαισθε, [καὶ ὑμῖν ἀμφοτέρωσ τοῦ δέοντοσ ἐναντίωσ] τὸν μὲν καθ’ ὑμῶν ἥκοντα τῶν ὑπὲρ ὑμῶν προκρίναντεσ, ἡμῖν δ’ αὖ μετριώτερον ἐχθροῖσ οὖσιν ἢ φίλοισ χρώμενοι. πάντων δ’ ἀτοπώτατον τὰ μὲν ἐγκλήματα κοινὰ ἑκατέρωθεν εἶναι, τὸ δ’ ὀργίζεσθαι παρ’ ὑμῖν μόνοισ, καὶ ταῦτα τοῦ στρατεύματοσ ὄντοσ οὐκ ἐπὶ ζωστῆρι οὐδ’ ἐν μεθορίοισ τῆσ Ἀττικῆσ καὶ τῆσ Βοιωτίασ, ἀλλ’ ἐν μεθορίοισ τῆσ Φωκίδοσ καὶ τῆσ ὑμετέρασ, ἐν προθύροισ οὑτωσὶ τῶν Θηβῶν, ὥστε με φρίττειν νυνὶ περὶ ταῖσ πύλαισ. τί ποτ’ οὖν ὑμετέρου τοῦ πράγματοσ ὄντοσ ἡμεῖσ ἥκομεν τεταραγμένοι; μάλιστα μὲν οἶμαι τύχη τισ ἀμφοῖν ταῖν πόλεσιν ἀγαθὴ στρατηγεῖ, ἔπειτ’ αἴσχιστον ἦν ἔργῳ μὲν σώζειν ὑμᾶσ ἐγνωκέναι, λόγῳ δ’ ὀκνῆσαι διδάξαι τὰ δέοντα, ἄλλωσ τε καὶ προσδοκίασ οὔσησ ἐγχειριεῖν ἐκεῖνον διαστρέφειν τἀληθὲσ, ὅπερ εὑρήκαμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristides, Aelius, Orationes, Συμμαχικὸσ α# 8:

(아리스티데스, 아일리오스, 연설, Συμμαχικὸσ α# 8:)

상위

목록

SEARCH

MENU NAVIGATION