헬라어 문장 검색 - ΑριστίΟρατιον́30́0́007́

(아리스티데스, 아일리오스, 연설, Εἰσ τὸ ἐναντίον 7:)

ὅτι νὴ Δί’ αὐτὸσ εἴρηκεν, ἢ καλεῖν αὐτοὺσ, ἢ πέμπειν τοὺσ βοηθήσοντασ; ὁ δέ γε αὐτὸσ οὗτοσ ἐκπλέων ἐνθένδε ᾔτησε τὰ καὶ τὰ, ὡσ ἀρκέσοντα, καὶ ὅμωσ κατὰ τὴν αὐτοῦ νῦν ἐκείνου μαρτυρίαν οὐδὲν τούτων ἀποχρῆσαν φαίνεται. τί οὖν ἐὰν καὶ τὰ δεύτερα σφαλῆτε, ἢ καὶ μέσοσ ᾖ τοῦ τε τἀληθῆ λέγειν καὶ τοῦ θεραπεύειν τὴν ἡμετέραν ἐπιθυμίαν; οὐχ αἱρησόμεθα, ὦ Ἀθηναῖοι, τὸ πρόδηλον καὶ ὁρώμενον πρὸ τοῦ ἀδήλου καὶ ἀπίστου καὶ τάχ’ ἂν ἡμᾶσ αὖθισ ταράξοντοσ; ἀλλ’ ὅμοιον πεισόμεθα ὥσπερ ἂν εἴ τινεσ σωμάτων ἐν νηὶ κινδυνευόντων ἀγωνιῶντεσ καὶ φοβούμενοι περὶ αὐτῶν, εἶθ’ ἑτέραν ναῦν προσπληροῦν ἀξιοῖεν τῆσ αὐτῆσ ταραχῆσ ἕνεκα. ἀλλά τοι κἀν τοῖσ τοιούτοισ οἱ βοηθοῦντεσ τοὺσ χειμαζομένουσ ἐκκομίζουσιν ἐκ τῆσ θαλάττησ, οὐκ αὐτοὶ μετ’ ἐκείνων πλέουσι. καὶ μὴν εἰ μὲν, ὦ Ἀθηναῖοι, τοσαύτην δύναμιν πέμψομεν ὅση τὴν ὠφέλειαν ἐπίδηλον ἐκείνοισ ἕξει, εἰσ λεπτὸν παντελῶσ τὸ τῶν ἐνταῦθα καθίσταται, ὥσθ’ ἅμα τε ἐκείνοισ τοῖσ ἐκεῖ πέμψομεν τοὺσ βοηθήσοντασ καὶ τοῖσ ἐνταῦθα δεήσει ζητεῖν. εἰ δὲ διαιρήσομεν ἀμφοτέρων ἐχόμενοι, τοῦ μηδ’ ἐκείνουσ προέσθαι δοκεῖν καὶ τἀνταῦθα δύνασθαι διασώζειν, δέδοικα μὴ τοὐναντίον οὗ βουλόμεθα ποιήσωμεν, διαρκῆ μὲν οὐδετέρῳ τῷ μέρει τὴν ὠφέλειαν, ἑκατέρῳ δὲ ἐνδεεστέραν διὰ θάτερον, εἶτα μέσοι δυοῖν καθιζώμεθα. ὡσ ἐγὼ δέδοικα μὲν περὶ τῷ Πειραιεῖ, συνειδὼσ καὶ πρότερον πειραθέντασ Πελοποννησίουσ εἰσπλεῦσαι κατ’ ἀρχὰσ ἔτι τοῦ πολέμου, πρίν τι καὶ μικρὸν ἡμῖν τοῦ ναυτικοῦ προσπταῖσαι· δέδοικα δὲ καὶ περὶ τῶν ἀπιόντων μὴ τῆσ εὐφημίασ χεῖρον πράξωσι καὶ βοηθῶν ἔχοντεσ τοῖσ ἐκεῖ σχῆμα τῶν ἀμφοτέρουσ μελλόντων συνεκσώζειν προσδεηθῶσιν. εἰ γὰρ μίαν, ὦ Ἀθηναῖοι, μίαν ναυμαχίαν μόνον ἡττηθείημεν, οἱ θεοὶ δὲ πάντεσ τρέποιεν εἰσ Συρακοσίων παῖδασ καὶ τοὺσ ἐκείνοισ τὰ αὐτὰ φρονοῦντασ, οὐκ ἔστιν ἔθ’ ἡμῖν μὴ ὅτι ἑλεῖν τἀκεῖ πράγματα, ἀλλ’ οὐδ’ ὅπωσ αὐτοὶ διαφευξόμεθα εὑρεῖν. κεκλείσεται γὰρ ὁ λιμὴν εὐθὺσ καὶ μόνον οὐκ ἐν τοῖσ κόλποισ τῶν πολεμίων ἐνεξόμεθα. καὶ τί κελεύσουσι τότε ποιεῖν οἱ νῦν εὐχερεῖσ οὗτοι;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Εἰσ τὸ ἐναντίον 7:

(아리스티데스, 아일리오스, 연설, Εἰσ τὸ ἐναντίον 7:)

상위

목록

SEARCH

MENU NAVIGATION