헬라어 문장 검색 - ΑριστίΟρατιον́38́0́003́

(아리스티데스, 아일리오스, 연설, Συμμαχικὸσ α# 3:)

τί οὖν ἐλυσιτέλησε τοῖσ Ὀλυνθίοισ ταῦτα; ἦ καλούσ τινασ ἤνεγκε τοὺσ καρπούσ; ἀλλ’ ὁ πρόσθεν ἃ μηδεὶσ ᾔτει διδοὺσ, οὗτόσ ἐστιν ὁ μηδὲν ὕστερον λιπὼν αὐτοῖσ, ἀλλ’ ἀντὶ μὲν τοῦ τότε δοῦναι τὴν Ποτίδαιαν αὐτοὺσ οὐ παραδοὺσ ἑτέροισ, ἀλλ’ ἀνελὼν ὅλωσ, ἀντὶ δὲ τοῦ στῆσαι τὴν πλεονεξίαν ἐν Ὀλύνθῳ δύο καὶ τριάκοντα πόλεισ ἐπιλαβὼν καὶ τὴν Σκυθῶν ἐρημίαν τοῖσ ἐπὶ Θρᾴκησ Ἕλλησι ποιήσασ. καίτοι πρὸσ θεῶν πόσου ποτ’ ἂν ἡγεῖσθε πρίασθαι τοὺσ Ὀλυνθίουσ, ἡνίκ’ ἀπώλλυντο καὶ τὰ πολλὰ καὶ δεινὰ ἐκεῖνα ἔπασχον, ἐκγενέσθαι γνῶναι ταῦθ’ ἑαυτοῖσ πρότερον καὶ βουλεύσασθαι βέλτιον περὶ τῶν πραγμάτων; ἐγὼ μὲν οἶμαι τοῦ παντόσ. τοῦτο τοίνυν ἐκείνοισ μὲν, ὡσ ἐοίκεν, οὐκ ἐξεγένετο, ἀλλ’ ἅμ’ ἐγίγνωσκον καὶ ἀπολώλεσαν. ὑμεῖσ δ’ ἑώσ ἐστὲ κύριοι, χρήσασθε τῷ παραδείγματι καὶ μὴ βούλεσθ’ ἑτέροισ αὐτοὶ γενέσθαι τῶν ὁμοίων. ἀλλ’ ὅταν ὑμῖν τὸ Τιλφωσσαῖον καὶ ἡ τῶν Φωκέων χώρα θαυμαστόν τι κέρδοσ φαίνηται, τότε τὴν ὑμετέραν αὐτῶν πόλιν καὶ χώραν καὶ ἱερὰ καὶ τάφουσ καὶ ἔθη καὶ δόξαν καὶ πάνθ’ ὅσα τοιαῦτ’ ἂν εἴποι τισ ἀντιθέντεσ κρίνετε, καὶ ἐρωτᾶτε ὑμᾶσ αὐτοὺσ, εἰ οὐ πλείονοσ ἄξια· ὧν πάντων, εἰ πρὸσ ἐκεῖνα βλέψετε, στέρεσθαι πρόκειται. ἄτοπον γὰρ τοῖσ μὲν δανείζουσι μὴ ὅπωσ χάριν ἔχειν, ἀλλὰ μηδὲ προσελθεῖν ἐθέλειν πρῶτον, ἂν ἐπὶ πολλῷ τοῦτο ποιῶσι, τοῖσ δ’ ἐπὶ τοιούτῳ τῷ τέλει χαριζομένοισ καὶ τοσαῦτ’ ἀνταπαιτοῦσι μὴ μῖσοσ μηδ’ ἀπιστίαν ἀξιοῦν παρὰ πάντων ὀφείλεσθαι. ἐνθυμεῖσθε δὲ τοῖσ τῶν Ὀλυνθίων ὁμοιοῦντεσ τὰ ὑμέτερ’ αὐτῶν, πλὴν τῆσ τύχησ. μὴ γὰρ εἰ τὰ ὀνόματα ἕτερα τῶν χωρίων, τά γε πράγματα ἡγεῖσθε διαφέρειν. ἀλλ’ ἢ ἔδωκεν ἐκείνοισ δωρεὰσ ὥσπερ ὑμῖν, ἢ οὐκ ἔδωκε; καὶ πολλάσ. καὶ συνήνεγκεν ἐκείνοισ εἰσ τέλοσ, ἢ οὐ συνήνεγκε; φέρε δὴ κἀκεῖνο σκέψασθε πῶσ αὖ πρὸσ ἡμᾶσ εἶχον κατ’ ἐκείνουσ τοὺσ χρόνουσ οἱ Ὀλύνθιοι. ὡσ ἂν μάλιστα Φίλιπποσ ηὔξατο, προσθήσω δὲ καὶ διέθηκεν· ἠπίστουν, ἐμίσουν, οὐδ’ ὄνομ’ ἠνείχοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Συμμαχικὸσ α# 3:

(아리스티데스, 아일리오스, 연설, Συμμαχικὸσ α# 3:)

상위

목록

SEARCH

MENU NAVIGATION