헬라어 문장 검색 - ΑριστίΟρατιον́30́0́014́

(아리스티데스, 아일리오스, 연설, Εἰσ τὸ ἐναντίον 14:)

εἰ δέ ἐστι μείζων ἡ πραγματεία, τί τοῖσ ἐνταῦθα οὐκ ἔχοντεσ ἱκανῶσ ἀνταρκεῖν ὑπερορίουσ ταραχὰσ ἡμῖν αὐτοῖσ ἐξευρίσκομεν; ὑπερβολὴν δὲ ποιήσομαι· εἰ γὰρ ἴσα καὶ κοινὰ θείημεν εἶναι τἀν τῇ Σικελίᾳ πράγματα, ὃ πολλῷ πλεονεκτεῖν ἡμᾶσ ἔγωγ’ ἂν φαίην εἶναι, εἴπερ οὕτωσ εἶχεν, ἐκεῖνό γε δή που πάντεσ ἐπιστάμεθα, ὅτι οὐ τοσοῦτον κέρδοσ λαβεῖν Σικελίαν εἰ προχωροῖ, ὁπόσον τι κακὸν τοσαύτῃ δυνάμει σφαλῆναι. ὅτε τοίνυν μείζων ὁ φόβοσ τῆσ ἐλπίδοσ, πῶσ οὐκ ἄξιον φυλάξασθαι; θαυμάζω δὲ τῶν φοβουμένων μὲν Συρακοσίουσ μὴ δεῦρ’ ἐπιπλεύσωσιν, αὐτοὺσ δ’ ἐπ’ ἐκείνουσ πλεῖν κελευόντων, ὥσπερ ἄδειαν οὖσαν. ἐγὼ δ’ ἡγοῦμαι μὲν Συρακοσίουσ οὐχ οὕτω παραφρονεῖν ὥστ’ ἀγαπητῶσ καὶ παρὰ δόξαν ἀπαλλαγέντασ πραγμάτων αὑτοῖσ κινεῖν ἕτερα, ἄλλωσ τε καὶ παρ’ ἡμῶν αὐτῶν ἐγνωκότασ ὡσ οὐ λυσιτελὲσ τοσαύτην ἀπὸ τῆσ οἰκείασ ῥᾳδίωσ κινεῖσθαι, εὐξαίμην δ’ ἂν ἅπασι τοῖσ θεοῖσ ἐνταυθοῖ λαβεῖν αὐτούσ. ἅμα μὲν γὰρ οὐ πρὸσ ἴσασ ναῦσ προσοισόμεθ’ αὐτῶν, ὅσασ περ ὑπὲρ τῆσ αὑτῶν σωτηρίασ ἐκεῖ παρέξονται, ἅμα δ’ οἶμαι τὸν νόμον εἴσονται τῶν ὑπερορίων καὶ μεγάλων στρατειῶν· ᾧ περιέπεσε μὲν ὁ Περσῶν βασιλεὺσ ὁ δεῦρο στρατεύσασ, περιέπεσον δὲ Καρχηδόνιοι διαβάντεσ εἰσ Σικελίαν μυριάσι πολλαῖσ καὶ πεζῆσ καὶ ναυτικῆσ δυνάμεωσ. οὐ γὰρ ὁμοίωσ τά τε οἰκεῖα φυλάττειν δυνατὸν καὶ τοὺσ μακρὰν ἀφεστῶτασ χειροῦσθαι, ἀλλ’ ἀκολουθεῖ τισ νέμεσισ τῷ τολμήματι. ἃ καὶ Λακεδαιμόνιοι γιγνώσκοντεσ οὐδὲν οὕτωσ ὡσ τὰσ διὰ πολλοῦ στρατείασ φυλάττονται. καὶ γάρ τοι τῶν Ἑλλήνων οὐκ ἐλάχιστον δύνανται τὰσ κατὰ μικρὸν πλεονεξίασ συλλέγοντεσ. εἰ δὲ δεῖ πάντων ἀποστάντα ἓν εἰπεῖν, οὐκ εἴ τί ποθ’ ἡμᾶσ ἀναγκαῖον περιστήσεται, τούτου χάριν καὶ τὰ μὴ προσήκοντα ἑκόντασ αὑτοῖσ προστίθεσθαι χρὴ, ἀλλὰ χωρὶσ τιθέναι τό τ’ ἀμύνασθαι τοὺσ ἐπιόντασ καὶ τὸ μὴ ἐθέλειν ἑαυτῶν φείσασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristides, Aelius, Orationes, Εἰσ τὸ ἐναντίον 14:

(아리스티데스, 아일리오스, 연설, Εἰσ τὸ ἐναντίον 14:)

상위

목록

SEARCH

MENU NAVIGATION