헬라어 문장 검색 - ΑριστίΟρατιον́30́0́006́

(아리스티데스, 아일리오스, 연설, Εἰσ τὸ ἐναντίον 6:)

ὀφθέντεσ μὲν γὰρ ἐξαίφνησ ἐκπλήττουσι καὶ ὀλίγοι πολλοὺσ καὶ φαυλότεροι κρείττονασ, ὅταν δ’ ἐφ’ ἡσυχίασ διάθωνται τὸν πόλεμον οἱ τὰ δεινὰ προσδοκήσαντεσ πολλῷ ῥᾴουσ εἰσὶν ἀμύνασθαι τῶν ἐπελθόντων, τὴν μὲν ὀργὴν ἐξ ὧν ἐφοβήθησαν ἔχοντεσ, τὴν δ’ ἰσχὺν τῇ σχολῇ προσειληφότεσ. φρασάτω τισ οὖν ἐμοὶ τίνα χρὴ λαβεῖν ἡμᾶσ ἐγγυητὴν ἀξιόχρεων τῷ θαρρῆσαι θεῶν, οὐ γὰρ ἀνθρώπων γε οὐδενὶ, ὡσ ἡ αὐτὴ ἀπιοῦσα δύναμισ τἀκεῖ κατασχήσει καὶ φόβον οὐδένα ἕτερον προσαγγελεῖ Νικίασ ἡμῖν αὖθισ; δοκεῖ δ’ ἔμοιγε Νικίασ εἰσ ταυτὸν ἀφῖχθαι κατὰ τὴν ἐπιστολὴν εἰσ ὅπερ τότε δημηγορῶν. δημηγορῶν τε γὰρ, ὦ Ἀθηναῖοι, βουλόμενοσ τῆσ στρατείασ ὑμᾶσ ἀποστρέψαι πλῆθοσ ᾔτησε τοσοῦτον ὅσον ἥκιστ’ ἂν ὑμᾶσ ᾠήθη δοῦναι, ἵν’ ἐκ τούτου πρὸσ τὴν ἀναγκαίαν ἡσυχίαν τράπησθε ‐ ὃ καὶ σφόδρα δῆλόν ἐστιν ὡσ οὐκ ἐνδείᾳ δυνάμεωσ εἰσ ταῦτα ἐλήλυθε· πάντα γὰρ ὧν ἐμνήσθη λαβὼν ἐξέπλευσεν ‐ ἐπιστέλλων τε ὑπὲρ τῶν ἐκεῖ νῦν πραγμάτων ἓν μὲν εὐθὺσ καὶ σαφὲσ αἰσχύνεσθαί μοι δοκεῖ δηλοῦν ὅτι ὑμῖν κλητέον ἐστὶν αὐτούσ· προστίθησι δ’ ὥσπερ παραμυθούμενοσ αἱρ́εσιν εἶναι ἢ τοὺσ ἐκεῖθεν καλεῖν, ἢ πέμπειν τοσαύτην βοήθειαν, ὅση τοῖσ ἐκεῖ φόβοισ ἀρκέσει. ἂν οὖν, ὦ Ἀθηναῖοι, καὶ νῦν ταυτὸν ὅπερ πρότερον συμβῇ καὶ ὑμεῖσ μὲν πρὸσ τὴν βοήθειαν καὶ τὸ πέμπειν ὁπόσουσ ἂν μάλιστα ἐθελήσειεν ὁρμήσητε, οἱ δὲ ταῖσ αὐταῖσ ἀπορίαισ ἐμπέσωσι νὴ Δί’, οὐ γὰρ ἂν τοῦτο γένοιτο; μηδὲ γὰρ γένοιτο, ὦ Ζεῦ καὶ πάντεσ θεοὶ, οὐδὲ ἐγὼ βούλομαι μὴ ὅτι συμβῆναι, ἀλλ’ οὐδ’ αὐτὸ τοῦτο δεῖσαι μὴ γένηται. ἀλλ’ οἶμαι πάντεσ ἐπιστάμεθα ὅτι νῦν οὐ μόνον εὐξόμενοι συνήλθομεν ὥσπερ εἰσ ἱερὸν, ἀλλὰ σκεψόμενοι περὶ τῶν ὅλων. δεῖ δὲ εὐχομένουσ μὲν τὰ μέγιστα καὶ τὰ ἥδιστα αἰτεῖν τοὺσ θεοὺσ, βουλευομένουσ δὲ τὰ ἀσφαλέστατα ἐκ τῶν παρόντων αἱρεῖσθαι τούσ γε μήθ’ αὑτοῖσ μήτε τοῖσ θεοῖσ μέλλοντασ ὕστερον ἐγκαλεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Εἰσ τὸ ἐναντίον 6:

(아리스티데스, 아일리오스, 연설, Εἰσ τὸ ἐναντίον 6:)

상위

목록

SEARCH

MENU NAVIGATION