Aristides, Aelius, Orationes, Λευκτρικὸσ γ# ὑπὲρ Λακεδαιμονίων δεύτερος 4:

(아리스티데스, 아일리오스, 연설, Λευκτρικὸσ γ# ὑπὲρ Λακεδαιμονίων δεύτερος 4:)

νῦν δὲ ὥσπερ οὓσ ἂν φοβῆταί τισ μὴ ποιήσῃ τισ εὖ, τούτουσ αἱρεῖσθαι δέον, οὐχ οἷσ ἄν τισ καὶ ἄλλουσ προσγενέσθαι συνεύξαιτο, οὕτω ταῦτα παραινοῦσι. καίτοι εἰ βασιλέα μὴ δύνανται κωλῦσαι βοηθεῖν, ἀλλ’ ὑμᾶσ μὴ παρακαλεῖν ἠδύναντο. ἐγὼ δ’ οὐχ οὕτωσ ἀναισθήτουσ οὐδ’ ἔκφρονασ εἶναι νομίζω Θηβαίουσ ὥσθ’ ὑπὲρ ἀρχῆσ Λακεδαιμονίοισ πολεμοῦντασ βασιλεῖ περὶ δουλείασ συμβαίνειν. καὶ γὰρ γελοῖον τούτουσ μὲν ζητεῖν ἀνελεῖν, ἵνα μὴ ἐμποδὼν αὐτοῖσ ὦσιν, ἐκεῖνον δὲ καλεῖν ἐπὶ τοῖσ ὃν ἴσασι δεσπότην ἕξοντεσ. τοσούτῳ γὰρ ἄμεινον περὶ ἡμῶν καὶ Λακεδαιμονίων βουλεύσονται, καλοῦντεσ βασιλέα σύμμαχον, ἤπερ αὐτοὶ περὶ αὑτῶν, ὅσῳ ἡμῖν μὲν τὸ ἀμύνασθαι γοῦν αὐτὸν καταλείψουσιν, αὐτοὶ δ’ οὐδ’ ὅπλα ἀνταράμενοι παραχρῆμα ὑποκύψουσιν αὐτῷ καὶ ἡμᾶσ μὲν, ἐὰν ἄρα κρατήσῃ, δι’ αὐτοῦ κεκρατηκὼσ ἔσται, ἐκείνουσ δὲ δι’ αὑτῶν ἔχων προτέρουσ· ταῦτα δὲ μαίνοιντ’ ἂν εἰ βούλοιντο. καὶ μὴν εἴ τισ θαρρεῖν αὐτοὺσ τῇ παλαιᾷ φιλίᾳ καὶ συμμαχίᾳ πρὸσ τὸν βάρβαρον ἡγεῖται, ταῦτα μάλιστα φοβήσονται. ἐπίστανται γὰρ τότε καὶ πάντων ἀγαθῶν ἀνόνητοι γενόμενοι, καὶ παραχωρήσαντεσ ὧν εἶχον ἐκείνῳ, πρότερον μὲν αὐτὸν τὸν βασιλέα, μετὰ ταῦτα δὲ Μαρδόνιον δεξάμενοι τὸν ὕπαρχον αὐτοῦ, ὃσ ἐγκαθήμενοσ μετὰ τῆσ ἵππου καὶ στρατιᾶσ ἀπείρου τὰ μὲν φθείρων, τὰ δὲ καρπούμενοσ αὐτῶν διετέλει τὴν χώραν, τῇ πόλει δ’ ἐχρῆτο στρατοπέδῳ, παρρησίασ δ’ οὐδ’ ὁτιοῦν οὐδενὶ μετεδίδου· ὥστ’ εἶναι μηδὲν ἀθλιώτερον ἐν τῷ τότε καιρῷ Θηβαίων, ὄνειδοσ μὲν ἐν τοῖσ Ἕλλησιν ἐχόντων, ἐπιτριβομένων δὲ κακῶσ ὑπὸ τῶν βαρβάρων. οὔκουν βουλήσονται τοιαύτησ κακοδαιμονίασ πάλιν ἐλθεῖν εἰσ πεῖραν, οὐδὲ δεηθῆναι βασιλέωσ καταπέμψαι σφίσιν ἄνδρα, ὃσ ἐγκαθίσασ εἰσ τὴν Βοιωτίαν καὶ ἡγεμὼν τοῦ πολέμου γενόμενοσ γρύζειν οὐκ ἐάσει σφᾶσ. εἶτα καὶ νενικηκότεσ νίκην τοιαύτην καὶ λαμπροὶ γεγονότεσ φύγοιεν ἂν, οἶμαι, ταπεινὸν οὕτω σχῆμα λαβεῖν, ὥστ’ ἐπὶ τὸν βάρβαρον καὶ κηλῖδα παλαιὰν ἐπανελθεῖν. ὅλωσ δ’ οὐκ ἔχει λόγον ἡ ὑπόνοια αὕτη.

상위

Aristides, Aelius (아리스티데스, 아일리오스)

목록

일치하는 문장이 없습니다.

SEARCH

MENU NAVIGATION